feature

Кјелини доби нов двегодишен договор со Јувентус

Џорџо Кјелини потпиша нов договор со Јувентус, соопшти прес-службата на клубот од Торино. Новиот договор ќе важи до летото 2023 година. „Ова е важен чекор во мојот живот. Дојдов во Јувентус кога бев момче и сега уживам во секој момент. Сакам да му помогнам на Јуве да освои други титули“, рече Кјелини.

Да потсетиме, претходниот договор на Кјелини со Јувентус истече на 30 јуни. Дефанзивецот стана најстариот капитен во историјата на финалето на Европското првенство, надминувајќи го Џaнлуиџи Буфон, кој играше во финалето против Шпанија на Евро 2012.

На Европското пренство, Џорџо Кјелини одигра 5 натпревари, бидејќи ги пропушти натпреварите со репрезентациите на Велс и Австрија поради повреда. За централниот дефанзивец, последниот натпревар беше 95 -ти во негова кариера како дел од националниот тим.

МЗТ Скопје донесе двајца Американци и Рикиќ од Еуро Никел

МЗТ Скопје крои планови за тоа како да ја одбрани двојната круна во домашното првенство и дефинитивно размислува што подобро да се прикаже во регионалните натпреварувања, па на ден „Илинден“, објави дека се договорени три големи засилувања за новата натпреварувачка сезона.

Раководството на „металците“ успеа да го договори хрватскиот „џин“ кој минатата сезона настапуваше одлично во Еуро Никел, извонредниот Роберт Рикиќ кој е висок 219 сантиметри. Покрај него, МЗТ објави соработка со двајца Американци, но соопшти дека е обновен и договорот на Кристијан Николов.

„Управата на МЗТ Скопје Аеродром изминатиот период го мина во интензивни преговори со поголем број квалитетни кошаркари со цел да се дојде до вистинските засилувања за новата сезона во која ќе ја браниме двојната круна на домашна сцена. Изборот падна на двајца Американци, Дастин Ваер (31 год, 183 см) и Хуан Дејвис (24 год, 203 см), еден добро познат хрватски интернационалец, Роберт Рикиќ (31 год, 219 см), додека обновен е и договорот со македонскиот репрезентативец Кристијан Николов (24 год, 187 см)“, велат од клубот.

Капитен на екипата останува Дамјан Стојановски, а договорни обврски со нашиот клуб имаат уште и Бојан Крстевски, Адем Мекиќ и Дамјан Робев. Со ова, најверојатно, засега ќе го заокружиме ростерот со напомена дека останатите четири места во тимот ќе бидат пополнети со играчи од нашата младинска школа, пред се од вториот тим, со цел најголемите таленти да добијат шанса да се натпреваруваат со најдобрите со кои располага МЗТ Скопје Аеродром.

Бруно Акраповиќ се врати на клупата на Шкендија

Шкендија вчера го потврди новиот стратег.

После отказот на тренерот Ернест Ѓока клубот ќе го води Бруно Акраповиќ. Ѓока доби отказ после катастрофалното европско лето во кое Шкендија запиша четири порази и не постигна ниту еден гол, па отказот беше и очекуван.

За Акраповиќ ова е враќање во редовите на Шкендија откако ги водеше Шкендија пред пет години.

Белоруска атлетичарка одби да се врати во татковината

Белоруската атлетичарка Кристина Тимановска, која одби да се качи на летот за Белорусија и рече дека нејзиниот тим ја однела на аеродром против нејзината волја, е „безбедна“ во Токио, објави Меѓународниот олимписки комитет (МОК).

„Тимановска (24) ја помина ноќта во аеродромскиот хотел, откако синоќа побара заштита од јапонската полиција на аеродромот Ханеда“, изјави на прес -конференција портпаролот на МОК, Марк Адамс.

Таа за новинарот на Ројтерс преку апликацијата Телеграм потврди дека главниот тренер на Белорусија синоќа се појавил во нејзината соба во Олимпиското село и ја принудувал да замине со него.

“Главниот тренер ми пријде и рече дека добил наредба” одозгора “да ме отстранат. Во пет часот (попладне) дојдоа во мојата соба, ми рекоа да се спакувам и ме однесоа на аеродром”, напишала Тимановска во порака

Сепак, атлетичарката од Белорусија одби да се качи на летот и рече дека нема да се врати во Белорусија.

