Гвардиола: Ќе ме „убиевте“ ако потрошевме колку што троши Челзи

Челзи и ова лето потроши прилично големи суми, а постави и рекорд во Премиер лигата со трансферот на Каиседо од Брајтон за кого платија 115 милиони фунти.

На оваа тема зборуваше и стратегот на Манчестер Сити, Пеп Гвардиола кој често е критикуван поради сумите кои ги плаќа неговиот тим.

„Ако ние потрошевме толку пари во последните два преодни рока, веројатно немаше да стојам овде пред вас – ќе ме убиевте. Дефинитивно сите ќе зборуваа и критикуваа, со Челзи тоа не е баш така.

Ќе видиме што ќе се случи до крајот на преодниот рок и дали ќе се отвори прилика да доведеме уште некој играч. Во 2019 година сакавме да го доведеме Хари Мегваер, но не го направивме тоа бидејќи не сакавме да платиме колку што бараше неговиот тим.

Минатото лето го сакавме и Кукуреља, но повторно имаше тим кој плати пвоеќе од нас. Така беше и со Алексис Санчез во 2018. година. Ќе платиме висока цена само ако сметаме дека е фер…“, изјави Пеп.