feature

Анчелоти: Аталанта е најтешкиот ривал до крајот на годината

Тренерот на Реал, Карло Анчелоти ги сподели своите очекувања за натпреварот од Лигата на шампионите против Аталанта.

„Тие играат многу добро. Се наоѓаат во извонредна форма. Тимот располага со многу ентузијазам, но ние сме решени да ги освоиме бодовите и да ги искористиме преостанатите натпревари за поволни резултати. Белингем повторно постигна гол на претходниот натпревар, што е многу важно за него и за нас. Секогаш придонесува, дури и да не постигне гол. Имам целосна доверба во мојот тим. Во последно време работите се подобруваат. Сметаме дека овој натпревар е еден од најтешките во последно време“, изјави Анчелоти.

Натпреварот Аталанта – Реал Мадрид ќе се игра вечер од 21:00 часот во Бергамо.

По пет кола во елитното фудбалско натпреварување Реал е на 24. место со шест бода, Аталанта е петта со 11 бодови.

Белорусинката Сабаленка е тенисерка на годината според ВТА

Белоруската тенисерка Арина Сабаленка ја освои номинацијата за „Играч на годината 2024“ од страна на ВТА.

Оваа титула 26-годишната тенисерка ја доби за прв пат во кариерата.

За наградата номинирани беа и Американката Кори Гауф, Италијанката Јасмин Паолини, Ига Швјонтек од Полска и Женг Кинвен.

Сабаленка ја заврши сезоната како прв рекет на светот. Оваа година, Белорусинката освои четири титули, вклучувајќи две на Грен слем турнирите (Австралија Опен и УС Опен).

Црвена Звезда го официјализираше Џон Браун

Американскиот кошаркар Џон Браун е новото засилување на Црвена звезда.

Поранешниот член на тимот на Монако, во петокот пристигна во Белград, викендов имаше лекарски прегледи, а денеска потпиша договор со Црвена звезда. Браун потпиша договор со крајот на сезоната, а доколку двете страни бидат задоволни тој ќе биде продолжен на уште една сезона.

Џон Браун, роден во Џексонвил (Флорида), е висок 203 сантиметри, а неговата игра се карактеризира со огромна енергија, борбеност и врвна дефанзива.

Во претходните сезони се здоби со статус на еден од најдобрите дефанзивни играчи во Европа: Тој беше најдобар „крадец на топки“ на Евролигата 2022, италијанската лига 2020. година и ВТБ лигата во 2021 година.

Тој минатата сезона (2024) беше прогласен за најдобар дефанзивец во францускиот шампионат, а покрај тоа со Монако освои и две шампионски титули на таа земја, како и Купот на Франција.

Миовски се повреди на тренинг, нема да настапи против големиот Ливерпул

Џирона, утре во Лигата на шампионите ќе го пречека лидерот Ливерпул. Натпрварт ќе го пропушти македонскиот репрезентативец, Бојан Миовски.

Медиумите од Каталонија објавија дека Миовски се повредил на последниот тренинг. Според овие извори станува збор за повреда на глуждот.

Од клубот не објавија колку ќе отсуствува Миовски.

Македонскиот репрезентативец во летниот преоден рок пристигна во Џирона од Абердин за осум милиони евра. Од почетокот на сезоната постигна четири гола, по два во Примера и Купот на Кралот.

Џирона ќе го пречека Ливерпул на „Монотливи“, во вторник од 18.45 часот.

Мбапе ги објасни проблемите во француската репрезентација

Фудбалерот на Реал, Килијан Мбапе изјави дека сака да игра за француската репрезентација и додаде дека дресот на репрезентацијата секогаш му бил на прво место.

Исто така, Французинот истакна дека имало многу немили настани околу француската репрезентација за време на Европското првенство.

„За време на Европското првенство имаше многу клевети и лаги за мене. Ме навредуваа и ме обвинуваа за некои тимски неуспеси. Сето тоа го прифатив за доброто на француската репрезентација. Репрезентативниот дрес секогаш го ставам на врвот на моите интереси. Направив сѐ што можев за да ја претставам Франција што подобро. Го скршив носот за овој тим, а сега луѓето велат дека не сакам да играм за репрезентацијата и дека сум фокусиран само на Реал. Сепак, немам намера да се откажам“, изјави Мбапе за Канал плус.

Потоа објасни зошто не играл за француската репрезентација на натпреварите од Лигата на нации во октомври и ноември.

„Нема ништо поважно од репрезентацијата. Се повредив во октомври, а за натпреварите во ноември не можам да кажам ништо. Тоа е одлука на тренерот Дидие Дешам, која морам да ја почитувам. Тој се прашува. Сакав да играм за Франција во ноември, но селекторот не ме повика. Жал ми е, но не можам да кажам зошто не ми се јави“, додаде францускиот фудбалер.

