Неом СЦ, новиот член на елитата во Саудиска Арабија, најде необичен начин да го реши проблемот со празните трибини. Решението го најде така што ќе им плаќа на навивачите по 11 долари за да дојдат на стадион.

Според информациите, фановите преку „WhatsApp“ добиваат упатства како да прават атмосфера и да навиваат за тимот. Очигледно е дека големите имиња како Александар Лаказет, Абдулаје Дукуре, Луис Максимилијан и тренерот Кристоф Галтие очекувале многу поживична публика, налик на онаа во Франција.

Со овој потег Неом стана главна тема во арапската јавност, а останува да се види дали платената поддршка ќе прерасне во вистинска навивачка култура.

Тренерот на Челси, Енцо Мареска, ги даде најновите информации за повредата на Кол Палмер пред утрешниот натпревар во Премиер лигата против Брајтон.

На прес-конференцијата пред натпреварот, Мареска откри дека клубот одлучил привремено да го поштеди еден од клучните играчи за да се спречи влошување на неговата здравствена состојба.

„Одлучивме малку да го заштитиме Кол за да не се влоши неговата повреда. Мораме да бидеме претпазливи со него. Не мислам дека е потребна операција. Тоа е прашање на управување со болката, а со ваков ритам на натпревари такви работи можат да се случат,“ додаде тренерот на Сините.

Палмер од почетокот на сезоната е еден од најважните играчи на Челси, а неговото привремено отсуство претставува значителен удар за тимот на Стемфорд Бриџ.

Неговото отсуство ќе се почувствува особено пред серијата тешки натпревари во Премиер лигата.

Манчестер Сити е многу блиску до потпишување на нов долгорочен договор со крилниот напаѓач Савињо, објавија извори за „BBC Sport“.

21-годишниот Бразилец им се придружи на „Граѓаните“ од францускиот тим Троа во 2024 година за сума од 30,8 милиони фунти. Минатата сезона одигра 48 натпревари во сите натпреварувања, постигнувајќи три гола.

Тотенхем започна преговори за потпишување на Савињо во лето, но Манчестер Сити јасно стави до знаење дека не се заинтересирани да го продадат играчот.

Бразилскиот репрезентативец веќе одигра четири натпревари оваа сезона, постигнувајќи гол во победата од 2-0 над Хадерсфилд во Лига купот во среда.

Пред натпреварот на Сити во Премиер лигата со Барнли во сабота, менаџерот Пеп Гвардиола рече дека Савињо ќе стане важен играч за тимот.

„За напаѓачките играчи, секогаш се работи за бројки – голови и асистенции“, додаде тој. „Савињо создаде многу шанси минатата сезона, но во последната третина и со последниот допир беше премногу брз. Во моментот кога ќе престане да го прави тоа, ќе стане играч од врвна класа. Може да игра на двете страни, има брзина и работна етика. Савињо ќе го направи тој чекор, тоа ќе дојде природно и тој ќе биде врвен играч за Манчестер Сити“, заклучи Гвардиола.

Поранешниот фудбалер кој настапуваше во Првата лига на Финска, Алберт Кучи, заврши зад решетки откако финските медиуми јавуваат дека е осуден на осум години затвор поради трговија со дрога.

Весникот „Илта Саномат“ пренесува дека обвинителството собрало докази за Кучи кој заедно со неколку соработници илегално поседувал, дистрибуирал и препродавал кокаин низ повеќе делови на Финска.

Полицијата утврдила дека поранешниот играч имал неколку складишта за дрога, а продажбата ја организирал на крајот на 2024 година и почетокот на оваа година. Целиот криминален ланец е разбиен, а властите најавуваат дополнителни информации во следниот период.

Албанецот со фудбалска кариера во Финска во минатото настапуваше за клубови како Хака, Хонка, ПК 35 и уште неколку тимови од финската лига.

Во својот втор натпревар на клупата на Бенфика, Жозе Мурињо го имаше својот прв кикс и одигра 1-1 против Рио Аве на домашен терен.

