Eкипата на Силекс го објави распоредот за зимските подготовки кои ќе ги одработи во Анталија.
Силекс на подготовки ќе биде од 22 јануари до 5 февруари, а фудбалерите ќе престојуваат во хотелот Сајд.
Кратовскиот во тој период ќе одигра пет натпревари против Нефчи (24 јанаури), Пахтако (28 јануари), Ружомберок (31 јануари), АСК Воитсберг (3 февруари) и Железничар (4 февруари).
Рубен Аморим му испрати остри критики на Бруно Фернандеш откако беше исклучен во вчерашниот болен пораз на Манчестер Јунајтед против Вулверхемптон.
Јунајтед доживеа трет последователен пораз во сите натпреварувања. Фернандеш сега беше исклучен трипати на 27 настапи во сите натпреварувања оваа сезона и неговата недисциплина полека сериозно го нервира тренерот Аморим.
Запрашан за црвениот картон на Фернандеш, Аморим рече: „Мислам дека не може да оди на топката. Тој се обидува да ја достигне топката и некои момци не ја ни гледаат топката, но јас не сакам да се фокусирам на тоа. Мислам дека добрата работа е што бевме блиску до голот, дури и со 10 играчи. Тоа е добра работа, но загубивме“.
Управниот одбор на Фудбалската федерација на Македонија (ФФМ) го назначи денеска Горан Станиќ за нов селектор на репрезентацијата до 21 година на местото на Драган Канатларовски, кој е разрешен од должноста заедно со селекторите на селекции до 15, 16, 17 и 19 години.
Станиќ, кој е актуелен тренер на прволигашот Работнички, во минатото беше селектор на репрезентациите до 17 и до 19 години, а на ЕУРО 2020 беше дел од стручниот штаб на македонската сениорска репрезентација.
Станиќ на селекторската клупа седнува на местото на Канатларовски, кој поради слаби резултати е разрешен од должноста, заедно со селекторите на репрезентацијата до 15 години – Исен Иљами, до 16 години – Драган Начевски, до 17 години – Раде Каранфиловски и на селекцијата до 19 години Вујадин Станојковиќ
Управниот одбор на ФФМ единствено го продолжи договорот со селекторот на репрезентацијата до 18 години, Ерхан Селими, кој допрва го почнува селекторскиот мандатот.
Разрешувањата доаѓаат по катастрофалниот резултатски ефект на младинските репрезентации, кои во 2024 година забележаа вкупно 16 победи, 12 нерешени и дури 35 порази.
Како што е соопштено, техничкиот директор на националните селекции Ѓорги Христов на 12 јануари ќе достави до Управниот одбор на ФФМ предлог имиња за нови селектори на младинските репрезентации.
Лука Јовиќ за неколку дена ќе го напушту „Сан Сиро“. Тренерот на Милан, Паоло Фонсека, уште на самиот почеток на сезоната му стави до знаење дека неговите услуги не му се потребни.
Според пишувањата на медиумите во Италија, поранешниот фудбалер на Реал Мадрид, Ајнтрахт и Црвена звезда ќе и се приклучи на Болоња. Клубот пд „Ренато Делара“ сезонава игра во Лигата на шампионите, до крајот на првата фаза Болоња ќе одигра уште два натпревари. Болоња освои само два бода во ЛШ, во шест натпревари и речиси и да нема шанси да се пласира во нокаут фазата.
Во Серија А, по 16 одиграни натпревари, Болоња е седма со 28 поени, шест помалку од четвртото место на кое со натпревар повеќе се наоѓа Лацио.
Бернабеу. Без Сантијаго. Ова е новото комерцијално име на стадионот на Реал Мадрид, иако со години беше познат како Сантијаго Бернабеу.
За сега, работата на Реал Мадрид во овој план е тивка, а промените се видливи само во одредени маркетинг и мерчендајзинг активности.
Веб страницата на стадионот се вика Бернабеу, исто како и официјалниот профил на социјалните медиуми. Турнејата на стадионот се нарекува Бернабеу Тур, а дури и подароците кои клубот ги понуди на своите божиќни состаноци, моделот на стадионот, е без името Сантијаго.
Првите тестови кои се вршеа на фасадата на стадионот за да се закачи името исто така се направени без името на легендарниот претседател, само со презимето. Бернабеу.
Под тоа име се продаваат и моделите на стадионот во официјалната продавница.
Како што пишува Марка, промената на името е, за сега, само за комерцијални цели, барајќи помодерен имиџ и пократка номенклатура, а не е познато дали во иднина ќе биде пропратено со спонзорство.
Во секој случај, можноста некоја компанија да го даде името или презимето на стадионот и дефинитивната промена на номенклатурата мора да поминат низ Собранието на членови, што засега не се случило.
Инаку, новиот мадридски стадион нуди до осум различни простори за настани. Од теренот за игра до почесната ложа или прес салата и микс зоната. Целиот стадион е достапен за настани, конференции и забави, а Реал Мадрид овозможува прилагодување на секој настан по вкусот на потрошувачите, нудејќи до 360 семафори и опција да се одржи свечениот настан или концерт со присуство на легендите на Реал Мадрид.
Како и да е, времето ќе покаже дали оваа промена ќе биде прифатена меѓу навивачите, за кои засега останува и сигурно ќе биде стадион Сантијаго Бернабеу, поентира Марка во својот текст.
