Адејеми се извини поради обидот нелегално да купи оружје

Германскиот репрезентативец и фудбалер на Борусија Дортмунд, Карим Адејеми (23), им се извини денеска на својот клуб и репрезентација откако беше осуден за обид за нелегално поседување оружје.

На почетокот на минатата година, Адејеми ја нарачал преку интернет таканаречена „мистериозна кутија“ која содржела предмети што не биле дозволени според законите за оружје.

Пакетот бил доставен неколку месеци подоцна, но завршил во полициска станица.

Весникот „Билд“ пред неколку денови објави дека против германскиот репрезентативец е издадена кривична потерница за нелегално поседување оружје, а канцеларијата на државниот обвинител го казнила Адејеми со 450.000 евра.

Пакетот наводно содржел два месингани боксирачи и тејзер, кои не се дозволени без официјална дозвола.

Адејеми денеска се огласи на социјалните мрежи за да им се извини на својот клуб и репрезентација.

„Веројатно ги видовте насловите за мене во последните неколку денови. Не ми е лесно да зборувам за ова. На почетокот на 2024 година, од невнимание и без сериозно размислување за тоа што правам, ја нарачав преку интернет таканаречена „мистериозна кутија“. Содржеше и предмети што не се дозволени според законите за оружје. Тоа беше голема грешка од моја страна. Оваа грешка ме чинеше многу и за која длабоко жалам. Знам дека сум јавна личност и пример за децата, што го прави уште поболно за мене што се однесував толку невнимателно“, објави Адејеми.