Напаѓачот на Јувентус, Пауло Дибала е блиску до кам-бек по повредата, поради која ги пропушти натпреварите против Челзи во Лигата на шампионите (1-0) и против Торино во Серија А (1-0). Според последните вести, тој може да се појави во тимот веќе на натпревар против Рома на 17 октомври по меѓународната пауза.

Исто така, вестите од Италија велат дека преговорите за продолжување на договорот на Аргентинецот добро напредуваат. Со голема веројатност, договорот ќе биде потпишан до 2025 година со годишна плата од 10 милиони евра.

Килијан Мбапе во интервју за „РМС Спорт“ зборуваше за многу теми, како и за националниот тим.

Мбапе призна дека не е задоволен од начинот на кој беше третиран за време на Европското првенство и размислувал да ја напушти репрезентацијата.

„Никогаш не сум зел ниту едно евро за да играм за француската репрезентација и секогаш ќе играм бесплатно за мојата репрезентација. Пред се, никогаш не сакав да бидам проблем. Потоа дојде моментот кога почувствував дека почнав да имам проблем и дека луѓето сметаат дека јас сум проблемот. Чувствував дека можеби јас сум виновен за неуспехот и дека тие ќе победеа без мене. Најважна е француската репрезентација, и ако француската репрезентација е посреќна без мене, јас ќе заминам“, изјави Мбапе.

Луѓето од Ливерпул размислуваат да го привлечат фудбалерот на австрискиот Салцбург, Карим Адејеми.

Наводно, 19-годишниот Германец сака да ја промени средината и за него се заинтересирани екипите на Баерн Минхен, Борусија Дортмунд и РБ Лајпциг. Неговата трансферна цена е околу 20 милиони евра . Договорот на играчот со клубот е до 2024 година. Адејеми во сезонава одигра 16 натпревари на сите турнири и постигна 11 гола.

Се проценува дека Ливерпул прво ќе ги испита сите опции за ангажман на Адејеми a потоа ќе испрати конкретна понуда.

Напаѓачот на Ливерпул, Мохамед Салах сака да прима плата од 380.000 фунти неделно според неговиот нов договор.

29-годишниот Египќанец, чиј актуелен договор истекуваво  летото во 2023 година, сака неговиот нов договор да го потврди неговиот статус како еден од најдобрите фудбалери во англиската Премиер лига. Деновиве двете страни ги продолжуваат разговорите и се надеваат дека ќе постигнат разбирање.

Во последните месеци, Ливерпул продолжи да потпишува нови договори со голем број водечки играчи на тимот, вклучувајќи ги Вирџил Ван Дајк и Џордан Хендерсон.

Ердал Ракип за прв пат е во репрезентацијата на Македонија. Фудбалерот на шведски Малме со потекло од Ресен ја прифати понудата на селекторот Благоја Милевски и конкурира за настап на натпреварите на македонската А репрезентација против Лихтенштајн и Германија.

“Прв пат пред неколку години Благоја Милевски ми понуди да играм за Македонија. Во тој период ми требаше време да размислам. За мене е голема чест што добив понуда да играм за репрезентацијата на Македонија и донесов одлука дека сега е вистинскиот момент да прифатам. Разговаравме со моето семејство и среќен сум што ќе играм во дресот на македонската репрезентација. Македонија е домот за моето семејство и одлуката сега воопшто не беше тешка“, изјави Ракип.

„Секој натпревар е тежок. Треба да издвојуваме победа против Лихтенштајн, а потоа не очекува многу тежок меч на домашен терен против Германија. Во фудбалот секогаш има шанса за победа, но треба да се одигра максимално во текот на сите 90. минути. Но, да оставиме времето да покаже, сега сме фокусирани на мечот со Лихтенштајн. Чекор по чекор и секогаш да се стремиме кон победи“.

Ракип вели дека фокусот сега е на натпреварот со Лихтенштајн, но клучно е тимот секогаш да се стреми кон победа без разлика на противникот. Во денешниот фудбал се е можно. 

Според истражувачкиот центар „CIES Football Observatory“, вкупната вредност на фудбалери на Сити се проценува на 1,280 милијарди евра.

На второ место е Манчестер јунајтед (1,214 милијарди), додека трет е Челзи (946 милиони).

Следуваат Барселона (896 милиони), Баерн (890), Ливерпул (868), Реал (846), ПСЖ (808), Борусија Дортмунд (687) и Атлетико Мадрид (662).

Проценетата вредност е од 1 октомври 2021 година. Играчите кои се на позајмица не беа земени предвид.

Во пресрет на средбата помеѓу репрезентациите на Италија и Шпанија, тифозите на Милан му испратија невкусна порака со навредлива содржина испишана на транспарент на својот поранешен голман Џиџи Донарума. 

Навивачите не му го простуваат неговото заминување од Милано и преселувањето во екипата на ПСЖ.

Италија ја пречекува селекцијата на Шпанија на стадионот Сан Сиро во Милано, во полуфиналниот натпревар од Лигата на нации, а Донарума ќе застане на голот на домаќинот.