Големо признание за шпанскиот кошаркар Пау Гасол подготвува неговиот бивш клуб од НБА лигата, Лос Анџелес Лејкерс.

Од клубот ја потврдуваат информацијата дека се донесе одлука во знак на благодарност да се повлече дресот на Гасол со број 16. Церемонијата за овај настан е закажана за 7.март 2023 година.

Пау Гасол беше член на Лејкерс од 2008 до 2014 година, и ќе биде седмиот играч од Европа, а прв од Шпанија на кој дресот ќе му биде истакнат во некоја од салите на клуб од НБА. Ваква чест досега имаа Дражен Петровиќ, Предраг Стојаковиќ, Владе Дивац, Тони Паркер, Зидрунас Илгаускас и Дирк Новицки.

Американскиот кошаркар Леброн Џејмс го продолжи договорот со Лос Анџелес Лејкерс на уште две години и за тој период ќе заработи 97 милиони долари.

Тоа значи дека тој ќе остане „езерџија“ до сезоната 2024/25.

Како што пренесува новинарот Адријан Војнаровски, висината на платата може да се зголеми на 111 милиони, доколку се зголеми НБА салари капот во 2023 година.

Џејмс пристигна во Лејкерси во 2018 година, имаше проблеми со повреди во првата сезона, а потоа тимот размени млади играчи за Ентони Дејвис, со кого Леброн на Лос Анџелес му го донесе 17-от шампионат во НБА во 2020 година.

Играчот на Лос Анџелес Лејкерс, Леброн Џејмс, се согласил да потпише нов договор со клубот.

Според информациите еден од најдобрите играчи во НБА лигата, ќе потпише двегодишен договор вреден 97,1 милиони долари, со опција за продолжување на уште една сезона. 

Со продолжувањето на договорот изгледни се шансите дека Леброн својата богата НБА кариера ќе ја заврши во својот актуелен клуб.

МЗТ Скопје Аеродром денес и официјално потврди дека Војдан Стојановски (34 год, 194 см) го продолжи договорот и во следните две сезони ќе остане член на македонскиот кошаркарски шампион.

Војдан имаше повеќе сериозни понуди надвор од странство, пред сѐ од Франција, но кај него победи желбата да се биде предводник на МЗТ Скопје во новата сезона и во АБА лигата.

Тој е единаесеттиот кошаркар со кој во моментов располага тренерот Александар Петровиќ, по Дамјан Стојановски, Адем Мекиќ, Бојан Крстевски, Андреј Магдевски, Дамјан Робев, Андреј Андоноски, Американците Бре Ајви, Мајк Кафи и Еван Максвел, како и српскиот интернационалец Страхиња Миќовиќ. Тука се и талентираните Димитар Иванов, Бојан Величковски и Марко Спасовски.

Јанис Адетокумбо се уште верува дека Леброн Џејмс е најдобриот кошаркар на денешницата.

Додека многумина веруваат дека нивото на Џејмс благо опаднало во последните години и дека тој повеќе не е на врвот поради годините, Гркот не го дели тоа мислење.

„Интересно ми е како Леброн се уште е најдобрата физичка форма во својот живот и се уште е најдобар во светот иако е во својата 18-та сезона. Навистина сум заинтересиран за тоа. Сакам да знам како му оди сето тоа. Константен е 18 години, секогаш е тука кога треба. За мене е неверојатно“, изјави Адетокумбо.

Асот на Лејкерс минатата сезона имаше просек од 30,3 поени, 8,2 скока, 6,2 асистенции, 1,3 украдени топки и 1,1 блокада по натпревар.

Кошаркарите во најсилната лига на светот НБА, во иднина нема повеќе да можат да настапуваат во дрес со број шест, бидејќи раководството на лигата одлучи да го повлече тој број во чест на неодамна починатиот Бил Расел.

Легендарниот Расел е еден од најдобрите кошаркари во историјата. Тој со тимот на Бостон Селтикс во периодот од 1956 до 1969 година освои 11 титули.

Од НБА соопштуваат и дека играчите кои во моментот носат дрес со број шест, меѓу кои се Леброн Џејмс и Кристоф Порзингис нема да мораат да го менуваат бројот.

Ѕвездата на НБА лигашот Милвоки, Нигериецот со грчки пасош Јанис Адетокумбо привлече големо внимание во јавноста во Нигерија. 

Јанис кој во последните неколку години е меѓу најдобрите кошаркари на светот и е двоен носител на МВП признанието во НБА во моментов со своите тројца браќа е на подготовки со кошаркарската репрезентација на Грција пред продолжението на Мундијалските квалификации и настапот на Европскиот шампионат.

Тој на својот профил на „Твитер“ објави фотографија во дресот на грчката репрезентација заедно со тројцата браќа. На твитот на Јанис реагираше официјалниот профил на репрезентацијата на Нигерија, со видео од 2012 година.

Бидејќи е еден од косопствениците на Евролигата, заедно со уште десет клубови, ЦСКА Москва реши да ја тужи споменатата организација за исклучување од натпреварувањето во сезоната 2022/23.

Московјаните поднесоа тужба до судот во Луксембург и очекуваат пресуда за неколку дена. Потегот на раководните луѓе е донекаде изненадувачки, со оглед на тоа што како косопственици учествуваа на сите досегашни состаноци во Евролигата, подеднакво одлучувајќи дали ќе усвојат корекција и воведување нови правила, како и на кои клубови да им биде дадено право на учество во следната натпреварувачка година.

Андреј Ватутин како прв човек на клубот неодамна, по последниот состанок на кој беше одлучено Партизан и Валенсија да ги пополнат испразнетите позиции по исфрлањето на ЦСКА и Зенит поради војната во Украина, се појави смирен кога и се обрати на јавноста. помирен со фактот што Московјаните нема да бидат дел од најелитното натпреварување во следната натпреварувачка година. Впрочем, и за тоа гласаа клубовите косопственици на Евролигата.

Американската кошаркарка Бритни Грајнер денеска е прогласена за виновна во Русија за шверц на дрога. Таа беше приведена уште во февруари, а денес и беше изречена казната, која изнесува девет години.

Грајнер се изјасни за виновна за внесување на течност за електронски цигари кое содржи масло од хашиш.

Претходно Обвинителот побарал девет и пол години затвор за ѕвездата на ВНБА. Ова следува откако во последните неколку недели се зборуваше за „дил“ со Американците кои бараа нејзина екстрадиција.

Грајнер пристигнала во судот со лисици и придружуван од руски полицајци. Откако ги извадила лисиците, разговарала со својот адвокатски тим, а потоа кренала фотографија од Екатеринбург, клубот за кој игра во Русија за време на паузата во САД.

Првиот натпревар од вториот кртуг од претквалификациите за пласман на Евробаскетот во 2025 година нашата машка сениорска кошаркарска репрезентација ќе го одигра на 25 август во градот Нествед.

Домаќинот на оваа средба, националната федерација на Данска одреди првиот меч од нашата квалификациска група да се игра во овој град кој е 70 километри одалечен од Копенхаген.

Арена „Нествед“ е со капацитет од околу 3.000 места, а во неа, данската репрезентација ги играше и дуелите против Норвешка и Косово во првата претквалификациска фаза за Европското првенство.

Инаку, веќе се пуштени во продажба и билетите за овој натпревар. Цената на влезните билети за овој меч се движат од 780 до 1.400 денари (95 до 170 дански круни).