feature

Талант Душебеаев заминува во ПИК Сегед и ги води своите синови со себе

Киелце го „тресе“ голема финансиска криза и иднината на полскиот гигант е под знак прашалник. Клубот е во потрага по главен спонзор, но засега најавите не се добри.

Ситуацијата во Киелце ја следат многу големи тимови и сигурно ќе се обидат нешто да искористат. Последните информации се дека првиот сериозен чекор го направил ПИК Сегед. Според информациите на полските медиуми раководството веќе има подготвено понуда за целото семејство Душебаеви.

Унгарскиот шампион сака да ги доведе Алекс и Даниел, како и нивниот татко Талант за тренер.

Рокот за спас на Киелце истекува до крајот на јануари и тогаш работите би требало да бидат многу појасни.

Ибра се враќа на терените по долгото отсуство

Ѕвездата на Милан, Златан Ибрахимовиќ најави дека е блиску до враќање на терените.

41-годишниот напаѓач објави „стори“ на Инстаграм на кое покажа дека почнал да тренира со топка, а потоа ја покажа и насмевката.

Ибрахимовиќ нема одиграно ниту една минута оваа сезона, откако го оперираше коленото во јуни.

Иако е во зрели години, Ибра успеа да ја помине рехабилитацијата успешно и во предвиденото време да се врати на тренинзите.

Чаби Алонсо е желбата на Реал за наследник на Анчелоти

Медиумите од Шпанија пренесуваат дека тренерот на Баер Леверкузен, Чаби Алонсо, би требало да го преземе кормилото на Реал Мадрид кога Италијанецот Карло Анчелоти ќе донесе одлука да го напушти „Kралскиот клуб“.

Анчелоти во повеќе наврати најави дека ќе остане тренер на Реал до крајот на договорот, кој му истекува во јуни наредната година. Шпанските медиуми тврдат дека клубот од „Сантијаго Бернабеу“ веќе ги разгледува можностите за негов наследник. Најголеми шанси за наследник на Анчелоти има легендата на шпанскиот фудбал Чаби Алонсо.

41-годишниот Алонсо, минатата година стана тренер на Баер Леверкузен, а пред тоа го тренираше Б тимот на Сосиедад.

Горан Перковац фаворит за селектор на хрватската репрезентација

Хрватската ракометна јавност е гневна на Хрвоје Хорват кој уште еднаш потфрли како селектор, па не донесе очекуван резултат и од Мундијалот во Полска и Шведска. Целта на Хрватска беше пласман барем во четвртфиналето, но на крајот „каубоите“ ќе завршат како деветтопласирани.

Јавноста во Хрватска сега шпекулира дека најсериозен кандидат за негов наследник е искусниот, Горан Перковац кој имаше одлична кариера како играч, но барем досега не водел клубови и репрезентации од врвно ниво.

Перковац чиј последен клуб беше Криенс потврди дека разговарал со челниците на Хрватскиот ракометен сојуз и дека е заинтересиран за селекторската позиција.

„Зборувавме пред неколку денови, но ништо конкретно. Заинтересиран сум, но се уште не се залетувам. Тоа е нормално, прво мора да се реши ситуацијата со Хорват. Секогаш сум подготвен да помогнам, но конкретни разговори со Управниот одбор и Сојузот се уште не сум имал#, изјави Перковaц.

Данџума наместо во Евертон заврши во Тотенхем

Арно Данџума ќе биде големото зимско засилување на Тотенхем, пренесуваат англиските медиуми. Иако фудбалерот на Виљареал беше пред трансфер во Евертон, сепак Тотенхем успеа да го „украде“ во последен момент.

Крилниот фудбалер е на пат кон Лондон да ги мине медицинските прегледи и да биде промовиран во Тотенхем.

Данџума ќе пристигне во Тотенхем како позајмен фудбалер за 3 милиони евра, а „спарси“ ќе имаат опција за откуп.

Клоп и Ливерпул заинтересирани за Киеза од Јувентус

Италијанскиот „Калчомеркато“ пренесува дека напаѓачот на Јувентус, Федерико Киеза, би требало да биде долгорочна замена за Мохамед Салах во Ливерпул.

Медиумите од Италија објавуваат дека тренерот на тимот од „Енфилд“, Јирген Клоп, има високо мислење за италијанскиот репрезентативец, и според него тој одлично би се вклопил во составот на Ливерпул.

Моменталната цена на 25-годишниот италијански напаѓач изнесува околу 60 милиони евра, и истатата би била повисока доколку Киеза немаше проблеми со повредите после освојувањето на европската титула со репрезентацијата на Италија во 2021. година.

30-годишниот Салах неодамна го продолжи договорот со Ливерпул до јуни 2025.година, и е најплатениот фудбалер во екипата, но конкуренцијата која би ја донел Киеза со неговото евентуално пристигнување на „Енфилд“, би била одлична за иднината на тимот.

Јапонецот Хачимура потпишува за Лејкерси

Во НБА лигата крајниот рок за трејд е деветти февруари и вообичаено е повеќето трејдови да се случуваат во самата завршница.

Сепак, Лејкерс сега објавија засилување и го направија првиот значаен трејд сезонава. Во своите редови тие го доведоа Јапонецот. Руи Хачимура од Вашингтон Визардс.

Лејкерс во Вашингтон ги испратија Кендрик Нан и три идни драфтови во втората рунда. Така со оваа зделка го сочуваа највредното богатство, а тоа е првиот круг на драфт пикови во 2027 и 2029 година.

Одржана жрепката за полуфиналето во Лигата на нации

Со жрепката одржана во седиштето на УЕФА во Нион, избрани се полуфиналните парови од Лигата на нации.

Во првото полуфинале ќе се сретнат репрезентациите на Шпанија и Италија, додека вториот полуфинален дуел ќе биде помеѓу селекциите на Холандија и Хрватска.

Домаќин на завршницата во Лигата на нации ќе биде Холандија. Натпреварот помеѓу Холандија и Хрватска ќе се одигра на 14.јуни во Ротердам, додека Шпанија и Италија ќе се сретнат на 15. јуни во Еншеде.

Големото финале е закажано за 18.јуни во Ротердам.

Составите за НБА Ол-стар натпреварот ќе се бираат непосредно пред самиот почетокот

Водечките луѓе на НБА лигата, соопштија дека со новиот формат, капитените на Ол-стар тимовите, кошаркарите ќе ги бираат непосредно пред почетокот на натпреварот кој ќе се игра на 19.февруари во Солт Лејк Сити.

Во соопштението од лигата се наведува дека ова ќе биде шести пат како капитените ги избираат своите тимови, но за прв пат поставите нема да се знаат неколку дена пред натпреварот.

Капитен на тимот од Западната конференција би требало да биде Леброн Џејмс од ЛА Лејкерс, додека кандидати за капитен на тимот од Источната конференција се Гркот Јанис Адетокумбо, и Кевин Дурант од Бруклин Нетс, кои засега имаат најголем број на гласови.

Адана Демирспор со понуда за Аријан Адеми

Турскиот фудбалски клуб Адана Демирспор, е заинтересиран за ангажман на македонскиот репрезентативец, Аријан Адеми.

Според некои написи во хрватските медиуми, турскиот прволигаш веќе испратил понуда до Динамо Загреб за купување на капитенот на екипата Адеми, и се чека одговор од шампионот на Хрватска.

Италијанецот Винченцо Монтела, кој е тренер на Адана, имал високо мислење за фудбалските квалитети на Адеми, и инсистирал тој да биде доведен во клубот за време на јануарскиот преоден рок.

«< 1388 1389 1390 1391 1392 >»