Дефанзивецот на Јувентус, Данило може да го продолжи договорот со италијанскиот клуб. Раководството на Јувентус му понудило на 30-годишниот бразилски фудбалер нов договор, со важност до јуни 2026 година. Актуелниот договор на Данило со клубот истекува во јуни 2024 година. Да потсетиме дека Данило се пресели во Јувентус од Манчестер Сити во летото 2019 година. 

Трансферот изнесуваше 37 милиони евра. Оваа сезона, дефанзивецот учествуваше во 22 натпревари за клубот од Торино во сите натпреварувања, постигна 1 гол и 2 асистенции.

Јувентус по 29 натпревари освои 56 бодови и се наоѓа на 4. место на табелата во италијанската Серија А  каде лидер е Милан со 63 бодови.

Покрај Мбапе најверојатно и Нејмар на крајот на сезоната ќе го напушти Пари Сент Жермен, пренесуваат француските медиуми.

Нејмар има договор со ПСЖ до 2025 година, но разочара и оваа сезона, а на мечот со Бордо беше исвиркан и навредуван од навивачите на „светците“.

Раководството на ПСЖ исто така не е задоволно од партиите кои ги пружа Бразилецот, па е спремно да го продаде на лето. Нејмар може слободно да си бара нов клуб, а наводно веќе стапил во контакт со челните луѓе на Јувентус.

Јувентус минатото лето се ослободи од Роналдо, а сега ќе се обиде да го донесе Нејмар во Торино.

Селекторот на нашите најдобри фудбалери, Благоја Милевски, денес на средба со новинарите го објави списокот на репрезентативците за престојниот бараж против Италија за место на Мундијалот во Катар.

На списокот се ставени и суспендираните Елиф Елмас и Тихомир Костадинов, кои нема да може да играат против европскиот првак Италија, но, ќе бидат во комбинација доколку обезбедиме пласман во завршниот бараж против подобриот од мечот Турција – Португалија.

Селекторот на македонската фудбалска репрезентација, Благоја Милевски, изјави дека нашата селекција не планира да се брани во бараж средбата со Италија, туку ќе се обиде да игра офанзивно и да забележи победа над актуелниот европски првак.

„Тоа ќе биде отворен натпревар на кој се е можно. Нашите репрезентативци треба да уживаат во овој бараж и да покажат дека не е случајност што се бориме за пласман на Светско првенство. Оваа селекција не знае да игра дефанзивно и пасивно. Тоа веќе го покажавме во натпреварите од квалификациите, и сигурен сум дека ќе го покажеме и на дуелот против Италија“, потенцира селекторот Милевски.

Фудбалерот на Челзи, Каи Хаверц, вели дека би ги покрил сите трошоци околу патувањата откако „сините“  се соочуваат со санкции од Премиер-лигата и имаат лимитиран буџет за трошење до крајот сезоната.

„Би платил, без никаков проблем.Тоа не е голема работа за нас. Мислам дека во моментов во светот има многу потешки работи од тоа дали ние ќе патуваме со автобус или со авион на гостувањата“ – вели Хаверц.

Неговиот тим денеска го очекува реваншот со Лил во Лигата на шампионите. Англичаните славеа во првиот меч со 2-0.

Барселона објави дека „Спотифај“ и официјално ќе биде генерален спонзор на клубот во следните четири години.

Логото на оваа апликација ќе стои на дресовите на Барселона од следната сезона. Исто така ќе се промени и името на стадионот кој ќе биде познат како „Спотифај Камп Ноу“.

Ова спонзорство вреди 300 милиони евра за четири години и тоа секако ќе и помогне на Барселона во тешката финансиска ситуација.

Се повеќе се пишува за потенцијалниот трансфер на напаѓачот на Борусија Дортмунд,Ерлинг Халанд, во екипата на Манчестер Сити.

Иако како најголем фаворит за негов потпис беше споменуван Реал Мадрид, медиумите од Островот тврдат дека 21-годишниот Норвежанец е пред конечен договор со тимот предводен од тренерот Гвардиола.

Медиумите наведуваат дека Сити е подготвен да го направи Халанд најплатен фудбалер во Премиер лигата.

Според „Дејли Мејл“, младиот напаѓач во Манчестер би имал неделна плата од неверојатни 500.000 фунти, со што би ги надминал Кристијано Роналдо и Кевин Де Брујне, кои имаат плата која се движи околу 385.000 фунти.

Откупната клаузула од 75 милиони евра нема да биде проблем ,и со сите останати трошоци во вид на менаџерска провизија и „награда“ за потписот, целата зделка би изнесувала околу 120 милиони евра.

Белгискиот напаѓач Дивок Ориги е подготвен да го напушти „Енфилд“ како слободен играч ова лето. 

Италијанскиот новинар Николо Скира ја пренесува веста дека за Ориги интерес покажуваат калчолигашите Милан и Аталанта. Напаѓачот има и опција да го продолжи договорот со Ливерпул, но се чини дека нема да ја искористи. Белгиецот побарува годишна плата од 4 милиони евра.

26-годишниот Ориги игра во тимот од „Енфилд“ од 2014 година, кога Ливерпул го купи од францускиот клуб Лил. Оваа сезона има 14 натпревари, 5 гола и 3 асистенции во сите натпреварувања.