Наби Кеита од Ливерпул ќе биде замената за Брозовиќ во Интер

Интер започнал преговори со играчот на Ливерпул, Наби Кеита.

28-годишниот играч од средниот ред е на излезните врати во Ливерпул и на лето ќе си замине како слободен агент. Откако стана јасно дека нема да го продолжи договорот со Ливерпул започна битката за неговиот потпис, а најсилен интерес за него покажува Интер.

Спортскиот директор Аусилио имал средба со неговиот агент и почнал преговори, а „нероаѕурите“ наскоро ќе испратат официјална понуда.

Интер на лето сака да го продаде Брозовиќ, а раководството верува дека Кеита би бил идеална замена за Хрватот.