Еспи е спасителот, Реал со судни маки ја победи Селта

Реал Мадрид стигна до важна победа од 2-1 против Селта Виго, иако гостите први ја затресоа мрежата на „Сантијаго Бернабеу“.
Селта приреди изненадување уште на почетокот. Пабло Дуран во шестата минута ја искористи асистенцијата на Вилиот Сведберг и донесе предност за гостинската екипа.
„Кралевите“ имаа можност да израмнат уште пред паузата, но Килијан Мбапе не реализираше удар од белата точка. Притисокот на домаќините продолжи и во второто полувреме, а упорноста конечно се исплатеше во 66. минута, кога Џуд Белингем ја погоди мрежата за 1-1.
Кога се чинеше дека натпреварот ќе заврши без победник, на сцена стапи Карлос Еспи. Напаѓачот, кој доби шанса од клупата, во 85. минута го постигна решавачкиот гол и му донесе три бода на Реал.