Бекот Еван Фурние ќе потпише нов договор со Олимпијакос.
Според инсајдерот Матео Андреани, 32-годишниот француски кошаркар ќе се обврзе на тригодишна соработка со атинските „црвено-бели“.
Платата на играчот ќе биде околу 2,7 милиони евра годишно.
Во својата прва сезона откако се пресели од НБА, Фурние имаше просек од 16,1 поен, 2,2 скока, 2,6 асистенции и 1,1 украдена топка по натпревар во Евролигата.
Со тренирање во групи и медицински прегледи, ракометарите на Вардар ги почнаа подготовките за новата сезона.
Тренерот Иван Чупиќ на првиот тренинг имаше дел од ракометарите кои почнаа со работа со кондицискиот тренер, а другите треба да ги минат задолжителните медицински прегледи.
„Сите ракометари на кои клубот смета сезонава се во Скопје. Во следните денови ќе се завршат сите прегледи, а потоа од понеделник почнуваат и тренинзите во сала. Потоа екипата заминува на висински подготовки, а до крајот на месецот треба да се одиграат и неколку контролни натпревари, и турнири“, соопшти РК Вардар.
Пред почетокот на сезоната, на 3 септемви Вардар во Суперкупот ќе се соочи со Еурофарм Пелистер.
Еквадорскиот фудбалер Первис Еступињан е нов член на Милан, објави седумкратниот европски шампион.
Еступињан ќе биде првиот Еквадорец во Милан. Тој потпиша договор со „росонерите“ до јуни 2030 година.
Цената на трансферот не беше откриена, но италијанските и англиските медиуми објавија дека Брајтон ќе добие фиксна сума од 17,5 милиони евра, плус потенцијални два и пол милиони преку бонуси.
Пред Брајтон, Еступињан играше и за Виљареал, Гранада, Осасуна, Алмерија, Мајорка, Вотфорд и во својата татковина за ЛДУ Кито.
Еступињан, кој ќе го носи дресот со број два во Милан, е стандарден играч за еквадорската репрезентација од 2019 година, има одиграно 48 натпревари, постигнал три гола.
Џејкоб Вајли е повторно дел од сениорската репрезентација на Македонија.
Американецот со македонски пасош, без размислување го прифати повикот на селекторот Марјан Илиевски, за повторно да заигра за Македонија.
И тоа во вистинско време, кога и тоа како ни е потребен играч од таков калибар, да го затвори рекетот, и со својата физичка доминација да ја засили онаа внатрешна линија во селекцијата која ова лето ќе игра претквалификациски мечеви за пласман на Светскиот Куп 2027 година.
„Искрено сум пресреќен што дојдов овде по неколку години пауза. Мотивацијата е на највисоко ниво, штом стапив во контакт со луѓето од федерацијата без многу размислување прифатив. Среќен сум што со мене дојде и моето семејство, кое ‘во живо’ ќе ги следи моите настапи за македонската репрезентација. Едвај чекам повторно да го облечам дресот на Македонија“ – изјави Вајли по пристигнувањето во хотелот „Аполонија“ во Гевгелија.
Силното крило ќе биде и највозрасен кошаркар во нашата селекција, од кого дефинитивно ќе се очекува заедно со Магдевски и Мекиќ како најискусни да ја предводат Македонија во новиот предизвик – претквалификациите за Мундобаскетот во 2027 година.
„Знам дека репрезентацијата е подмладена и сметам дека тоа е природна работа. Да, добро е што младите кошаркари ќе добијат можност да блеснат на сениорско ниво. Допрва ќе тренираме и ќе се воигруваме, свесен сум дека во овој процес на подмладување мојата улога како лидер ќе биде уште позначајна, но подготвен сум за тоа. Ќе дадам се за да помогнам, да внесам позитивна енергија на тренинзите и на натпреварите, да помогнам со своето искуство и да дадам придонес да стигнеме до што подобри резултати“ – истакна „повратникот“ во нашата најдобра селекција.
Четири македонски тенисери и тенисерки (две девојчиња и две момчиња) се учесници на Европското првенство до 14 години што се одржува во Мост, Чешка. Во машка конкуренција настапуваат Марко Алексовски и Алексеј Стојановски, додека кај девочињата настап имаат: Деа Крстевска и Ивана Божиновска.
На стартот од шампионатот Марко Алексовски оствари победа против Ник Вирц од Лукесмбург со убедливи 2-0 (6-1, 6-2), додека во следната рунда во третото коло во неизвесен меч е елиминиран од петтиот носител Лоренс Драјвер од Холандија со 2-0 во сетови (6-2, 7-6). Алексеј Стојановски во првиот меч дожеа пораз од 2-0 во сетови од Алексндар Бисеров од Швајцарија.
Кај девојчињата Божиновска и Крстевска беа слободи на стартот, а во следната рунда претрпеа порази. Крстевска загуби со 2-0 во сетови од Марија Магро, додека Божиновска беше поразена од Викторија Хомутова од Летонија со истиот резултат.
Стојановски како и двете тенисерки Крстевски и Божиновска продолжуваат со мечевите на утешниот турнир. Од нив во првата рунда ќе настапи само Крстевска која за протвничка ја има тенисерката од Италија, Викторија Лантерни Монако, додека Стојановски и и Божиновска се слободни. Алексовски поради победата во второто коло нема право на настап на утешниот турнир.
