Нико Паз пред две опции: Враќање во Мадрид или дебела продажба

Медиумите од Италија пренесуваат дека талентираниот Нико Паз летоска ќе има две опции, да се врати во Реал Мадрид или да направи богат трансфер.

Нико Паз минатата сезона прикажа импресивни партии во дресот на Комо, па го привлече вниманието на неколку клубови.

Аргентинецот на крајот остана во Комо, но се чини дека летото во 2026 сигурно ќе направи трансфер.

Како што пренесува Газета дело Спорт, Нико Паз има две опции – да се врати во Реал Мадрид и да се бори за место во тимот на Чаби Алонсо, или да направи богат трансфер.

„Кралевите“ имаат клаузула според која можат да го вратат офанзивниот фудбалер во своите редови за само 10 милиони евра.

Доколку едно вакво сценарио не се реализира, Нико Паз ќе направи богат трансфер – почетната цена ќе биде 70 милиони евра.