Капитенот на фудбалската репрезентација на Англија, Хари Кејн, изјави дека актуелниот состав е еден од најдобрите во историјата на „Гордиот Албион“ и дека ќе биде еден од фаворитите на Светското првенство следната година.

„Изградивме нешто и имавме одлична година со новиот тренер (Томас Тухел), а сега се радуваме на она ѓто не чека во 2026 година. Мислам дека ова е најдобриот тим што некогаш сме го имале. Кога ќе го погледнете почетниот состав и клупата, мислам дека ќе бидеме еден од фаворитите на Светското првенство. Мораме да го прифатиме тоа. Тоа се случува веќе неколку турнири и е составен дел од играта“, рече Кејн по натпреварот со Албанија за британскиот ИТВ.

Фудбалерите на Англија ја победија селекцијата на Албанија со 2:0 во Тирана, во последниот натпревар од осмото коло од квалификациите за Групата К за Светското првенство.

Англија ја заврши групната фаза со сите осум победи, со максимални 24 бода, со гол-разлика од 22:0.

Двата гола во победата над Албанија ги постигна 32-годишниот Кејн, кој сега има учинок од 78 гола за репрезентацијата на 112 одиграни натпревари.

По повеќе од две и пол години неизвесност и градилишта, Барселона конечно се враќа на својот легендарен дом. Оваа сабота, против Атлетик Билбао во Ла Лига, каталонскиот клуб ќе го отвори обновениот „Спотифај Камп Ноу“, стадион кој сега нуди модерни содржини и значително подобрено искуство за навивачите, со амбиција да стане едно од водечките фудбалски места во светот.

Натпреварот е многу повеќе од обична првенствена средба. Тој претставува симболично враќање, момент на обединување меѓу клубот и навивачите. Претседателот Хоан Лапорта за време на неодамнешниот отворен тренинг не ја криеше гордоста што фудбалерите и публиката повторно можеа да го почувствуваат духот на својата вистинска домашна сцена. Реконструкцијата, како што нагласи, е инвестиција во иднината и во генерациите што доаѓаат.

Враќањето на Камп Ноу доаѓа по месеци исчекување и административни процедури за добивање конечна дозвола за одигрување натпревари. Клубот е во финална фаза на усогласување со градските власти, а навивачите нетрпеливо го очекуваат првиот натпревар во новото, модернизирано светилиште на Барса, место каде што историјата и современоста конечно се среќаваат.

Тешко е да се најде играч кој е поподценет од Микел Ојарзабал во светскиот фудбал. Неговото влијание на репрезентацијата на Шпанија е постојано и недвосмислено. Него го нарекуваат еден од најдобрите фудбалери кои не добиваат доволно внимание, а неговиот последен настап само ја комплементира оваа теза.

Ојарзабал даде 2 гола и асистираше за уште еден против Грузија. Но, ова не е само поединечен подвиг, тоа е само дел од импресивната серија што ја одржува во последните 8 натпревари за националниот тим.

Во тие натпревари, статистиките на Ојарзабал се импресивни: 2 гола против Холандија, 2 асистенции против Франција, голови против Португалија, Бугарија (два пати), Грузија (два пати), и 3 асистенции против Турција. Но, неговото влијание на теренот не се сведува само на бројки. Шпанецот е постојан двигател на нападите на Шпанија со својата креативност и прецизност при завршувањето на акциите. Неговиот настап во квалификациите за Светското првенство зборува многу за неговата подготвеност да биде лидер на најголемата сцена.

Почитувањето за Ојарзабал е долгот за кој сè уште не се зборува доволно. Неговата способност да игра клучна улога во важни моменти, од голот од слободен удар против Грузија до неговите одлучувачки голови во други клучни натпревари, го прават еден од најпотценетите фудбалери во светот.

Челзи официјално постигна договор за ангажман на 16-годишниот еквадорски стопер Деинер Ордоњез, кој во Лондон треба да пристигне во јануари 2028 година, кога ќе наполни 18 години. Клубот успеа да ги надмине интересите на неколку европски ривали и да доведе еден од најперспективните дефанзивци во Јужна Америка.

Ордоњез се смета за еден од најдобрите фудбалери во својата генерација, а некои извештаи го опишуваат како најистакнатиот дефанзивец од неговата возрасна група во цела Јужна Америка. Во следните две години тој ќе продолжи да се развива во Индепендиенте дел Вале, по што ќе се приклучи на Челзи. Очекувањата се дека прво ќе тренира со првиот тим, а потоа можно е да биде испратен на позајмица за да го продолжи својот развој во Европа.

Со договорот постигнат со Индепендиенте дел Вале, Челзи продолжува да гради долгорочна стратегија базирана на рана идентификација и развој на таленти.

Селекторот на Бразил, Карло Анчелоти, не го криеше воодушевувањето од младиот Естевао, кој повторно блесна во победата од 2–0 против Сенегал. Осумнаесетгодишниот талент постигна гол и уште еднаш покажа зрелост и техника што ретко се гледаат на таа возраст. Анчелоти го опиша како играч со „неверојатен талент“, смиреност пред гол и природна магија во играта.

Анчелоти посочи дека Естевао не е само роден напаѓач, туку и фудбалер кој дава максимум на секој тренинг. Спојот од труд, дисциплина и дарба, според него, е рецепт што му гарантира на Бразил светла иднина. Тој ја пофали и неговата брза адаптација во Челси, каде што и со ограничени минути на терен знае да остави силен впечаток.

