Рома со победата против Феенорд во Тирана стана првата екипа која ја освоила Конференциската лига, за Рома ова беше прв трофеј после 1961 кога „волчицата“ го освои Купот на саемските градови.

Победата за тимот на Мурињо ја обезбеди Заниоло со голот во 32. минута од натпреварот, а со тоа Португалецот стигна до својот петти европски трофеј.

Кога се ќе се собере Рома oд Конференциската лига заработила 14.6 милионји евра. Тука не влегуваат парите кои клубот ги добиваше од ТВ правата. Со тие пари кои ќе ги добијат подоцна ќе имаат сума од околу 20 милиони евра.

Тренерот на фудбалерите на Македонија Ѓорче Петров, Муарем Бајрами, ќе остане кај „лавовите“ најмалку до 2024 година.

Тој откако го наследи Александар Таневски, влезе во неверојатна серија без пораз која траеше повеќе од четири месеци. Под неговата диригентска палка, Македонија го освои и победничкот пехар во националниот Куп.

Нареден предизвик за тимот од скопската населба, Ѓорче Петров, ќе биде учеството во квалификациите за Конференциската лига.

Емирот на Катар инсистира на клупата на ПСЖ да го види Зинедин Зидан.

Според новинарот Фабрис Хокинс, Тамим бин Хамад Ал Тани во моментов е заинтересиран единствено замо за Зидан, кој оваа сезона е без работа.

Тој прави планови како да го убеди Французинот да седне на клупата на парижани, но засега разговорите не се во најдобра позиција, затоа што екс-тренерот на Реал (М) не искажува заинтересираност да го преземе францускиот првак, особено не откако на директорската позиција се најде Луис Кампос.

Ревизорската компанија KPMG изврши рангирање на капиталот на фудбалските клубови, и според истото првото место на листата убедливо му припадна на Реал Мадрид.

Првакот на Шпанија и финалистот во овогодинешната Лига на шампиони има проценет капитал во износ од 3,184 милијарди евра.

На второто место се најде Манчестер Јунајтед, клуб кој иако во последниве години не го пратат успеси на фудбалскиот терен, сепак има капитал од 2,883 милијарди евра. Третото место на листата е резервирано за Барселона со 2,183 милијарди евра.

Најголем раст на капиталот оствари шампионот на Серија А, Милан. Росонерите го зголемија капиталот на својот бренд за 35%, но некогашнниот европски првак се наоѓа само на 15. место со богатство од 587 милијарди евра.

Во топ 10 клубови се најдоа уште и Баерн, Ливерпул, Манчестер Сити, Челзи , ПСЖ, Тотенхем и Јувентус.

Шампионот на Германија, Баерн Минхен, планира да го задржи Роберт Левандовски и воедно да го ангажира фудбалерот на Ливерпул, Садио Мане.

Мисијата на Баварците нема да биде лесна бидејќи Полјакот кој има договор до летото во 2023 година сака да замине во Барселона додека Мане не сака да каже дали ќе остане кај „црвените“ пред да се одигра финалето во Лигата на шампионите.

Баерн деновиве ги официјализираше трансферите на двајца играчи од Ајакс. Тоа се Мазрауи и Гравенбер.

Чешкиот напаѓач Патрик Шик го продолжи договорот со германскиот бундеслигаш Баер Леверкузен до 2027 година.

Шик е член на тимот од Леверкузен од 2020 година, каде пристигна од Рома за 25 милиони долари. Голгетерот на 67 натпревари постигна вкупно 37 гола, а оваа сезона со 24 погодоци беше втор стрелец на лигата, зад Роберт Левандовски од Баерн Минхен со 35 гола.

Севиља е заинтересирана за потписот на напаѓачот на Интер, Алексис Санчез, чиј договор со италијанскиот тим истекува на крајот од следната сезона, 

Двете страни веќе преговарале за трансфер на 33-годишниот чилеански напаѓач. Санчез е во Интер од 2019 година. На 109 натпревари за тимот, напаѓачот постигна 20 гола и 23 асистенции.

Алексис Санчез претходно играше во шпанската лига за Барселона од 2011 до 2014 година.

Баерн Минхен го следи напредокот на преговорите за продолжување на договорот помеѓу Барселона и Гави.

Германскиот клуб е подготвен да ја искористи оваа ситуација и да ја активира откупната клаузула од 50 милиони евра за 17-годишниот фудбалер, објави „Мундо Депортиво“. Според изворот, Ливерпул и ПСЖ се исто така подготвени да потпишат со Гави, кој има уште една година од договорот со Барселона.

Гави минатата сезона дебитираше за првиот тим на Барселона, а на теренот беше на 46 натпревари (2 гола, 6 асистенции). Гави доби повик и во репрезентацијата на Шпанија, за која успеа да одигра шест натпревари.