Умтити постави еден услов за да си замине од Барса

Барселона сака да се ослободи од Самуел Умтити и од неговата висока плата во летниот преоден рок. Умтити не прифати намалување на платата, но е спремен да го напушти каталонскиот клуб ова лето, но само под еден услов.

Имено, Французинот сака да се пресели во тим што учествува во Лигата на шампионите, или конкурентен за титулата во националното првенство, пренесува „Диарио Спорт“.

Во последните недели, Барса доби три понуди за Умтити, но тие не ги исполнија барањата на играчот.

Умтити во последните две години го мачат повреди, па европските гиганти не се заинтересирани за него.

Надал: Не можам да разбирам некој како Новак да се однесува така нервозно

Рафаел Надал вели дека Новак Ѓоковиќ има натпреварувачки дух, но треба да избегнува ситуации како таа со фрлањето на рекетот во мечот против Пабло Карно-Буста во мечот за бронзен медал на Олимписките игри.

По изгубениот поен, Ѓоковиќ високо на трибини го фрли рекетот, а потоа во истиот сет го скрши и вториот рекет поради нервоза.

„За среќа, никој немаше на трибини и немаше последици, такви работи се случуваат од време на време. Важно за нас е да избегнуваме такви ситуации. Ѓоковиќ е пример за многу деца, тој е најдобар тенисер во светот. Чудно е некој успешен да прави такви работи“, вели Надал.

Надал повтори дека е многу среќен поради успехот на неговиот сонародник Карено-Буста.

Грчки скокач во далечина сензационално ги победи Кубанците во Токио

Грчкиот атлетичар Милтијадис Тентоглу освои златен медал во скок во далечина

Тој до најсјајното одличје стигна со кокод во послената шеста серија со далечина од 8 метри и 41 сантиметар, ист резултат кој претходно имаше остварено и Кубанецот, Хуан Мигел Ечеверија, кој пак поради послаби скокови во другите серии мораше да се задоволи со среброто. Инаку Кубанецот се здоби со повреда за време на натпреварот, па ја пропушти петтата, а не успеа да скокне во шестата.

Неговиот сонародник Мајкл Масо го освои бронзениот медал со резултат 8,21 метри.

Американците го освоија Голд Купот по драматична победа против Мексико

Соединетите Американски Држави го освоија „Голд Купот“ со победата над Мексико со 1-0. Во финалниот меч што се играше на „Алејант Стадиум“ во Парадајс, а го следеа над 60.000 гледачи, победникот беше решен дури во продолжението.

Единствениот гол за Американците вреден злато во дуелот против Мексико го постигна Робинсон во 117. Минута.

Инаку овие две селекции и пред неполни два месеци играа финале и тоа во првото издание на Лигата на нации, а ви во него Американците по продолженија ги добија Мексиканците.

Хоакин Кореа ќе биде замената за Лаутаро во Интер

Италијанските медиуми пренесуваат дека Интер е спремен да го продаде Лаутаро Мартинез доколку пристигне добра понуда.

Преговорите за продолжување на соработката помеѓу двете страни не одат во добра насока, па Интер нема да се противи на неговото заминување, особено поради фактот што „нероаѕурите“ имаат финансиски проблеми.

За Аргентинецот се заинтересирани Арсенал и Атлетико Мадрид, а самиот Лаутаро преферира преселба во Мадрид.

„Скај Италија“ пренесува дека Интер веќе има најдено замена доколку Лаутаро биде продаден ова лето.

Станува збор за напаѓачот на Лацио, Хоакин Кореа, кој е голема желба на тренерот Симоне Инзаги.

Артета загрижен по повредата на Томас Парти

Тренерот на Арсенал, Микел Артета, призна дека играчот од средниот ред, Томас Парти, може да биде долго време надвор од терените поради повреда.

Парти беше повреден на пријателскиот натпревар против Челзи. Играчот беше заменет на крајот на првото полувреме откако се здоби со повреда на скочниот зглоб. „Само што разговарав со докторот. Утре ќе направи рентген. Но, досега од тоа што го видов изгледа доста лошо “, изјави Микел Артета.

По дуелот со Рубен Лофтус-Чик, Парти беше принуден да го напушти теренот, тој беше заменет со Гранит Џака во 40. минута.

Претходно беше објавено дека Џака може да оди во Рома. Но, подоцна се појави информација дека лондончани имаат намера да го задржат играчот и да го продолжат договорот со него. Во случај на сериозна повреда на Парти, Гранит Џака може да добие повеќе минутажа во стартниот состав на Арсенал.

«< 2118 2119 2120 2121 2122 >»