Maкедонската рперезентација оствари победа со 3-1 и обезбеди бараж за Мундијалот во Катар.

Селекторот на Исланд Арнар Видарсон пред натпреварот најави дека ќе дојдат да ни ја расипат забавата за наша среќа тоа не се случи.

„Сакам да и честитам на Македонија. Ова беше тежок натпревар за нас, посебно во првото. Кога постигнавме гол, тргнавме на 2-1. Мислевме дека ќе има паника во македонските редови, место тоа Македонија дојде до 2-1, потоа дојде и црвениот картон и не можевме да се вратиме. Не сум задоволен со пласманот, очекувавме да бидеме втори. Сепак, Македонија е подобра репрезентација. Игравте на Европското првенство и се надевам дека во иднина и ние ќе создадеме квалитена репрезентација како македонската“, изјави Видарсон.

Аргентинецот Мауро Икарди е подготвен да го напушти тимот на ПСЖ во потрага по редовен првотимски фудбал, пренесува Футмеркато.

Напаѓачот на ПСЖ изразува незадоволство поради фактот што не добива шанса за настап пред троецот Мбапе, Нејмар и Лионел Меси.

Најверојатна опција за Икарди е негово враќање во Италија но проблем ќе претставува висината на откупната цена која ја бара екипата на Париз Сен Жермен.

Андре Онана од следната сезона ќе биде голман на Интер, договорот ќе биде потпишан по јануари. Договорот на Онана со Ајакс завршува по крајот на оваа сезона, по што тој ќе се пресели во Интер.

Италијанскиот клуб уште минатото лето постигнал вербален договорот со Онана, а тој официјално може да биде потпишан од 1. јануари кога голманот ќе влезе во последните шест месеци од договорот со Ајакс.

Тој ќе стави потпис на четиригодишен договор, Интер во него го гледа наследникот на Самир Хандановиќ.

Сергеј Милинковиќ-Савиќ повторно игра во врвна форма и беше еден од најзаслужните за добрите резултати на Лацио.

За Србинот интерес покажаа многу европски гиганти, но никој не беше спремен да плати 100 милиони евра, колку што бараше Лацио за неговата слобода. Италијанските медиуми тврдат дека за Милинковиќ-Савиќ силен интерес покажува Реал Мадрид, кој веќе стапил во контакт со неговииот агент.

Карло Анчелоти го означил српскиот репрезентативец, како главна мета во јануарскиот преоден рок бидејќи сака да го засили средниот ред.

Анчелоти верува дека СМС би бил идеален наследник на Модриќ, кој веќе е на залез на кариера.

Кафу остави голема трага во клупскиот и репрезентативниот фудбал, а сега зборуваше за неговиот сонародник Нејмар.

Кафу истакна што смета дека Нејмар мора да подобри за да ја заокружи приказната околиу него. Според него тој треба да преземе одговорност на лидер.

„Нејмар технички е подобар од Меси и Роналдо, но мора да стане лидер. Човек треба 100% да се посвети на фудбалот. Јас бев подобар од другите десни бекови во мое време затоа што се посветив на тоа. Нејмар мора да стане капитен“, изјави Кафу и даде коментар за Алвес кој се врати во Барселона.

„Алвес ќе и даде на искуство на Барселона. Без разлика на годините тој е во одлична физичка кондиција и ќе биде одлично засилување“, смета Кафу.

Поранешниот тренер на Реал Мадрид, Зинедин Зидан може да ја продолжи кариера во англиската Премиер лига. Манчестер Јунајтед е заинтересиран за услугите на француски стручњак.

Според изворот, раководството на Манчестер Јунајтед го гледа Зидан како идеална замена за Оле Гунар Солскјер, под чие водство тимот покажува нестабилни резултати.

„Црвените ѓаволи“ се уверени дека присуството на поранешните играчи на Реал Мадрид, Кристијано Роналдо и Рафаел Варан ќе ја зголеми желбата на Зидан да соработува со Манчестер Јунајтед.

Претходно беше објавено дека Ралф Рангник е фаворит за местото нов тренер на Манчестер Јунајтед. Да потсетиме, во медиумите се појавија информации дека раководството на клубот од Манчестер го смета отказот на Солскјер за неизбежен чекор.

Почесниот претседател на Баерн Минхен, Ули Хенес имаше жесток вербален напад на останатите тимови од Бундеслигата. Баерн веќе девет години има апсолутна доминација во Бундеслигата, а последен тим кој успеа да им ја земе титулата е Борусија Дортмунд во 2012 година.

Многумина го критикуваат Баерн дека ги купува најдобрите играчи од останатите клубови, па Хенес има интересен одговор.

„Дали треба да го изгаснеме клубот за Бундеслигата да биде повторно возбудлива? Или во иднина треба да играме со 10 играчи на кој меч? Тоа е прилично досадна расправа. Не гледам ништо лошо тоа што Баерн е поважен за спонзорите во однос на Борусија Дортмунд. Работевме напорно за тоа, не ни падна на лотарија“, додаде Хенес.

Екипата на Манчестер Јунајтед е подготвена да му дозволи заминување од клубот на Џеси Лингард. 

28-годишниот повремен репрезентативец на Англија, ќе може да го напушти „Олд Трафорд“ а неговата продажна цена би изнесувала 10 милиони фунти.

Лингард минатата сезона настапуваше како позајмен играч во екипата на Вест Хем но мораше да се врати во Манчестер Јунајтед бидејќи двата клуба не постигнаја конечен договор.

Џеси Лингард од почетокот на сезоната нема голема доверба кај тренерот Солскјер и многу ретко добива шанса за настап, па многу веројатно ќе прифати понуда од друг клуб каде би бил редовен стартер.

Шампионот на Англија, Манчестер Сити ќе направи уште еден обид за доведување на Хари Кејн во текот зимскиот трансфер период.

Популарните „граѓани“ веќе испратија неколку понуди за напаѓачот на Тотенхем изминатово лето но сите беа одбиени од пртседателот на клубот, Даниел Леви.

Сумата која Тотенхем ја бараше за Хари Кејн изнесуваше 150 милиони фунти кој беше превисока за тимот на Гвардиола и трансферот не беше реализиран. Сепак од Сити се надеваат дека можат да го доведат англискиот репрезентативец во јануари бидејќи тој сеуште нема потпишано нов договор со клубот од Лондон.

Според пишувањата на Шпанска „Марка“, напаѓачот на Наполи, Лоренцо Инсиње би можел да ја продолжи играчката кариера во англиската Премиер лига. Наводно, голема заинтересираност за услугите на италијанскиот репрезентативец покажал тимот на Челзи предводен од Томас Тухел.

Инсиње кој е еден од клучните играчи на Наполи, не е расположен да го продолжи договорот со клубот бидејќи не е задоволен од износот на платата која му била понудена. Актуелниот договор на Лоренцо со Наполи истекува на крајот од оваа сезона.

Оваа ситуација сака да ја искористи Челзи, кој е подготвен да му понуди плата која би била прифатлива за Инсиње и да го доведе во своите редови како слободен играч.