Пораз во првиот меч на ракометарките на „Кроација Купот“

Женската репрезентација на Македонија доживеа пораз од Хрватска од 26-18 на првиот натпревар на „Кроација Куп“ кој се одржува во хрватскиот град Новиград.

Нашата селекција беше надиграна од избраничките на Ивица Обрван кои беа доминантни, па веќе во првиот дел се стекнаа со предност од 14-8 која потоа им овозможи поголема самодоверба и рутинска одработка на вторите триесе минути.

Македонските голманки немаа свој ден и забележа само три одбрани преку Чурлиновска, додека пак најефикасна беше Младеновска со три реализации.

Утре не очекува уште една контролка, соочување со Србија која ќе биде последна пред настапот на Европското првенство каде ќе се соочиме со Шведска, Унгарија и Турција.