Мбапе во летниот преоден рок пристигна во Реал од Пари Сен Жермен.

Томас Тамлер победи на велеслаломот во Бивер Крик

Швајцарскиот скијач Томас Тамлер победи синоќа на велеслалом кој во рамките на Светскиот куп се возеше во Бивер Крик, САД.

Тамлер уште по првото возење беше прв, а трката ја заврши со 2:27.60 минути и ја оствари првата победа во кариерата. Второто место го зазеде Лукас Бротен Пинеиро со заостанување од 0,12 секунди и го обезбеди првиот победнички подиум на Светското првенство за Бразил. Норвежанецот се врати на патеката по една година пауза, а сега се натпреварува за Бразил и го додаде презимето на неговата мајка.

Словенечкиот скијач Жан Крањец го освои третото место со заостанување од 0,58 секунди. Тоа беше неговиот петнаесетти пласман на подиумот.

Конте: Овој меч ми покажа дека Наполи е на вистински пат

Тренерот на Наполи, Антонио Конте е задоволен од изданието на неговиот тим и покрај поразот (0-1) од Лацио во 15. коло од Италијанското фудбалско првенство.

„Не сум незадоволен или разочаран. Денешниот натпревар јасно покажа дека сме на добар пат. Се обидуваме да ја контролираме играта и додека ја поседуваме топката, создаваме ситуации кои му се закануваат на противникот. Треба да се подобриме од оваа гледна точка. Одигравме добар натпревар со одличен став и агресивност против толку добар тим како што е Лацио“, изјави Конте за италијанските медиуми.

По овој натпревар Лацио е на петтото место во поредокот со 31 бод, второпласиран е Наполи со 32 бода.

МЗТ Скопје спогодбено се раздели со Хрватот Баковиќ

Македонскиот кошаркарски шампион, МЗТ Скопје Аеродром објави дека спогодбено го раскинал договорот со хрватскиот интернационалец Марко Баковиќ.

Оваа информација доаѓа помалку изненадувачки бидејќи изминатото лето МЗТ го продолжи договорот со иксусниот хрватски кошаркар.

Баковиќ во Аеродром дојде од таборот на Цибона, а претходно има играно за Горица како и за исландскиот тим Тор.

Тимот на 2024 година без Роналдо и Меси

Меѓународната федерација на асоцијации на професионални фудбалери (ФИФПРО) го претстави својот симболичен тим на годината.

Меѓу номинираните имаше 26 фудбалери, а во конечниот состав на симболичниот тим не се најдоа аргентинскиот напаѓач на Интер Мајами, Лионел Меси и португалскиот напаѓач на Ал-Наср, Кристијано Роналдо.

Во гласањето учествуваа 21.266 фудбалери.

Голман: Едерсон (Манчестер Сити, Бразил);

Одбрана: Даниел Карвахал (Реал Мадрид, Шпанија), Антонио Рудигер (Реал Мадрид, Германија), Вирџил ван Дајк (Ливерпул, Холандија).

Среден ред: Кевин Де Брујне (Манчестер сити, Белгија), Родри (Реал Мадрид, Шпанија), Тони Крос (Реал Мадрид, Германија), Џуд Белингем (Реал Мадрид, Англија).

Напад: Килијан Мбапе (ПСЖ/Реал Мадрид, Франција), Ерлинг Халанд (Манчестер сити, Норвешка), Винисиус Жуниор (Реал Мадрид, Бразил).

Сото и Њујорк Метс потпишаа договор кој е рекорд на сите времиња

Хуан Сото и Њујорк Метс го потпишаа најголемиот договор во историјата на спортот. Сото договорил 15-годишен договор вреден 765 милиони долари. Годишно ќе заработува 51 милион.

Ова е 12-ти договор во МЛБ вреден 325 милиони долари или повеќе. Со рекордниот договор, Сото го мина Шохеи Охтани, кој потпиша деветгодишен договор со ЛА Доџерс од 700 милиони долари претходно оваа година.

Интересно е што дваесет и шестгодишниот Сото одбил 440 милиони за истиот период од Вашингтон во 2022 година.

Договорот на Сото со Метс има излезна клаузула по пет години и вклучува потенцијални бонуси кои би можеле да пораснат до над 800 милиони долари.

Момчето родено во Доминиканската Република, минатата сезона настапувајќи за Њујорк Јенки, забележа рекордни во кариерата удари (166) и хоум-ранови (41) и го предводеше својот тим до првиот настап во Светската серија од 2009 година.

«< 164 165 166 167 168 >»