Жозе Мурињо планира во зимскиот преоден рок да го засили тимот со двајца фудбалери на Реал Мадрид.
Станува збор за дефанзивецот Начо и за плејмејкерот Дани Себаљос, пренесува „Марка“. Римскиот клуб добро ја започна сезоната, но во последните недели запиша неколку порази, па Мурињо јавно побара од раководството да биде засилен тимот.
„Специјалниот“ сака да ја засили одбраната и средниот ред и први на листата желби се двајцата фудбалери на Реал Мадрид.
Медиумите во Германија излегоја со тврдење дека Манчестер Јунајтед ќе направи се за да ја доведе во своите редови звездата на Борусија Дортмунд, Ерлинг Халанд, во летниот трансфер период.
Клубот од „Олд Трафорд“ веќе има подготвени 75 милиони евра, колку што е висината на откупната клаузула во неговиот договор. „Црвените ѓаволи“ го посакуваа 21-годишниот Норвежанец уште пред тој да потпише за Борусија Дортмунд, меѓутоа не успеаја во намерата да го убедат да дојде во Манчестер.
Конкуренцијата за потписот на Ерлинг Халанд ќе биде огромна ова лето, бидејќи освен интересот од Манчестер Јунајтед, понуди за негово доведување би требало да достават и од Барселона, Челзи, Манчестер Сити, и други.
Младиот Халанд кој во моментов се опоравува од повреда, за екипата на Борусија Дортмунд има постигнато 70 гола и 19 асистенции на 69 натпревари.
Тренерот на Лацио, Маурицио Сари, е подготвен да потпише нов договор со римски Лацио.
Сари пристигна во Лацио изминатото лето и потпиша двогодишен договор со клубот. Од раководството на клубот од Рим се задоволни од работата на искусниот тренер и се подготвени да му понудат нов договор до 2025 година.
Се очекува Маурицио Сари да го прифати новиот договор и да започне со подмладување на екипата.
Лацио во моментот го зазема шестото место на табелата во Серија А, со освоени 18 бода.
Рафаел Варaн нема да биде на располагање на Оле Гунар Солскјер во наредниот месец.
Варан се повреди во вчерашниот натпревар против Аталанта кој завршо без победник 2-2. Французинот мораше да биде заменет после 20 минути игра. Повредата на Варан доаѓа во навистина лош момент кога одбраната на „црвените ѓаволи“ е и тоа како лоша и навивачите не веруваат во Хари Мегваер кој прикажуваслаби настапи.
Ќе потсетиме Варан само што се врати после повредата на мускулот, па сега се соочува со нов проблем. Според најавите на терените би требало да се врати на почетокот на декември.
Поранешниот играч за врска на Манчестер Јунајтед, Пол Сколс го критикуваше играчот од средниот ред Пол Погба по мечот од Лигата на шампионите против Аталанта (2-2).
„Погба треба постојано да се следи и тоа од некој, кого тој целосно го почитува, некој искусен. Колку години има тој? 28? Иако е искусен фудбалер, тој е еден од оние кои ќе останат исти и на 35 години. Тој ќе продолжи да прави глупави работи“, вели Сколс.
Реал Мадрид забележа победа од 2:1 над Шахтјор Доњецк во рамките од Д групата во Лигата на шампионите.
Стрелец на двата гола за Реал беше Карим Бензема во 14. и 61.минута од натпреварот. Меѓутоа првиот гол на Бензема ќе остане запишан во историјата, бидејќи беше 1000-ти гол за „кралскиот клуб“ во Лигата на шампионите.
Германскиот гигант, Баерн Минхен е на втората позиција со постигнати 768 гола, а најголемиот ривал на тимот од Мадрид, екипата на Барселона е на третото место со дадени 655 погодоци.
Тренерот на Баерн Минхен, Јулијан Нагелсман е импресиониран од центарфорот Роберт Левандовски, кој синоќа постигна хет-трик на мечот со Бенфика во Лигата на шампионите. Полјакот со тоа стигна до бројката од 80 гола во натпреварувањето.
„Не треба да го сведуваме мечот само на неговите голови, но вистината е дека тој ја демонстрираше својата сила и квалитет на теренот. Тој секогаш сака да постигнува голови и немам дилеми дека е најдобриот напаѓач на светот и ќе биде уште долго време“, изјави Нагелсман.
Синоќа во Скопје беше презентирана автобиографската книга „Секогаш на победа“, дело на Кирил Лазаров, еден од најдобрите ракометари на сите времиња. Најдобриот стрелец на Лигата на шампионите и рекордер по многу основи кога е во прашање светот на ракометот, на хартија ја пренесе својата ракометна и животна приказна во соработка со српскиот новинар Жика Богдановиќ, основач на регионалниот ракометен портал „Балкан-Хандбал“.
Лазаров на промоцијата истакна дека во автобиографијата има многу возбудливи детали и стои зад напишаното.
„Сите Македонци знаат многу работи за мене, но во книгата ќе може да прочитате многу работи кои не сте ги знаеле“, порача вечерва Лазаров.
Лазаров преку Пелистер, Загреб, Веспрем, Сиудад Реал, Атлетико Мадрид, Барселона до Нант стигна до ракометните височини.
На промоцијата присуствуваа ракометни авторитети како Пепи Манасков, Стевче Стефановски, Иван Марковски, претседателот на Ракометната федерација на Македонија, Живко Мукаетов, Каролина Гочева, Симон Трпчевски и многу, многу други…
Францускиот репрезентативец и член на Манчестер Јунајтед, Пол Погба има намера следната сезона да се врати во својот поранешен клуб Јувентус, објави „Газета дело Спорт“.
Погба наводно одлучил да ги прекине преговорите со својот сегашен клуб за продолжување на договорот кој истекува следново лето и од јануари може да потпише преддоговор со друг клуб.
Желбата на Погба е да се врати во редовите на „старата дама“ каде настапуваше во периодот од 2012 до 2016 година. Тој е подготвен да потпише три годишен договор со значително помала плата и му наложи на својот менаџер Мино Рајола да започне преговори со торинскиот гигант.
Веспрем најмалку до крајот на месец ноември ќе настапува без Расмус Лауге. Данецот во натпревар од Лигата на шампионите против Динамо Букурешт во 38. минута заработи повреда на скочниот зглоб.
Времето за опоравување според направените анализи ќе биде четири до пет недели, а можеби и подолго.
Лауге ќе ја пропушти ЕХФ неделата и дуелите на Данска од Златната лига, а би можел и да го пропушти и Европското првенство во Унгарија и Словачка, доколку не се опорави навреме.
