feature

Лазаров: Нема што да загубивме во дуелот со Франција

Кире Лазаров состави моќен колектив од македонската ракометна репрезентација, покажувајќи тренерска генијалност како што тоа со години го правеше и како играч.

Македонската ракометна репрезентација денес го игра последниот меч од втората фаза на Светското првенство (СП), а ривал ќе ни биде моќната Франција.

Французите веќе го обезбедија пласманот во четвртфиналето на СП, но селекторот Кире Лазаров не смета дека поради тоа противникот ќе се опушти во дуелот со Македонија.

„Франција заедно со Данска се едни од најдобрите репрезентации во последните 10 години. Ние утре нема што да загубиме. По пет исцрпувачки натпревари решивме денеска да им дадеме одмор на момците. Ако нешто ни е потребно, тоа е силата. Да се обидеме да одмориме и да одиграме квалитетен натпревар колку што ќе ни дозволи ривалот. Тоа е една моќна репрезентација, која е добра во дуел, многу трча и има 16 добри ракометари и ротира во натпреварот. Ќе биде тешко да се спротиставиме, ќе побарам од моите играчи да немаат многу респект кон противниците, мора да се учиме да играме против поголеми селекции. Треба да се посветиме самите на себе и да веруваме во тоа што работиме“, рече Лазаров.

Нашата репрезентација никогаш во историјата не се изборила за позитивен резултат во натпреварите против Франција.

Нагелсман доби нов договор, ќе остане селектор до 2028 година

Селекторот на германската фудбалска репрезентација Јулијан Нагелсман го продолжи договорот со Фудбалскиот сојуз до крајот на Европското првенство во 2028 година.

Нагелсман имаше договор до крајот на Светското првенство кое следната година ќе се одржи во САД, Канада и Мексико.

„Сите ние, навивачите, тимот и стручниот штаб, создадовме нешто што сега сакам заедно успешно да го развиваме. Сакаме заедно да освојуваме титули“, рече Нагелсман.

Поранешниот тренер на Хофенхајм и Баерн Минхен ја презеде германската репрезентација во септември 2023 година и тогаш се наведуваше дека ќе го води тимот само на Европското првенство во Германија минатото лето, но набрзо соработката беше продолжена.

Со Германија стигна до четвртфиналето на Европското првенство, во кое селекцијата загуби со 1-2 по продолженијата од Шпанија, која подоцна ја освои титулата.

Синер го збриша Шелтон и пак ќе игра финале во Мелбурн

Јаник Синер ќе ја брани титулата на Австралија опен. Првиот носител во полуфиналето го победи Бен Шелтон со 7-6, 6-2, 6-2. Мечот траеше два часа и 36 минути. Противник во финалето ќе му биде Александар Зверев.

Синер имаше големи проблеми во првиот сет, Шелтон сервираше за предност од 1:0, но не успеа да го освои сетот. Синер потоа издоминира во тај-брејкот откако беше јасно дека Американецот со мислите се уште е во претходниот гем, во кој не искористи две сет топки.

Вториот и третиот сет беа рутина за Синер. Направи по два брејка и го реши мечот.

Шелтон, 20. на АТП листата, немаше константност за да му се спротивстави на светскиот број 1.

Финалето на Австралија опен ќе се одигра в недела со почеток во 9 часот по средно-европско време.

Валенсија и Лајпциг се договорија за позајмица на Елмас

Германскиот новинар Флоријан Платенберг синоќа објави дека прашање на време е кога ќе се затвори позајмицата на Елиф Елмас од РБ Лајпциг во екипата на Валенсија. Нашиот репрезентативец кој не успеа да се наметне во бундеслигашот, по се изгледа ќе оди на 6-месечна позајмица во Ла Лига, тимот во чии редови настапува и нашиот голман Столе Димитриевски.

Утрово од локалните медиуми од Валенсија пишуваат дека откако пред 48 часа стана јасно дека Енцисо од Брајтон нема да пристигне на „Местаља“, управата на Валенсија ја продолжува потрагата по Андре Алмеида, кој сега е прв „пик“ на тренерот Карлос Корберан. Ако Валенсија не успее и со него, трета опција е нашиот Елмас.

Како што велат во Шпанија, Валенсија е навикната да ги затвора зделките на крајот од зимските пазари, а договорот на Елмас исто така може да трае до крај.

Евротип – Лидер во исплати, иновации и посветеност кон заедницата

Евротип како водечки провајдер за спортско обложување во Македонија, изминатата година ја исполна со значајни успеси, поставувајќи темели за уште посилен раст во претстојната 2025 година. Компанијата продолжи да ги зацврстува своите позиции на пазарот за обложување и игри на среќа, привлекувајќи нови корисници преку уникатни понуди и бонуси, подобрени услуги и корисничко искуство.

