Алваро Мората е на чекор до враќање во Серија А, откако дал зелено светло за преселба во Комо. Овој трансфер претставува уште еден амбициозен потег на новиот прволигаш, кој под водство на Сеск Фабрегас се обидува да се етаблира во најсилната италијанска лига. 

Одлуката на Мората да го прифати проектот на Комо доаѓа по сезоната на позајмица во Галатасарај, каде настапуваше како играч на Милан. Со претходни искуства во лигата, 32-годишниот напаѓач добро го познава италијанскиот фудбал и се смета за големо засилување за тимот на Фабрегас, кој расте по квалитет и амбиции. 

Извори блиски до преговорите потврдуваат дека силната врска помеѓу Фабрегас и Мората одиграла клучна улога во напредокот на разговорите. Двајцата имаат богата заедничка историја во репрезентацијата на Шпанија и во Челзи, а Фабрегас е решен да го донесе во тимот искусниот голгетер. 

Комо е подготвен веднаш да го финализира трансферот штом се расчистат последните детали. Потегот е јасен сигнал за амбициите на клубот и новото поглавје за Мората на добро познат терен. 

Олимпик Лион објави доцна во вторникот дека „веднаш ќе се жали“ на одлуката на францускиот фудбалски финансиски регулатор ДНЦГ да ги исфрли во Лига 2, објавија француските медиуми.

-Ќе се жалиме за да ја докажеме нашата способност да ги обезбедиме потребните средства за да го гарантираме останувањето на клубот во Лига 1. Во последните месеци, тесно соработувавме со ДНЦГ, исполнувајќи ги сите барања со инвестиции кои беа поголеми од потребните, соопшти Олимпик Лион, кој континуирано игра во првата француска лига од 1989 година.

Благодарение на свежите средства од акционерите и продажбата на уделот во Кристал Палас, буџетот на клубот значително се подобрил и тој има значителни средства за сезоната 2025-2026, тврдат уште од Лион.

Кристапс Порзингис го заврши својот престој во Бостон Селтикс Тоа е уште една размена што сериозно ќе предизвика „земјотрес“ во НБА и во неа учествуваа три екипи.

Бостон ги испрати Порзингис и еден избор од втората рунда во Атланта, од каде што Теренс Ман и еден избор од првата рунда се преселија во Бруклин, а Селтикс ги доби Џорџ Нијанг и еден избор од втората рунда.

Поточно, јасно е дека Бостон сакаше малку да го намали буџетот, бидејќи веруваше дека Летонецот нема да придонесе многу ниту во следната сезона.

Поранешниот четврти пик на драфтот се мачеше со повреди во текот на целата кариера, пропуштајќи практично половина од секоја од своите две сезони со него, а минатата година имаше просек од 19,5 поени и 6,8 скока на натпревар.

Трката за големата награда на Канада во Монтреал ќе остане во календарот на Формула 1 до 2035 година, откако се договори за четиригодишно продолжување на постојниот договор, соопшти Формула 1, објави агенцијата „Ројтерс“.

Гранпри-трката одржана во минатиот викенд на патеката „Жил Вилнев“ беше 54-то издание, откако првпат се појави во шампионатот на Формула 1 во 1967 година. Патеката во Монтреал, именувана по великанот на Ферари и татко на светскиот шампион од 1997 година, Жак Вилнев, стана постојан домаќин на трка во Формула 1 во 1978 година.

Претходното продолжување на договорот на трката беше до 2029 година, но две од тие години (2020 и 2021 година) беа за време на пандемијата на коронавирусот, кога трка во Формула 1 не се одржа и договорот беше продолжен до 2031 година.

Трката во Монтреал в година ќе се одржи порано од претходно, со нов термин на 24 мај, откако ќе се замени со Монако и ќе се усогласи поблиску со трката во Мајами, пишува „Ројтерс“

Глазгов Ренџерс добија нов десен бек. На едно годишна позајмица од Борнмут во Глазгов пристигна 25-годишниот Макс Аронс.

Аронс ја помина претходната полусезона во Валенсија, каде што одигра само четири настапи.

Поранешниот млад репрезентативец на Англија се наметна во дресот на Норич, со кој двапати избори промоција во Премиер лигата. Потоа, во 2023 година, потпиша за Борнмут во трансфер вреден седум милиони фунти.

Во првата сезона, тој одигра 20 натпревари за „црешите“, но во наредната сезона одигра само три натпревари.

Познати се уште двајца учесници во нокаут фазата на Светското клупско првенство, тоа се Борусија Дортмунд и Флуминенсе.

На Дортмунд му беше потребна победа над корејски Улсан за да се пласира во осминафиналето. Германскиот тим успеа да триумфира и да го потврди пласманот во нокаут фазата.

Резултатот 1-0 не го покажува најдобро вистинскиот однос на силите. Натпреварот мина во апсолутна доминација на „милионерите“.

Помладиот од браќата Белингем, му асистираше на Швеѓанецот Свенсон во 36-та минута.

Флуминенсе беше фаворит против јужноафриканскиот Мамелоди, но на теренот изгледаше сосема поинаку, дури и тимот од „Црниот континент“ имаше подобри шанси, речиси успеа да направи изненадување и да се пласира во осминафиналето.

Не успеаја, Флуминенсе издржа во финишот, освои бод за место меѓу најдобрите 16. Четирите бразилски тима се пласираа во осминафиналето: Флуминенсе, Палмеирас, Ботафого и Фламенго.