Повратникот во Првата македонска фудбалска лига, екипата на Победа го претстави Методија Делов како прво засилување за тимот предводен од новиот тренер Бобан Бабунски.
Искусниот 29 годишен дефанзивец се очекува да биде клучен дел од одбраната на Победа во сезоната што следува.
Делов во Победа пристигна од Тиквеш. Во кариерата има настапувано и за екипите на Кожуф и Вардар Неготино, а има и меѓународно искуство со настапи во Грција.
Италијанските медиуми пренесуваат дека фудбалерот на Јувентус Матијс де Лихт ќе потпише петгодишен договор со Баерн Минхен.
Де Лихт претходно ги договори личните услови со германскиот шампион, а според информациите од медиумите, челниците на Јувентус постигнаа договор околу трансферот на холандскиот фудбалер во Баерн.
Од Баерн Минхен за реализација на овој трансфер, на клубот од Торино ќе исплати повеќе од 80 милиони евра, вклучувајќи ги и бонусите.
22-годишниот Де Лихт во Јувентус пристигна од Ајакс во 2019 година, и за италијанскиот клуб одигра 117 натпревари и постигна осум голови.
Илија Несторовски ја потврди својата голгетерска форма во претсезоната. Несторовски постигна два гола за Удинезе во пријателскиот меч со Унион Берлин, кој заврпи без победник 3-3.
Македонецот на теренот влезе во 15. минута, кога го замени повредениот Деулофеу. Првиот гол Несторовски го постигна во 26. минута, а вториот во 43. минута од натпреварот.
Неколку клубови во Полска ќе бидат особено задоволни од трансферот на Роберт Левандовски од Баерн (Минхен) во Барселона. Двата гиганти на европскиот фудбал се договорија за зделка вредна 45+5 милиони евра, која наскоро треба да биде финализирана.
Во татковината на стрелецот откриваат дека неговите поранешни локални клубови ќе поделат вкупно нешто повеќе од 2 милиони според правилата на ФИФА, бидејќи учествувале во неговиот развој како фудбалер.
Варшава – училиштето во кое поминал 7 години како дете и важи за предводник во обликувањето како играч, ќе го земе „лавовскиот дел“ од 625.000 евра. После тоа, кариерата на младиот Лева се пресели во Делта (Варшава), која моментално е во седмата лига. Овој клуб ќе земе 125.000 евра.
Потоа на ред доаѓа Легија Варшава за која одат 250.000 евра, а потоа следат Зниќ (Прушков) и Лех (Познан) со по 500.000 евра.
Екипата на Манчестер Јунајтед покажува интерес за ангажман на напаѓачот од Брентфорд Иван Тони, пренесува весникот Мирор.
Тимот од Олд Трафорд засега не планира конкретна понуда за Тони, туку ќе ја почека разврската околу иднината на Кристијано Роналдо, и дали тој планира да остане во Јунајтед и следната сезона.
Иван Тони во дресот на Брентфорд минатата сезона постигна вкупно 14 гола и реализира шест асистенции. За 26-годишниот голгетер интерес пројавуваат Њукасл Јунајтед и Вест Хем.
Италијанскиот новинар Фабрицио Романо тврди дека претставници на Челзи и Рома се во преговори за дефанзивецот Преснел Кимпембе.
Имено, од ПСЖ за евентуална продажба на Кимпембе бараат износ помеѓу 60 и 65 милиони евра, додека од Челзи се подготвени да понудат 45 до 50 милиони евра.
Иако во ПСЖ , Кимпембе го сметаат за важен дел од проектот на екипата, сепак ќе дозволат негово заминување доколку пристигне добра понуда за него.
Легендата на американскиот фудбал, Том Брејди се уште не одлучил дали претстојната сезона во НФЛ ќе биде последна во неговата кариера. 44-годишниот бек на Тампа Беј, кој има роденден во август, се повлече од спортот по крајот на минатата сезона, но ја смени својата одлука само еден месец подоцна.
Брејди има седум победи во „Супер Боул“ со Њу Ингланд и Тампа. Тој наскоро ќе ја започне својата 23-та НФЛ сезона и трета со Тампа Беј.
„Физички се чувствувам прилично добро. Имав многу повреди низ годините, но се надевам дека следната ќе помине без проблеми и ќе победувам“, изјави Брејди за Variety.
„Ја донесов одлуката (да се пензионирам) рано. Мислев дека тоа е за доброто на тимот и им го кажав тоа. Но понекогаш ви треба повеќе време за планирање. По разговорите со Брус Аријанс (тренер), Џејсон Лихт (генерал менаџер) и мојата сопруга (моделот Жизел Бундхен) одлучивме дека сè уште можам да играм на највисоко ниво. Преферирав да размислувам до јули дали ќе играм повторно, но работите се случија порано. Сакав да му дадам време на тимот да прави планови и поради тоа пребрзо ја донесов одлуката. Меѓутоа, подоцна сфатив дека можам да продолжам бидам на терен“.
Флојд Мејведер е подготвен да се врати на професионалниот бокс. Мејведер целосно го насочи вниманието кон своите други деловни потфати надвор од боксот. Тој навести дека наскоро ќе поседува кошаркарски тим во НБА.
Мејведер сè уште се натпреварува егзибициски, а неодамна се соочи со YouTube ѕвездата, Логан Пол и поранешниот спаринг партнер Дон Мур.
Популарниот „Мани“ изгледаше задоволно што се пензионира по неговата последна професионална борба против Конор МекГрегор во 2017 година. Откако навести дека ќе остане во пензија, Мејведер не ја затвора целосно вратата за враќање на професионалниот бокс, што ќе се случи во одреден момент, но за вистинската цена.
Мејведер ја именуваше цената за потенцијално враќање во професионалниот ринг.
Аргентинскиот напаѓач Пауло Дибала ќе продолжи да игра во Серија А бидејќи речиси сигурно ќе се пресели во Рома, пишуваат италијанските медиуми.
28-годишниот Аргентинец си замина од Јувентус како слободен играч, а голем интерес за играчот имаше од Интер. Двете страни преговараа, се разговараше и за бонусите за Дибала, но по доаѓањето на Ромелу Лукаку се чини дека нема место за него во тимот на Инзаги.
Затоа Пауло Дибала започна преговори со Рома. За да ја добие аргентинската ѕвезда, „волчицата“ ќе направи исклучок и ќе го направи најплатен фудбалер во сегашниот состав со годишен приход од 6 милиони евра. Сепак, претходно Мурињо сака да го продаде Никола Заниоло, кој е на чекор до Јувентус.
Новиот тренер на Пари Сен Жермен, Кристоф Галтие не ја сфати сериозно информацијата која се појави во некои медиуми како „Радио Монте Карло“ и „Екип“ дека дефанзивецот Преснел Кимпембе е несреќен и бара начин веднаш да си замине.
Како можна дестинација дури се споменуваше и Челси.
„Прочитав се што излезе како гласини за Кимпембе. Дури и јас и тој се смеевме на сето ова заедно. Ми се допаѓа Преснел бидејќи е одличен централен дефанзивец. Сепак, не знам што ќе се случи“, објасни тренерот за „Екип“.
Францускиот интернационалец не учествуваше во вчерашната прва контрола на ПСЖ летово. Сепак, тој се најде во тимот за турнејата во Јапонија.