Со четири голови на десет настапи за репрезентацијата, Естевао веќе станува незаменлив дел од новата генерација бразилски фудбалери. Анчелоти е уверен дека токму тој ќе биде еден од носителите на играта во наредните години. И Бразил и Челси, вели тој, имаат голема среќа што во своите редови имаат толку редок и посебен талент.

Младиот талент на Барселона, Ламин Јамал, преку Инстаграм упати инспиративна порака до навивачите, објавувајќи фотографија од обновениот Камп Ноу виден од неговиот нов дом. Со краткото, но јасно ветување дека „доаѓаат специјални ноќи“, тој го разбуди оптимизмот кај фановите во пресрет на долгоочекуваното враќање на тимот на нивниот легендарен стадион по репрезентативната пауза.

По долги месеци реконструкција, Барселона конечно се подготвува повторно да заигра во својот дом. Пауза во календарот овозможи последните работи на стадионот да бидат заокружени, а клубот да се врати посилен и со нова енергија. За навивачите, ова не е само отварање на реновиран стадион, туку знак дека започнува ново поглавје исполнето со амбиции и високи очекувања.

Со само 18 години, Ламин Јамал веќе е симбол на надеж и свежина во тимот. Неговата порака не е само оптимизам, туку и јасен показател за духот што владее во соблекувалната. Свесен за значењето на Камп Ноу и атмосферата што ја носи, Јамал со нетрпение го очекува моментот кога повторно ќе ги води навивачите кон важни победи.

Арсенал се соочува со контрастни медицински новости во пресрет на дербито на северен Лондон. Бразилската репрезентација потврди дека стоперот Габриел има повреда на адукторниот мускул на десната нога. По повторната проценка и снимањето во неделата, беше решено тој да не патува со селекцијата во Лил за дуелот со Тунис. Габриел ја почувствува повредата за време на пријателскиот натпревар против Сенегал и мораше предвреме да ја напушти играта. Медицинскиот тим на Арсенал ќе го следи неговото закрепнување и ќе ја утврди очекуваната пауза.

Од друга страна, позитивни вести за Топчиите доаѓаат од кампот на Рикардо Калафиори. Италијанскиот лев бек е целосно подготвен и ќе биде на располагање за големото севернолондонско дерби против Тотенхем. Калофиори се врати порано од репрезентативните обврски поради мала повреда, но доби зелено светло од лекарите на клубот. Неговото враќање е значајно засилување за Микел Артета пред клучниот пресмет.

Контрастните состојби со Габриел и Калофиори уште еднаш нагласуваат колку внимателно Арсенал мора да го менаџира играчкиот кадар во борбата за одржување на конкурентноста во Премиер лигата и во Европа.

Младиот дефанзивец на Реал Мадрид, Дин Хујсен, го напушти кампот на шпанската репрезентација поради мускулни проблеми и се врати во Мадрид на дополнителни медицински прегледи. Повредата се однесува на солеус мускул, која Хујсен ја доби уште за време на октомвриската репрезентативна пауза. Иако успеа да се врати на терен за Ел Класико, непријатноста повторно се јави за време на сегашната, ноемвриска пауза, по што шпанските лекари одлучија да го испратат назад.

Хујсен ќе го пропушти последниот квалификациски натпревар против Турција, но бидејќи Шпанија веќе обезбеди пласман на Светското првенство, неговото отсуство нема да влијае на кампањата.

Враќањето на Хујсен во Мадрид доаѓа во момент кога клубот се соочува со сериозни проблеми во дефанзивата. Младиот централен бек е еден од клучните играчи оваа сезона со 18 настапи во сите натпреварувања, а неговото отсуство дополнително ја оптоварува одбраната пред наредните натпревари во Ла Лига и Лигата на шампионите.

Медицинскиот тим на клубот ќе игра клучна улога во следење на: кондицијата на играчот, балансот помеѓу опоравувањето, и натпреварувачките обврски.

Виктор Осимен беше еден од најсјајните напаѓачи во дресот на Галатасарај и на Нигерија во 2025 година. Од јануари до средината на октомври, тој покажуваше извонредна способност за постигнување голови, вклучително и спектакуларен хет-трик против Бенин во октомври, кој им обезбеди на Нигеријците место во плејофите за Светското првенство. Неговите клучни настапи продолжија со два гола против Габон во ноемвриските плејофи, потврдувајќи ја неговата важна улога во потрагата на Нигерија по пласман на СП. Во Суперлигата, Осимен постигна 26 гола во 30 натпревари, со прецизност на шутирање над 50%, демонстрирајќи клиничка ефикасност пред голот.

Мохамед Салах продолжи со доминантните настапи за Ливерпул оваа година. Познат по брзината, прецизноста и креативноста, Салах заврши во Премиер лигата со 29 голови и 18 асистенции, кршејки го рекордот за најголем број на гол-контибуции во сезона со 38 натпревари. До октомври 2025 година, иако формата од минатата сезона забележливо е згасната, Египќанецот сеуште знае да ја пронајди мрежата и да му помогне на клубот од Мерсисајд .

Во ПСЖ, Ашраф Хакими продолжи да импресионира и оваа сезона. Тој беше клучен за стабилноста на одбраната, но и за офанзивната игра на тимот. Хакими редовно се појавуваше во Лига 1, со значајни асистенции и солидни дефанзивни перформанси, како и во во Лигата на шампионите. Со својата брзина, прецизни центрирања и дефанзивна способност, Мороканецот му помогна на ПСЖ да ја освој престижната тројна круна минатата сезона. Според многу аналитичари и фанови, овие признанија го прават главен кандидат за наградата.