Шефот на одделот за моторспорт на КТМ, Пит Бајрер, потврди дека претставниците на Луис Хамилтон разговарале за потенцијално купување на австрискиот МотоГП тим од седумкратниот светски шампион во Формула 1.
Како што знаете, КТМ е во сериозна финансиска криза, што доведе до големи отпуштања и намалено производство. Доверителите на марката дури сакаат да ги прекине сите негови тркачки програми, вклучително и онаа во МотоГП, но барем засега нема такви планови.
Според Бајрер, кој зборуваше за „СпидВик“, доаѓањето на „Либерти медија“ ќе ги отвори вратите за подобра финансиска иднина за неговиот тим, кој ќе може да најде нови партнери и инвеститори. А еден потенцијален бил Хамилтон, чии претставници разговарале со Бајрер и компанијата.
-Моменталната ситуација ве прави креативни и отворени за нови разговори, така што не сме отворени само за спонзори, како што беше порано, туку и за инвеститори. Сега треба да се вратам малку назад. „Либерти медија“ понуди 4,2 милијарди долари за купување на МотоГП и се надевам дека тој договор ќе се оствари. Петте производители – Хонда, Јамаха, Априлија, Дукати и КТМ сочинуваат голем дел од оваа бројка од 4,2 милијарди. Ова го запали интересот на инвеститорите кои почнаа да не бараат со идеја да инвестираат во МотоГП проект. Можам само да кажам дека имавме многу интересна дискусија со претставниците на Луис Хамилтон. Не е тајна дека Луис е заинтересиран за МотоГП и размислува да има свој тим, рече Бајрер.
Динамо Загреб сака во зимскиот преоден рок да го ангажира капитенот на фудбалската репрезентација на Македонија, Енис Барди пишува локалниот портал „Пологу“. Барди ена кои нема да смета во вториот дел од сезоната. Межу нив е и Барди.
Договорот на Барди со Трабзонспор истекува на крајот од оваа сезона, што на Динамо би му ја олеснило уште повеќе работата, а „Пологу“ тврди дека Турците веќе се подготвени да го пуштат без обештетување. Барди во еден дел од кариерата, токму во Трабзон соработувал со актуелниот тренер на Динамо, Ненад Бјелица.
Истиот извор тврди и дека најсериозен интерес за Барди досега покажал Хатајспор, но се очекува да се интензивираат преговорите за Барди на почетокот на јануари да се пресели во Загреб и да им се приклучи на поранешните репрезентативни соиграчи Стефан Ристовски и Аријан Адеми.
Барди ја започна својата кариера во шведскиот четвртолигаш Преспа Бирлик, од кој се пресели во унгарскиот клуб Ујпешт. Динамо наводно го посакувал во 2017 година, но тогаш бил прескап за нив, па Барди замина во Леванте. Во овој клуб мина пет сезони, а во еден момент достигнал вредност од 20 милиони евра според „Трансфермаркт“.
Во Трабзонспор е од 2022 година, минатата сезона имаше седум гола и четири асистенции во турскиот шампионат. Тој е познат и како многу добар изведувач на слободни удари, во кариерата има постигнато 14 голови директно од слободни удари.
За репрезентацијата на Македонија одигра 70 натпревари и постигна 18 голови.
Тренерот на Загреб, Велимир Петковиќ, најави дека Милош Кос набрзо ќе го напушти тимот.
Ракометарот е суспендиран и воедно се соочува со кривична пријава по физичкиот напад врз соиграчот Матеј Мандиќ.
Раководството на хрватскиот тим бара начин како да се ослободи од неговиот потпис а главен проблем е откупната клаузула која изнесува 200.000 евра.
Откако го одиграа натпреварот од 18. коло во англиската Премиер лига, фудбалерите на Ливерпул кои забележаа победа против Лестер Сити ја продолжија својата серија на одиграни натпревари без пораз.
Ливерпул славеше синоќа со 3:1 против Лестер, а тоа значеше дека се без пораз во сите натпреварувања на 22 натпревари. На овие 22 натпревари имаат остварено 19 победи и три нерешени резултати. Последен пат Ливерпул загуби на 14 септември 2024 на средбата со Нотингем Форест (0:1).
Ливерпул е на првото место во англиската Премиер лига. Избраниците на Арне Слот дојдоа до 42 поени во 17 натпревари и имаат предност од 7 бода во однос на Челзи, но и натпревар помалку.
Аргентинскиот клуб Бока Јуниорс му понуди договор на шпанскиот дефанзивец Серхио Рамос, кој е во статус на слободен играч. Ова го објави новинарот Екрем Конур на својата страница на социјалната мрежа Х.
Според изворот, јужноамериканскиот клуб понудил да потпише договор на една година со можност за продолжување на уште една сезона.
Да потсетиме дека последен клуб на Рамос беше Севиља, каде играчот ја започна својата професионална кариера. 38-годишниот фудбалер се врати во домашниот тим во летото 2023 година како слободен играч. Претходно, дефанзивецот настапуваше и за Реал Мадрид и француски Пари Сен Жермен.
Минатата сезона Серхио Рамос одигра 37 натпревари за Севиља во сите натпреварувања, на кои постигна седум гола и една асистенција.
