Шпанската фудбалска федерација сака да ја продолжи успешната приказна со Луис де ла Фуенте и веќе започна преговори за продолжување на договорот со селекторот.

Актуелниот договор на 65-годишниот стратег е со важност до 2028 година, но по историскиот успех на Светското првенство, челниците на федерацијата сакаат соработката да продолжи најмалку до 2030 година.

Токму тогаш Шпанија, заедно со Португалија и Мароко, ќе биде домаќин на Мундијалот.

Шпанците веќе гледаат кон Мундијалот во 2030 година, кој ќе има посебно значење за земјата поради улогата на домаќин. Желбата е репрезентацијата да го брани трофејот пред домашната публика, а федерацијата не крие ниту една дополнителна амбиција – финалето да се одигра во Мадрид.

ФИФА донесе одлука по големиот хаос што следеше по финалето на Светското првенство во 2026 година меѓу Шпанија и Аргентина.

Најстрого е казнет Леандро Паредес од Аргентина со дури десет натпревари. Нахуел Молина доби суспензија од седум а Тијаго Алмада нема да може да ги игра на два меча „гаучосите“. Помошникот селектор на Аргентина, Роберто Ајала, беше суспендиран на три натпревари.

Аргентинската фудбалска асоцијација исто така беше казнета со 250.000 евра за неколкуте инциденти за време на Светското првенство.

Фудбалерот на Челзи, Жоао Педро, ќе потпише нов договор со до 2032 година, со можност за продолжување на соработката за уште две години, објавија британските медиуми.

24-годишниот бразилски напаѓач му се придружи на тимот од „Стемфорд Бриџ“ минатото лето од Брајтон за 55 милиони фунти со дополнителни пет милиони бонуси.

„Кога потпиша, клубот соопшти дека договорот траел до 2033 година, но договорот бил до 2032 година со опција за продолжување за уште една година“, објави Би-Би-Си.

Челзи обично вклучува клупски опции кога ја наведува должината на договорот на играчот во официјалните соопштенија.

Затоа, кога ќе се потврди новиот договор на Педро, најверојатно ќе се објави дека тој е под договор до 2034 година, иако самиот договор трае до 2032 година, со дополнителна опција за продолжување на дополнителни две години.

Всушност, Челзи го продолжи неговиот договор со подобрени услови.

ФИФА ги одреди казните за инцидентите по финалето на Светското првенство помеѓу Аргентина и Шпанија.

Играчот од средниот ред на Аргентина, Леандро Паредес ќе отсуствува 10 натпревари, по инцидентот со шпанските играчи по финалето на Мундијалот во САД, Мексико и Канада, одлучи дисциплинската комисија на ФИФА.

Покрај Паредес, суспендиран е и неговиот соиграч Нахуел Молина кој доби седум натпревари суспензија, додека помошникот тренер Роберто Ајала беше суспендиран на три меча.

Дисциплинската комисија на ФИФА го истражуваше случајот, откако по последниот свиреж, Паредес, Молина и Ајала се пресметувале со играчи на Шпанија, особено Гави кој беше вклучен во инцидентот.