feature

Кирјиос го освои турнирот во Вашингтон

Австралискиот тенисер Ник Кирјиос го освои АТП турнирот од серијата 500 што се играше во Вашингтон.

Тој во финалето беше подобар од Јошихито Нишиока со 2-0 (6-4, 6-3) по два часа и 22 минути игра.

Тоа е негова седма титула во кариерата, а последната во сингл ја освои во 2019 година -исто така во Вашингтон.

Воедно, во американската престолнина славеше и во конкуренција на двојки во двојка со Џек Сок, победувајќи ги во финалето Крајчек и Додиг со 2-0 (7-5, 6-4).

Кирјиос ќе игра и во Монтреал каде ривал во првото коло му е Аргентинецот Баез, а потоа го чека Данил Медведев, доколку ја мине првата пречка.

Медведев го освои турнирот во Мексико без загубен сет

Рускиот тенисер Данил Медведев на спектакуларен начин ја започна американската турнеја, во која успеа да ја освои титулата во Лос Кабос, Мексико победувајќи го Камерон Нори со 2-0, во сетови 7-5, 6-0.

Медведев неверојатно го одигра целиот турнир во Мексико и не загуби ниту еден сет во мечевите против Хиџикату, Беранкис, Кецмановиќ и Нори.

Со оваа титула Медведев ќе го зголеми бодовното салдо и од следната недела ќе има 7.875 бодови на АТП листата.

Севиља го официјализираше трансферот на Иско

Поранешниот играч за врска на Реал Мадрид, Иско ќе игра во Севиља во следните две сезони. Самиот клуб потврди дека постигнал договор со шпанскиот репрезентативец, останува само тој да ги помине медицинските прегледи во понеделник. Откако тоа ќе се случи, Иско ќе го потпише својот двегодишен договор.

30-годишниот Андалузиец пристигнува на „Рамон Санчез Писхуан“ како слободен играч откако на 30 јуни му истече договорот со Реал Мадрид. Главната причина поради која ја избрал понудата на Севиља е Хулен Лопетеги, кој долго време го посакува во својот тим. Од суштинско значење е и учеството на тимот во Лигата на шампионите. Самиот Иско ги намали финансиските барања за да го олесни процесот.

Иско помина девет сезони во Реал, освојувајќи се што е можно. Во последните години, пак, тој играше се поретко, а во текот на изминатата запиша само 407 минути на теренот за „белите“.

Кавани најблиску до Валенсија

Иако во последниот период имаше бројни шпекулации дека уругвајскиот напаѓач Едисон Кавани се договорил со Бока Јуниорс, се чини дека од тој трансфер нема ништо.

Според последните информации од шпанските медиуми, Кавани изразил желба да настапува во Ла Лига, а клуб кој е најблиску до неговиот потпис е Валенсија.

Кавани во Валенсија ќе пристигне како слободен играч откако летово му истече договорот со Манчестер Јунајтед.

ЦСКА Москва најави тужва за Евролигата

Бидејќи е еден од косопствениците на Евролигата, заедно со уште десет клубови, ЦСКА Москва реши да ја тужи споменатата организација за исклучување од натпреварувањето во сезоната 2022/23.

Московјаните поднесоа тужба до судот во Луксембург и очекуваат пресуда за неколку дена. Потегот на раководните луѓе е донекаде изненадувачки, со оглед на тоа што како косопственици учествуваа на сите досегашни состаноци во Евролигата, подеднакво одлучувајќи дали ќе усвојат корекција и воведување нови правила, како и на кои клубови да им биде дадено право на учество во следната натпреварувачка година.

Андреј Ватутин како прв човек на клубот неодамна, по последниот состанок на кој беше одлучено Партизан и Валенсија да ги пополнат испразнетите позиции по исфрлањето на ЦСКА и Зенит поради војната во Украина, се појави смирен кога и се обрати на јавноста. помирен со фактот што Московјаните нема да бидат дел од најелитното натпреварување во следната натпреварувачка година. Впрочем, и за тоа гласаа клубовите косопственици на Евролигата.

Рафаел Надал се повлече од Мастерсот во Монтреал

Најпрвин Новак Ѓоковиќ се повлече од Мастерсот во Монтреал, а денеска истата одлука ја донесе и Рафаел Надал.