Бенфика во претходниот период се поврзуваше со ангажман на Карим Бензема, па сега Португалецот доби прашање на оваа тема и даде одговор кој сигурно не ги радува навивачите.

„Не размислувам заа јануарскиот преоден рок во овој момент. Кога дојдов кажав дека Бенфика има добар тим и сè уште така мислам. Не е моја работа а барам нешто туку да работам со тимот кој го имам на располагање и да ги донесам најдобрите можни резултати. Од вас првпат слушам дека Бензема можел да дојде кај нас. Разговарав со него кога бев Фенербахче и кога игравме пријателски натпревар, враќањето во европскиот фубал е последното нешто на кое размислува“, изјаави Мурињо.

Баерн Минхен вечерва убедливо го совлада Вердер со 4-0 во Бундеслигата, а натпреварот ќе остане во посебно сеќавање за Хари Кејн. Англискиот голгетер постигна два погодоци со кои не само што ја продолжи својата голгетерска серија и стигна до бројката од 15 голови сезонава во сите натпреварувања, туку и испиша историја

Со овие два гола Кејн стана фудбалерот кој најбрзо стигнал до 100 голови за еден европски клуб. За ова големо достигнување му беа потребни 104 настапи во дресот на Баерн.

На тој начин зад себе ги остави Роналдо и Халанд, кои до „стотката“ стигнаа со по 105 натпревари, а зад нив остануваат Луис Суарез со 120 натпревари за Барселона и Златан Ибрахимовиќ со 124 настапи за ПСЖ

Португалскиот играч од средниот ред Жоао Палиња имаше силен почеток на сезоната во Тотенхем. Тој постигна два гола на осум натпревари, етаблирајќи се како редовен стартер за Томас Франк откако се пресели во летото од Баерн Минхен.

Дефанзивниот играч од средниот ред е на позајмица во Тотенхем, а веројатно е дека ќе се пресели со постојан трансфер, објави „Билд“. И менаџерот на Тотенхем и Палиња сакаат договорот со Баварците да стане траен.

Договорот меѓу двата клуба вклучува опција за откуп во вредност од околу 25-30 милиони евра.

Палиња му се придружи на Баерн во летото 2024 година, но не успеа да се етаблира во тимот и беше позајмен во Тотенхем.

Ламин Јамал е на чекор до враќање на терените, откако успешно се опорави од повредата. Младиот напаѓач се очекува да биде дел од составот на Барселона за претстојниот натпревар против Реал Сосиедад, што претставува значително засилување за нападот на тимот. 

Сепак, позитивните вести се засенети од нов проблем. Хоан Гарсија се повреди на тренинг и ќе отсуствува неколку натпревари, што веројатно ќе биде голем удар меѓу стативите за каталонскиот клуб. 

Барселона се наоѓа пред интензивен распоред, па управувањето со формата и кондицијата на играчите ќе биде клучно за остварување на целите и во Ла Лига и во Европа. 

Иако во англиските медиуми тврдеа дека Ливерпул ќе го казни напаѓачот Уго Екитике со одземање на две недели плата (што би изнесувало околу 570 илјади евра) поради црвениот картон што го доби во Лига купот против Саутемптон, Арне Слот го негираше тоа.

Да ве потсетиме дека Екитике го заработи вториот жолт картон со соблекување на дресот откако го постигна голот за победа, заборавајќи дека веќе бил опоменат.

„Не доби казна. Она што го направи не беше многу паметно, но веднаш го препозна самиот и им се извини на соиграчите. Тој е млад, а играчите од сите возрасти прават грешки. Сите правиме грешки и во овој клуб ви е дозволено да направите грешка без веднаш да добиете казна“, рече тренерот на Ливерпул, Слот и продолжи:

„Тој е одличен човек и мислам дека секој член на персоналот би го рангирал меѓу тројцата најљубезни луѓе со кои работат. И дури и да не беше, му е дозволено да прави грешки.“

Екитике ќе го пропушти натпреварот од Премиер лигата оваа сабота против Кристал Палас поради црвен картон.