Нов пораз на Борусија Дортмунд, Ајнтрахт го испрати Мармуш со победа
Во првиот натпревар од 18. коло на Бундес лигата, Ајнтрахт Франкфурт ја победи Борусија Дортмунд со 2-0. Ајнтрахт се зацврсти на третото место во поредокот. Со натпревар помалку заостануваат два бода зад Баер и шест зад лидерот Баерн. Борусија Дортмунд продолжи катастрофалните резултати на гостувањата. Клубот од Дортмунд се уште нема победа во 2025 година. Сезонава ова е шести пораз за клубот од Дортмунд на деветтото гостување во Бундеслигата.
Домашните поведоа во 18. минута кога по десната страна се проби Расмус Кристенсен, а неговата асистенција ја претвори во гол Хуго Екитике. Кај гостите Гуираси ја пропушти најубавата шанса во првото полувреме кога топката заврши во стативата. Резултатот остана 1:0 до 92. минута кога Оскар Хојлунд постигна гол за 2-0.
Ајнтрахт овој натпревар го одигра без Египјанецот Омар Мармуш, напаѓач кој се пресели во Манчестер Сити.
Лазаров: Колку и да се добри – тешко е со дваесет минути играч помалку и дванаесет седмерци!
Селекторот на македонската ракометна репрезентација, Кирил Лазаров по крајот на натпреварот против Холандија и првиот пораз (37:32) на Светското првенство беше незадоволен од текот на натпреварот и се она што се случуваше на теренот. Тој нагласи дека е тешко да се одигра натпревар во кој речиси 20 минути имаш играч помалку, а од друга страна противникот има дванаесет пенали во своја корист.
„Уште вчера кажав дека нè очекува тешка борба и знае да не понесе еуфорија. Знаев што нè очекува, иако се надевав на позитивен резултат. Требаше да ја искористиме таа позитивна атмосфера и самодовербата што ја имаа играчите. Но, не секогаш, пресметките се исти дома и на пазар што се вели. Секој натпревар е различен. Натпреварот излезе тотално надвор од контрола. Личеше на сè, само не на еден меч од Мундијал, на официјален меч на Светско првенство. Колку и да не сакам да зборувам и да се правдам поради нешто, но ривалот имаше дванаесет пенали.
Колку и да е подобар противникот, тешко е како тренер да се води тимот со дванаесет пенали против вас. Ние имавме скоро дваесет минути со играч помалку. Тешко е да се браниш со оглед на нивната игра, седум на шест, а особено со играч помалку. Ако не дадеш гол, веднаш ти даваат, тоа е скоро па сигурно, а дури и кога си комплетен имаш проблем. Им реков на момците дека мора да се бориме, повеќе пати го кажав тоа. Брзите контри на Холандија и играта со брз центар се неодбранливи, на чело со организаторот Стеинс. Се обидовме и бевме близу. Направивме грешки во првиот дел кој им дозволи да направат разлика. Пробавме со фластер на Стеинс, пробавме и да се вратиме и назад со плитка зона, едноставно се обидовме со сè.
Црвениот картон на Петар беше многу важен момент , тој е неискусен играч, има само 21 година и во таа ситуација мораше да го остави противникот. Џонов добро го замени, одигра доста интелигентно. Сепак, со толку исклучувања и пенали тешко можевме да дојдеме до позитивен резултат. Сега ни останува да се подготвиме за Гвинеја и да го добиеме тој натпревар“, рече селекторот Лазаров.
Средбата со Гвинеја се игра в недела во 20:30 часот, а нашите ракометари се во добра позиција и сопобеда ќе се пласираат во втора фаза и ќе пренесат бод од првата рунда.
Македонија загуби во тензичен дуел против брзата Холандија
Најдобрата македонска машка ракометна репрезентација го претрпе првиот пораз на Светското првенство откако загуби со 37-32 од Холандија. Клучен податок можат да бидат и 14 грешки на нашата селекција во овој меч.
Во завршницата од средбата Холанѓаните речиси рутински го одбранија стекнатото водство, а имаа „помош“ и од данските судии кои ги казнија сите наши грешки. Борбената наша игра доведе до втор црвен картон, овојпат за Лазаревски. Со головите на Серафимов и Кузмановски во два наврати се враќавме на „минус два“, но ривалот ги казнуваше сите наши грешки. Не успеавме да ја анулираме негативата и претрпевме прв пораз на овој светски шампионат.
Кај стрелците Кузмановски имаше девет голови, а Серафимов шест. На спротивната страна Смитс реализираше седум погодоци.
Алегри го презема Ал-Ахли?
Трофејниот италијански тренер Масимилијано Алегри од следната сезона ќе го води Ал-Ахли од Саудиска Арабија.
Двете страни постигнаа договор, а оваа информација ја пренесе Фабрицио Романо.
Алегри е без работа од минатата сезона, кога на крајот на сезоната доби отказ во Јувентус.
Тој ќе го предводи тимот кој моментално е петти на табелата со 14 бода помалку од лидерот Ал-Хилал. Ал Ахли три пати беше шампион на Саудиска Про лига, последен пат во 2016 година.