Ѓоковиќ мораше да се повлече бидејќи на невакцинирани од странство им е забранет влез во Канада, но Надал мораше да се повлече од здравствени причини.

„Откако одморот и враќањето на тренинзите, се одепе добро овие недели. Пред четири дена повторно почнав да тренирам и по тренингот имав мала непријатност што беше присутна денеска“, објави Надал на Твитер.

„Решивме да не патуваме во Монтреал и да продолжиме да тренираме без форсирање. Искрено му благодарам на директорот на турнирот Јуџин и на целиот негов тим за разбирањето и поддршката што отсекогаш ми ја покажуваа, а ниту денешниот ден не беше исклучок“, наведе шпанскиот ас.

Ерик Баји наместо во Рома заминува во Севиља

Иако претходните денови дефанзивецот на Манчестер Јунајтед Ерик Баји се поврзуваше со трансфер во Рома, тој најверојатно својата кариера ќе ја продолжи во Севиља.

Севиља сака да ја појача одбраната откако тимот го напуштија Жил Кунде и Диего Карлос. Баји е играч на Манчестер Јунајтед од 2017 година каде пристигна од Виљареал за 40 милиони евра. Тој се очекува да биде големо засилување за Севиља со оглед на своето претходно искуство во Ла Лига.

Ирвинг ги одбрал Лејкерси за свој нов клуб

Кајри Ирвинг го избра новиот тим во случај да го напушти Бруклин нетс, па се шпекулира дека ќе го облече дресот на Лос Анџелес Лејкерс.

„Атлетик“ објави дека тоа ќе се случи речиси сигурно, па останува да видиме само дали Ирвинг ќе се пресели во Лејкерс како слободен играч.

Одличниот кошаркар во претстојната сезона треба да заработи 36,5 милиони долари, а во моментов нема интерес од страна на Лејкерс за размена на играчи.

Проблем за Лејкерс во моментов е и Расел Вестбрук, затоа што сака да се ослободи од него, но кошаркарот не планира да си замине.

УЕФА го казни Фенер заради скандирањето со името на Путин

Фенербахче е казнет од УЕФА поради скандирање на името на рускиот претседател Владимир Путин.

Навивачите на турскиот тим го скандираа името на Путин за време на натпреварот против Динамо Киев во 2. коло од квалификациите за Лигата на шампионите, откако Виталиј Бујалски постигна гол во реваншот за 1-1 и го прослави пред трибините каде се наоѓаа навивачите на Фенербахче. Тој со рацете го прикажа симболот на орел, инаку знакот на Бешикташ, најголемиот ривал на клубот од Истанбул.

УЕФА донесе одлука да го санкционира ваквото однесување, па Фенербахче е казнет со 50.000 евра, како и еден натпревар кој ќе треба да го одиграат пред намален капацитет на стадионот од 5.000 седишта.

Европската куќа на фудбалот соопшти дека турскиот клуб е казнет поради „провокативни извици од навредлив карактер“.

Останува да се утврди кога Фенербахче ќе ја одлежи оваа казна, иако се поизвесно е дека тоа ќе се случи во плеј-оф натпреварот за пласман во Лига Европа, со оглед на тоа што во третото квалификациско коло во Турција ја совладаа Словачка со 3-0 и мирно го чека реваншот. Доколку ги одбранат овие три гола предност, ривал за премин во групната фаза од Лигата на Европа ќе им биде Австрија од Виена.

Костиќ се прости со фановите на Ајнтрахт, договори премин во Јувентус

Филип Костиќ е на чекор од потпис со Јувентус. Денес пристигнуваат нови информации кои ги објави Фабрицио Романо. Познатиот новинар тврди дека Костиќ ги договорил личните услови со Јувентус и дека тука нема никаков проблем. Во Торино Костиќ го чека плата од 2.5 милиони евра и договор на три години.

Преостанува уште клубовите да ги договорат конечните детали, а наводно се работи за бонусите. Според информациите договорена е оштета од 15 милиони евра, Ајнтрахт сака бонуси кои ќе бидат врзани за настапите на Костиќ и неговиот учинок.

Објавено е дека Костиќ имал понуда и од Вест Хем кој му нудел повеќе пари, меѓутоа негова желба е Јувентус. Во Јувентус тој ќе игра и заедно со неговиот соиграч од репрезентацијата Душан Влаховиќ.

«< 1262 1263 1264 1265 1266 >»