Матсен од Челзи позајмен во Дортмунд

Eден ден откако го врати Џејдон Санчо, Борусија Дортмунд објави дека се засилува и со фудбалер од редовите на Челзи.

Нов член на „сините“ е 21-годишниот Ијан Матсен. Како и Санчо и Холанѓанецот за „милионерите“ ќе игра како позајмен фудбалер до крајот на сезоната.

Договорот на Матсен со Челзи е до 2026 година и Борусија засега нема опција за откуп. Претхоно, Матсен беше дел од младинските категории на Феенорд, Спарта Ротердам, ПСВ и Челзи.

Во првиот тим на Челзи беше промоввиран во 2019 година и досега собра 12 настапи во Премиер лигата. Како позајмен фудбалер беше дел од Чарлтон, Барнли и Ковентри. Станува збор за фудбалер кој може да игра како лев бек или лево крило.

Јанис и Леброн добија најмногу гласови на Ол-стар натпреварот

Јанис Адетекумбо и Леброн Џејмс се двајцата играчи со најмногу гласови во анкетата на навивачите за претстојниот НБА Ол-стар натпревар, кој ќе се одржи на 19 февруари во Индијанаполис.

Гркот е број 1 во Источната конференција со 3.475.698 гласови, додека Леброн е прв на Западот со 3.096.031 глас. Поделено по конференција, Јанис води на Истокот а по него е Џоел Ембиид од Филаделфија со 2.975.987. Третото место му припадна на Џејсон Тејтум од Бостон со 2.939.663, додека Тајрис Халибартон од Индијана е четврти со 2.192.810. По него е Треј Јанг од Атланта со 1.449.485, а веднаш зад него е Демијан Лилард од Милвоки со 1.414.122.

Веднаш зад Леброн на Западот е Никола Јокиќ од Денвер со 2.777.068 гласови. Кевин Дурент од Феникс е трет со 2.773.809 а Лука Дончиќ од Далас е четврти со 2.508.618. По него е Стеф Кари од Голден Стејт со 2.126.037 и Шеј Гилгес-Александер од Оклахома со 1.763.671 глас.

Јуве се вклучи во трката за Самарџиќ

Лазар Самарџиќ, кој настапува во Удинезе, беше пред промоција во Неапол, меѓутоа сега Јувентус изби во прв план за неговиот потпис.

Србинот кој е роден во Германија и има двојно државјанство, во летниот преоден рок беше поврзуван со Интер.

Покрај Јувентус и Наполи, за Самарџиќ е заинтересиран и составот на Брајтон.

Даер го замени дресот на Тотенхем, со тој на Баерн

Играчот за врска на Тотенхем, Ерик Даер кариерата ќе ја продолжи во Баерн Минхен, пренесуваат германските медиуми.

Баварците со тоа ја исполнија целта да обезбедат засилување за средниот ред. Даер го облече дресот на „спарси“ во 2014 година и до претходната сезона беше речиси незаменлив на неговата позиција.

Одличниот фудбалер денеска во Минхен треба да ги заврши сите формалности и да потпише со германскиот гигант.

Раде Круниќ се договори за трансфер во Фенербахче

Милан и Фенербахче постигнаа договор за трансфер на Раде Круниќ во турскиот гигант, потврдија италијанските медиуми.

После неколку неделни преговори двата клуба конечно постигнаа договор вреден 5 милиони евра.

Круниќ денеска ќе пристигне во Истанбул на лекарски прегледи и ќе стави потпис на 3,5 годишен договор.

Фенер го претстави Леонардо Бонучи

Фенербахче го комплетираше трансферот на Леонардо Бонучи кој потпиша договор до крајот на сезоната.

Кратко траеше епизодата на Бонучи во Унион Берлин, па по неколку месеци се сели на нова дестинација.

Бонучи вчера ги помина медицинските прегледи и ја официјализираше соработката.

Карабатиќ го брка рекордот на Сигурдсон

На Европското првенство во ракомет во Германија, Никола Карабатиќ, репрезентативецот на Франција, има шанса да го достигне рекордот според бројот на постигнати голови.

Карабатиќ на досегашните ЕП има постигна 279 гола и е блиску до Исланѓанецот Гудјон Валур Сигурдсон, кој со 288-те голови е најефикасниот играч на сите времиња.

Никола Карабатиќ со 71 одигран меч на ЕП е рекордер. Тој е и меѓу тројцата играчи во историјата на ЕП кои по двапати биле прогласувани за МВП. Другите двајца се Хрватот Ивано Балиќ и Швеѓанецот Џим Готфридсон.

Најмногу голови на едно ЕП, 2020-та, има дадено Норвежанецот Сандер Сагосен, 65. Хрватска, Франција и Шпанија се трите репрезентации кои играле на сите ЕП од 1994 година па досега.

Шпанија има најмногу медали од ЕП, вкупно девет. Најмногу злата има Шведска, пет. Шест земји имаат освојувано златни медали на 15 првенства, меѓу кои ќе ја нема Русија поради воената ситуација во Украина.

Портнер сепак ќе брани на дуелот против Македонија

Еден од најдобрите ракометари на швајцарската ракометна репрезентација, Никола Портнер се повреди на дуелот против Германија во првото коло на Европското првенство.

Голманот на Швајцарија не го доигра дуелот против домаќинот на шампионатот, пред крајот на второто полувреме мораше да го напушти теренот, откако незгодно доскокна.

По деталните прегледи и снимање со магнет, од федерацијата на оваа земја беше соопштено дека станува збор за истегнување на лигамент и дека тој ќе продолжи со настапот на ЕП.

Никола Портнер кој е голман на европскиот шампион Магдебург, се очекува да биде на располагање за следните мечеви, најверојатно ќе го чуваат за пресметката со Македонија која е закажана за 16 јануари.

Бразил мина без казна од ФИФА

Светската фудбалска асоцијација (ФИФА) нема да воведува санкции за бразилската репрезентација и клубовите од земјата, пишува „Inside the Games“.

На 25 декември, ФИФА ја предупреди Бразилската фудбалска конфедерација (ЦБФ) на можна суспензија од меѓународните натпреварувања поради наводно мешање во изборот на нов шеф на организацијата.

На 7 декември, судот во Рио де Жанеиро го суспендираше Родригез да работи за CBF поради изборни нерегуларности минатата година. ФИФА оваа одлука ја смета за кршење на сопствената повелба за немешање на владините тела во работата на фудбалските сојузи на земјата.

На 4 јануари, Федералниот Врховен суд нареди Родригез да биде вратен на функцијата.

Анчелоти: Симеоне е идеален тренер за Атлетико

Тренерот на Реал Мадрид, Карло Анчелоти го сподели своето мислење за тренерот на Мадрид, Диего Симеоне, пред натпреварот со Атлетико во полуфиналето на шпанскиот Суперкуп.

„Симеоне е идеален тренер за овој тим. Во спротивно тешко дека ќе издржеше толку долго на функцијата. Разговаравме многу и добро се познаваме. Се однесуваме еден кон друг со почит“, вели Анчелоти.

Симеоне е главен тренер на Атлетико Мадрид од декември 2011 година.

feature