Алегри, покрај Јувентус, со кого пет пати беше шампион на Италија, исто толку пати освојувач на купот, два пати освојувач на Супер купот и два пати финалист во Лигата на шампионите, раководеше со Милан со кој победи Серија А и Супер купот, а ги водеше и Каљари, Сасуоло, Гросето, СПАЛ и Аланезе.
Солскер го презема Бешикташ
Оле Гунар Солскјер тренерската кариера ќе ја продолжи во Турција. Норвежанецот ќе го преземе тимот на Бешикташ. Солскјер со Бешикташ ќе потпише договор со крајот на сезоната.
Оле Гунар Солскјер тренерска кариера ја започна во 2008 година како менаџер на У-21 тимот на Манчестер јунајтед. Три години подоцна го презеде Молде и остана таму, со кратка пауза во која се испроба како тренер на Кардиф Сити, до 2018 година.
Врв на неговата тренерска кариера беше преземањето на Јунајтед, кој во сезоната 2020/21 го донесе до финалето на Лига Европа.
Солскјер во Бешикташ доаѓа на местото на Џовани ван Бронкхорст, кој минатиот месец мораше да ја напушти клупата. Норвешкиот стручњак е без работа од ноември 2021 година кога го напушти „Олд Трафорд“.
Пешевски: Холандија е респектабилна селекција
Жарко Пешевски очекува уште еден добар меч на Светското првенство во Данска, Норвешка и Хрватска. Втор противник на Македонија во групната фаза ќе и биде селекцијата на Холандија. Мечот ќе се реализира утре во арената во Вараждин.
„Максимално се фокусираме на Холандија, заборавме што се случуваше против Унгарија, немавме среќа да победиме, но ремито е одличен резултат. Мислам дека максимално сме мотивирани.
Излегуваме максимално мотивирани и се надеваме дека ќе стигнеме до добар резултат. Тие се побрзи од Унгарците, имаат одлични индивидуалци, ќе биде сосема различен меч, но, подготвени сме и мислам дека имаме шанси“, изјави нашиот ракометар.
Аморим: Диало треба да продолжи да работи, има огромни квалитети
Тренерот на фудбалерите на Манчестер Јунајтед, Рубен Аморим, имаше само пофални зборови за младиот напаѓач, Амад Диало, кој со три гола на вчерашниот меч со Саутемптон донесе голем пресврт на стадионот – „Олд Трафорд“.
„Тој заврши одлична работа но, има уште многу да се подобри. Денеска играше на друга позиција и ги искористи квалитетите.
Тој има иста одговорност како и секој друг играч на Јунајтед. Тој мора да продолжи да работи“ , изјави Аморим.
Кварацкелија се збогува со фановите на Наполи
Квича Кварацкелија, кој направи трансфер во францускиот гигант ПСЖ, ги искористи социјалните мрежи и се прости од италијанскиот Наполи.
„Неапол беше мојот дом, сè уште размислувам за патувањето низ кое поминавме заедно и тоа ми носи многу емоции.
„Сакам да им се заблагодарам на сите вработени во клубот, тренери, секој член на персоналот, партнери и навивачи“, беа дел од зборовите на Кварацхелија
Вилфред Канга го засили Динамо Загреб
Динамо Загреб најде центарфор за пролетниот дел од сезоната, а тоа е Вилфрид Канга од Брегот на Слоновата Коска.
Станува збор за напаѓач на Херта кој е на позајмица во Кардиф. Тој треба да потпише тригодишен договор со Динамо.
Неговата вредност според „Трансфермаркт“ е околу 3,5 милиони евра, тој е класичен напаѓач, висок 189 сантиметри, а го опишуваат како силен и брз.
Целата зделка ќе го чини Динамо околу три милиони евра, откако Извршниот одбор на клубот даде зелено светло за реализиција на трансферот.
Очигледно Динамо сакаше да го донесе Канга на позајмица, но напаѓачот сакаше комплетен трансфер.
Работите не му одеа најдобро во Кардиф во есенскиот дел од сезоната. Одигра 15 натпревари, но само на почетокот беше во стартниот состав, а потоа доби мала минутажа.
Во текот на кариерата, покрај за Кардиф и Херта, играше и за Јанг Бојс, Стандард, Анже, Кајзериспор.
Адејеми е нова желба на Конте и Наполи
LONDON, ENGLAND – JUNE 01: Karim Adeyemi of Borussia Dortmund reacts during the UEFA Champions League 2023/24 Final match between Borussia Dortmund and Real Madrid CF at Wembley Stadium on June 01, 2024 in London, England. (Photo by David Ramos/Getty Images)
Челнивите на Наполи се заинтересирани за крилниот фудбалер на Борусија Дортмунд, Карим Адејеми, објавија дел од медиумите на „Чизмата“.
Италијанците сакаат да го ангажираат крилниот напаѓач во текот на месецов но, тешко е да се постигне договор бидејќи „милионерите“ ќе бараат голема сума.
Договорот на Адејеми со германскиот тим е до 2027 година. Тој во сезонава постигна 2 гола и направи 3 асистенции во Бундеслигата.