Во конкуренција на двојки Алексовски и Стојановски ќе играат против тенисери од Грузија, додека Божиновска и Крстевска за противнички имаат тенисерки од Словачка. Двата меча во конкуренција на двојки се закажани за денеска, но подоцна на програмата, слично како и мечот на Крстевска на утешниот турнир.
Настапот на Европскиот шампионат е корисно за секој од младите македонски тенисери особено што имаат можност покрај мечевите на терен да добијат и меѓународно искуство со присуството на настанот, но и да почувствуваат настап во репрезентативниот дрес на Македонија. Но не е само тоаимаат и заеднчки дружби надвор од тениските терени и секако можност за нови пријателства.
Во улога на селектор со оваа генерација тенисери и тенисерки е Владимир Чубриновски.
ЕМОФ Скопје 2025 е еден од најуспешно организираните во историјата на Европскиот младински олимписки фестивал – со рекорден број од 15 спортски дисциплини во кои учествуваат преку 4000 спортисти, врвна организација и еуфорична спортска атмосфера, за која придоенсуваат и околу 700 волонтери.
Фестивалот започна на спектакуларен начин, со соборување на еден светски рекорд во скок со стап и два европски рекорди (женската трка на 100 м и во стрелаштво). Дополнително, ЕМОФ Скопје 2025 бележи и рекордна медиумска покриеност и онлајн внимание.
Над 500.000 гледачи за само три дена ги следеле натпреварите преку веб-страницата „еoctf.org“, воедно се остварени повеќе од 11 милиони импресии на социјалните мрежи а официјалната химна – „Together we Shine“ достигна 100.000 прегледи на „YouTube“ – најмногу досега од сите официјалните химни на ЕМОФ изданијата.
Новиот тренер на фудбалерите на Баер Леверкузен, Ерик тен Хаг, сака да го ангажира напаѓачот Рахим Стерлинг кој не влегува во плановите на Челзи за наредната сезона.
Тој претходно беше позајмен во Арсенал но, оствари минимални бројки (1 гол, 5 асистенции) и тоа главно влегувајќи од клупата за резерви.
Бидејќи „фармацевтите“ останаа без неколку значајни играчи во текот на летово, нема да биде изненадување доколку брзоногото крило добие покана да се пресели во Бундес-лигата.
Весникот „Газета дело Спорт“, објави, дека челниците на Рома водат интензивни преговори за купување на фудбалерот на Верона, Даниеле Џиларди.
Целиот трансфер треба да се реализира за максимални 12 милиони евра (10 плус 2 бонуси). Иако засега нема потврда од двата клуба, медиумите се убедени дека 22-годишниот Италијанец ќе ја засили „римската волчица“ за наредната сезона.
Дефанзивниот фудбалер го облече дресот на Верона во јуни во 2022 година.
Францускиот напаѓач Кристофер Нкунку очекува да го напушти Челзи ова лето, објави инсајдерот Фабрицио Романо на социјалната мрежа X.
Според Романо, неколку врвни европски клубови се заинтересирани за 27-годишниот Французин.
„Сините“ се подготвени да се разделат со играчот од јануари.
Претходно беше објавено дека Интер и Тотенхем се заинтересирани за Нкунку.
Тековниот договор на фудбалерот важи до 2029 година. Порталот „Transfermarkt“ ја проценува неговата вредност на 35 милиони евра.
Во сезоната 2024/25, Нкунку одигра 47 натпревари во сите натпреварувања, постигна 15 гола и имаше пет асистенции.
Познатиот португалски тренер Жозе Мурињо е во врвниот фудбал две и пол децении и сè уште ја чувствува истата страст, не размислува за пензионирање.
Сè уште е гладен за фудбал.
„Што ме храни како тренер? Сè уште е желбата за победа. Сакам да победувам на секој следен натпревар, навистина си ја сакам работата. Не можам да најдам никаква причина да не продолжам, да не се чувствувам доволно млад. Не гледам никаква разлика помеѓу Мурињо кој започна пред 20 години и денес. Нема никаква разлика“, рече познатиот тренер во големо интервју за португалскиот „А Бола“.
Сепак, забележа дека во меѓувреме се случиле големи промени во светот на фудбалот, особено кај тренерите.
Тој, исто така, коментираше за денешните менаџери во најсилната лига во светот, Премиер лигата.
„Дојдов во Премиер лигата како победник на Лигата на шампионите во 2004 година. Таа година, во Премиер лигата имаше само двајца странски тренери: Бенитез и јас. Тој дојде во Ливерпул откако го освои Купот на УЕФА со Валенсија. (Во Премиер лигата тогаш беше и Арсен Венгер и уште двајца странски тренери). Сега во Премиер лигата доаѓаат тренери чии имиња дури и не ги знам. Не сакам никого да навредам, тоа е реалноста. Има тренери кои се избираат врз основа на некои податоци, бројки, а не поради победи. Се чини дека денес идеите се поважни од победите“, се чуди Жозе Мурињо.
Португалецот е на клупата на турски Фенербахче од минатото лето. Претходно работеше во Бенфика, Леирија, Порто, Челзи, Интер, Реал Мадрид, Манчестер јунајтед, Тотенхем и Рома.
Освои близу 30 титули и купови како главен тренер и уште десетина како асистент додека му помагаше на Боби Робсон во Порто и Барселона.
