Арсенал и Брајтон ремизираа 1-1 во 20. коло од Премиер лигата.

Брајтон успеа да остане непоразен и да го забележи своето четврто реми по ред, додека Арсенал ја прекина серијата од четири победи во сите натпреварувања.

„Топчиите“ сепак нема да бидат задоволни, по ова реми со два натпревари повеќе имаат пет бода помалку од лидерот Ливерпул.

Се чинеше дека Арсенал ќе победи на „Амекс“ стадионот во Брајтон. Поведе во 16. минута преку тинејџерот Нванери, по феноменалната соло серија.

Сепак, тој гол во раната фаза од натпреварот како да не им требаше на фудбалерите на Арсенал. Зошто? Бидејќи од тој момент започнаа да „крадат“ од времето.

Казната за таквата определба Арсенал го стигна во 61.минута кога Жоао Педро најпрвин избори пенал, а потоа и го претвори во гол.

Фудбалерите на Наполи убедливо ја започнаа 2025 година. „Наполитанците“ гостуваа кај Фиорентина и во голем стил ги освоија трите бода во едно од дербито од 19. коло во италијанската Серија А.

Натпреварот на стадионот „Артемио Франки“ во Фиренца заврши со резултат 0-3 (0-1).

Гостите поведоа со голот на поранешниот играч на Ајакс и Бенфика, Давид Нерес. Во 29. минута.

Во првото полувреме беше поништен по еден гол за секоја екипа, голот на Наполи во 15. минута на Матиас Оливеира поради тоа што Ромелу Лукаку беше во офсајд, а голот на Фиорентина во 38. минута поради играње со рака Мозес Кин.

Гостите во вториот дел одиграа уште поубедливо. Најпрвин Лукаку реализираше пенал во 54. минута, а петнаесетина минути подоцна Скот Мектоминеј го совлада својот поранешен соиграч од Манчестер јунајтед, Де Хеа за конечни 0-3.

По оваа победа, Наполи го презеде првото место на табелата, откако пред натпреварот го делеше првото место со Аталанта со по 41 бод. Фиорентина остана на петтото место со 32 бода.

Продолжува „егзодусот“ во Брера Струмица, а клубот потврди дека се раздели со тренерот Горазд Михајлов.

По неколкуте фудбалери кои заминаа од клубот, сега на ред дојде и предводникот Михајлов кој четири месеци ја водеше екипата. Главниот спонзор Брера се повлече од клупските структури, па поради тоа дојде до серија заминувања.

Михајлов и Брера спогодбено ја прекинаа соработката, иако искусниот стратег вршеше добра работа во Струмица. Клубот му се заблагодари на досегашниот тренер, а се очекува во следниот период да го промовира неговиот наследник.

Тренерот на Реал Мадрид, Карло Анчелоти го коментираше исклучувањето на напаѓачот Винисиус Жуниор во натпреварот од 12. коло од шпанското првенство против Валенсија (2:1).

Во 79. минута Бразилецот доби црвен картон поради туркањето на голманот Столе Дмитриевски.

„Ова не беше за црвен картон. Ќе се жалиме. Голманот го испровоцира, а Вини одговори. Требаше да има жолт картон и за двајцата, и тоа е тоа“, изјави Анчелоти.

Поради инцидентот, Винисиус се соочува со суспензија од 4 до 12 натпревари.

Фудбалерите на Манчестер сити остварија убедлива победа против Вест Хем, додека Челзи не успеа да го победи Кристал Палас, во 20. коло од Премиер лигата.

По серијата неуспеси, Манчестер сити успеа да врзе две победи во лигата. На „Етихад“, тимот на Гвардиола убедливо го победи Вест Хем со 4:1. Цоуфал со авто-гол го отвори натпреварот, потоа голгетерскиот пост го прекина Халанд, постигна два гола, а Фоден зголеми на 4:0. Филкруг само го ублежи поразот на „чеканите“.

Челзи уште еднаш не успеа да победи. На последните четири натпревари „сините“ од можните 12 освоија самодва бода. Санчо им донесе предност на „сините“ во 14.минута, а конечните 1:1 ги постави Матета во 82. минута.

Во текот на вчерашниот ден медиумите блиски до Барселона и со седиште во Каталонија пишуваа дека проблемот на каталонскиот гигант со Дани Олмо и Пау Виктор е решен, меѓутоа не е така.

Денес Ла Лига и Фудбалскиот сојуз на Шпанија објавија соопштение во кое информираат дека барањето на Барселона е одбиено.

Раководството на Барселона доставило дополнителна документација, но проблем правело правилото кое вели дека еден фудбалер на кој му е прекината регистрацијата не може повторно да биде регистриран истата сезона.

Медиумите во Шпанија пишуваат и дека ваквата одлука на Ла Лига е под притисокот на останатите клубови кои жестоко реагираа по најавите дека Фудбалскиот сојуз ќе довзоли регистрација на шпанскиот репрезентација.

Барселона сега може да испрати и жалба до судот, но веќе беа одбиени две жалби на каталонскиот гигант.

Динамо Загреб го потврди големиот трансфер кој се најавуваше последните денови. Нико Галешиќ стана нов член на хрватскиот шампион.

За услугите на овој 23-годишен дефанзивец клубот од Максимир плати 3.000.000 евра, а тој во Динамо доаѓа од ривалот Риека.

„Поранешниот член на Риека потпиша повеќегодишен договор со клубот и веднаш му е на располагање на новиот тренер Фабио Канаваро“, се вели во соопштението на Динамо.

Галешиќ кариерата ја започна во младинските категории на Херта Берлин, а член на Риека стана во 2019 година. Играше за јуниорскиот тим, а потоа и за првиот тим чиј дрес го облече 98 пати.

По 18 одиграни кола во првенството на Хрватска, Динамо е трет во поредокот со 29 бодови, седум бода зад Риека и Хајдук.

Се шпекулира дека „модрите“ зимава дополнително ќе ги засилат Лука Иванушец, Бартол Фрањиќ и Борна Баришиќ. На мета е и Себастијан Але, но моментално тој е поблиску до трансфер во Утрехт.

Њукасл, во Лондон го совлада Тотенхем со 1-2 во првиот натпревар од 20. коло на англиската Премиер лига.

Во првите шест минути видовме два гола на овој натпревар, но и голема контроварза која фрли сенка на овој натпревар.

Тотенхем поведе во четвртата минута кога Доминик Соланке постигна гол по асистенцијата на Педро Пор.

Само 100 секунди подоцна стигна израмнувањето со голот на Ентони Гордон. Сепак, на ова му претходеше очигледно играње со рака на Жоелингтон.

За главниот судија Медли и судиите во ВАР собата немаше ништо спорно.

Александар Исак во 38.минута го комплетираше пресвртот на Њукасл. Швеѓанеецот ја потврди добрата форма, го постигна 13. гол во тековната сезона.

Тотенхем беше многу поофанзивен во вториот дел, а на теренот влегоа Хеунг-Мин како и Џејмс Медисон, кој беше најблиску до гол во 81. минута.

Њукасл останува на петтото место со 35 освоени бодови, додека Тотенхем е на 11-та позиција со само 24.