Нашата грижа кон корисниците е највидлива преку исплата на високи бонуси и ваучери со кои повторно ја докажуваме нашата доверливост и сигурност во изминатата година. Евротип е лидер во исплатени бонуси за своите играчи, со сума која надминува 15 милиони денари. Опцијата Кешбек кај играчите врати рекордни над 26 милиони денари, а со многубројните реализирани наградни игри и гивавеи, кај нашите корисници пристигнаа повеќе од 6 милиони денари. Вкупниот износ на ВЛТ џекпотови во уплатните локации на Евротип ја надмина сумата од исплатени над 1 милион евра. Вредно е да се напомене дека највисоки добитни тикети со милионски износи во минатата година беа исплатени во три различни уплатни места: Гевгелија 2,000,000 денари, Битола 3,326,228 и Прилеп 3,352,511 денари.

Нашето партнерство со домашните спортски тимови и донираните средства за поддршка на локални проекти во областа на спортот и образованието, ја истакнаа посветеноста на Евротип кон заедницата. Во годината која измина ја имавме честа да поддржиме и да бидеме дел од бројни настани низ целата држава.

Го истакнуваме и формирањето на фудбалскиот клуб ФК Евротип Онлајн кој од оваа сезона успешно се натпреварува во третата македонска фудбалска лига.

Евротип како компанија која е дел од КС Групацијата, со гордост гледа на постигнувањата во изминатата година, но истовремено е посветена на уште поголеми успеси во иднина.

Ѓоковиќ го предаде полуфиналето, Зверев прв финалист на Австралија опен

Новак Ѓоковиќ го заврши учеството на Австралија опен, откако му го предаде мечот на Александар Зверев.

По завршувањето на првиот сет, Ѓоковиќ се доближи до мрежата и му ја соопшти својата одлука на Германецот, очигледно неспособен да го продолжи мечот поради повреда.

Двајцата тенисери одиграа 81-минутен сет кој Зверев го доби во тај-брејк (7:6), Во текот на сетот Ѓоковиќ се обиде да ја ублажи болката со апчиња, но овој пат тоа не му помогна.

Соланке се повреди, шест недели ќе биде надвор од терените

Тренерот на Тотенхем, Ангелос Постекоглу, по победата на неговиот тим кај Хофенхајм со 2-3 во Лига Европа, објави колкава пауза го чека првиот напаѓач Доминик Солеанке.

Поради повредата што ја заработи на натпреварот против Арсенал, Соланке ќе отсуствува шест недели. Во дербито на северен Лондон, Соланке го повреди коленото.

Соланке летово им се приклучи на Спарс од Бурнмут, постигна седум гола во Премиер лигата, а додаде и три асистенции на 18 настапи. Постекоглу нема да може да смета на него во важен период, а неговото враќање се очекува на почетокот на март.

Тотенхем има огромни проблеми со повреди. Надвор од тимот се Бисума, Џонсон, Одобер, Регуилон, Ромеро, Сар, Удоги, Ван де Вен, Викарио и Вернер.

Волвс не го пушта Куња оваа зима

Челниците на Вулверхемптон немаат намера да го продадат Матеус Куња во зимскиот преоден рок.

За 25-годишниот фудбалер се заинтересирани Арсенал и Нотингем Форест но, „волците“ се решени да ги одбијат сите понуди. Куња во сезонава одигра 21 натпревар во Премиер лигата со ефект од 10 голови и 4 асистенци.

Неговиот состав се наоѓа на 17-то место на табелата и до крајот ќе води жестока битка за опстанок.

Португалецот Веига на позајмица од Челзи во Јуве

Јувентус веќе го обезбедил и трансферот на португалскиот фудбалер од екипата на Челзи, Ренато Веига, објави Фабрицио Романо. Според изворот, „Старата Дама“ платила 5 милиони евра за шестмесечна позајмица на Вегига, без право на откуп.

Тренерот на Јувентус, Тиаго Мота има намера да го користи Веига како централен дефанзивец.

21-годишниот Португалец игра за Челзи од минатото лето. За тоа време, фудбалерот одигра 18 натпревари на сите турнири, на кои постигна два гола и даде една асистенција Договорот на играчот со Челзи е до летото 2031 година со можност за продолжување на уште една сезона.

Аморим потврди, Гарначо заминува зимава од „Олд Трафорд“

Менаџерот на Манчестер Ј. Рубен Аморим ја потврди веројатноста Алехандро Гарначо да го напушти Манчестер Јунајтед до крајот на месецот. Деновиве беше објавено дека крилниот напаѓач би можел да се пресели во Челзи или Наполи пред да се затвори зимскиот преоден рок.

„Ќе видиме што ќе се случи во наредните денови. Тој е играч на Манчестер Јунајтед и беше многу важен за нас денес. Мислам дека тој се подобрува во сите аспекти на играта. Денеска делуваше подобро во центарот, играше и крило, ги менуваше позициите, почна подобро да работи во одбраната. Понекогаш покажува незадоволство, а тоа е добро – тоа значи дека сака повеќе. Тој има потенцијал да стане многу подобар во сите аспекти“, рече менаџерот на Манчестер Јунајтед. Останува клубот да одлучи за неговата судбина, но голема е веројатноста да му дозволи да замине барем на 6-месечна позајмица.

«< 152 153 154 155 156 >»