Фудбалерите на Барселона веќе почнаа да се подготвуваат за следната сезона и нивното внимание ќе биде насочено кон доведување квалитетни играчи кои остануваат без договор и ќе бидат слободни играчи на пазарот. Една од трансфер целите на тимот е играчот од средниот ред на Милан, Франк Кеси, чиј договор истекува на крајот од сезоната.

25-годишниот Кеси прикажува одлични партии откако пристигна во Милано од Аталанта, но најверојатно ќе го напушти „Сан Сиро“ на крајот од договорот во јуни. 

Од Барселона во Кеси гледаат наследник на капитенот Бускетс кој наскоро ќе наполни 34 години и прашање е дали ќе може да игра со исто темпо како и досега.

Главните луѓе во Милан задолжени за трансфери, Малдини и Масара, постигнале начелен договор со претставниците од Лил околу трансферот на дефанзивецот Свен Ботман.

Според договореното, 22-годишниот Ботман ќе потпише пет годишен договор со Милан и ќе заработува 2,5 милиони евра по сезона. Тој се очекува да пристигне во новиот клуб ова лето.

Во јануари екипата на Лил ја одби понудата вредна 40 милиони евра од Њукасл Јунајтед.

Маурицио Почетино проговори за шпекулациите дека Килијан Мбапе веќе одлучил од лето да игра за Реал Мадрид.

Токму Реал Мадрид ќе биде противникот на ПСЖ во осминафиналето од Лигата на шампионите. Првиот натпревар на програмата е на 15 февруари, а реваншот се игра во главниот град на Шпанија на 9 март.

„Килијан одлуката за својата иднина ќе ја донесе после натпреварот со Реал Мадрид во Лигата на шампионите. Во овој момент целосно е фокусиран да направи што е можно подобри работи со ПСЖ. Станува збор за голем професионалец, го почитуваме сите. Знаеме дека негова е одлуката. Меѓутоа тоа не го оптеретува и секогаш дава максимум во дресот на ПСЖ“, изјави Почетино.

Фудбалерот на Евертон, Јери Мина ќе биде надвор од терените помеѓу осум и десет недели поради повреда на мускулот, пренесуваат англиските медиуми.

Дефанзивецот на клубот од „Гудисон Парк“ беше заменет во текот на првото полувреме против Њукасл во вторникот, натпревар кој неговиот тим го изгуби со 3:1.

Евертон е во лоша форма и има само една победа на последните 15 натпревари и повредата на репрезентативецот на Колумбија носи дополнителни проблеми за менаџерот на тимот Френк Лампард.

„За жал се покажаа точни нашите стравување. Јери ќе биде надвор од терените 10 недели. Тоа е удар за нашиот тим. Тој е важен играч за Евертон, секогаш позитивен и сигурно ќе ни недостасува“, изјави Лампард.

Екипата на Манчестер Јунајтед продолжи да игра во стилот топло-ладно, и во моментот се наоѓа на позиција од табелата која не озбезбедува пласман во Лигата на шампиони за наредната сезона.

Тренерот на екипата Ралф Рангник очекува подобри изданија од неговиот тим во наредните натпревари, а посебно се надева дека ќе профункционира нападот на екипата.

Тренерот од Германија се обрати и до Кристијано Роналдо од кого очекува многу повеќе постигнати голови.

„Сакам максимален учинок во нападот од Роналдо. Очигледно е дека треба да ја подобри својата реализација во последно време. Факт е дека создаваме многу шанси, но не постигнуваме доволно голови. Тоа не е случај само со Роналдо туку и со останатите напаѓачи во екипата“, изјави Рангник.

Според очекувањата 24-годишниот Тео Ернандез и официјално го продолжи договорот со Милан со што ќе остане во клубот до 2026 година. 

Ернандез игра на позицијата лев бек и со своите одлични игри се наметна како еден од најважните играчи во тимот предводен од Стефано Пиоли. Со новиот договор тој ќе биде еден од најплатените играчи во екипата, заработувајќи 4 милиони евра годишно.

Французинот е играч на Милан од 2019 година и оваа сезона на 27 настапи има постигнато четири гола и осум асистенции.

Екипата на Шкупи останува еден од главните кандидати за титулата во домашното првенство. Клубот од Чаир е доста активен на трансфер пазарот па информира дека се засили со играчот Мамаду Данфа.

Данфа е младински репрезентативец на Сенегал кој има и повик за настап во сениорската селекција на актуелниот освојувач на Африканскиот куп на нации.

20-годишниот Сенегалец игра на позицијата напаѓач, пристигна од украинското првенство и според договорот ќе остане во Шкупи наредните две години.

Напаѓачот на Реал Мадрид, Карим Бензема продолжува да тренира на индивидуална програма пет дена пред осминафиналето од Лигата на шампионите против ПСЖ.

34-годишниот напаѓач заработи повреда на мускулот во осминафиналето од Купот на Шпанија со Елче (2-1), кое се одигра на 20 јануари. Беше објавено дека Бензема ќе отсуствува две недели. Тој веќе пропушти два натпревари за шпанскиот тим и најверојатно нема да настапи на првенствениот меч против Виљареал.

Според изворот, нема гаранција дека Бензема ќе може да се опорави за првиот меч од осминафиналето на Лигата на шампионите со ПСЖ, кој ќе се одржи следниот вторник, на 15 февруари (21:00 часот).

Бензема оваа сезона постигна 24 гола на 28 натпревари во сите натпреварувања.