Според „ UOL Esporte“ Јувентус размислува да го ангажира крилниот играч на Манчестер Јунајтед, Антони, поради неговите одлични настапи за време на позајмицата во Реал Бетис. 

Бразилецот се приклучи на шпанскиот клуб во јануари 2025 година и веднаш се истакна, постигнувајќи три гола и две асистенции во своите први шест натпревари. Неговата возобновена форма во Шпанија не остана незабележана, а Јувентус внимателно ја следи неговата ситуација со цел евентуален трансфер ова лето. 

Иднината на Антони на „Олд Трафорд“ останува неизвесна по разочарувачкиот период од неговото доаѓање од Ајакс.  

Сепак, според извештаите, Манчестер Јунајтед очекува повисока сума – помеѓу 40 и 50 милиони евра – имајќи ги предвид подобрените настапи на Антони и неговата можна пазарна вредност. Интересот за крилниот напаѓач расте како што се приближува летниот преоден рок, а Јувентус е само еден од неколкуте европски гиганти кои се во трка за неговиот потпис. 

Креативецот на Баер Леверкузен, Флоријан Вирц, јавно се огласи на Инстаграм, реагирајќи на гласините кои тврдеа дека барал дрес со број 10 како услов за трансфер во Ливерпул. 

Во порака до своите следбеници, Вирц изјави: „Кој вели дека сакам дрес со број 10? Ѓи почитувам играчите,“ советувајќи ги навивачите да не веруваат на се што се пишува во медиумите. 

Спорот започна неколку врвни новинари изјавија дека Вирц барал да го носи реномираниот дрес со број 10, кој во моментов го има Алексис Мак Алистер. Од неговото доаѓање во Ливерпул во 2023 година, аргентинскиот среден играч одржува блиска лична врска со тој број. 

Ливерпул сè уште е заинтересиран да го доведе Вирц. Според Фабрицио Романо, играчот и клубот постигнале договор за лични услови. Меѓутоа, Баер Леверкузен одбил понуда од 130 милиони фунти, инсистирајќи на проценка од 150 милиони. Таа сума би била нов трансфер рекорд во Премиер Лигата доколку се оствари. 

Иднината на Вирц останува неизвесна, Реал Мадрид исто така покажува интерес за талентираниот плејмејкер. Баер Леверкузен ја држи цврсто својата цена, што претстава дека немаат итност да го продадат, туку ќе почекаат најповолна понуда. 

Македонската репрезентација ги продолжува подготовките за квалификациските натпревари за пласман на СП 2026 против Белгија (6 јуни, Скопје) и Казахстан (9 јуни, Астана).

Дебитантот во нашата репрезентација, Стефан Деспотовски смета дека против Белгија мора да бидеме перфектни доколку сакаме да оствариме позитивен резултат.

„Секако дека е убаво чувството првпат да си тука, одлично сум прифатен од тимот. Белгија е еден силен тим, но ние ако не дозволиме на ривалот да ја игра неговата игра, имаме шанси. Мора да ги испочитуваме сите работи кои селекторот ќе ни ги каже и мислам дека сме спремни за првиот меч. Со секоја репрезентација има доза на притисок, но ние се подготвуваме за тоа и сметам дека се ќе биде во ред. Најпретпазливи мора да сме во одбраната и блокот. Тој сегмент на играта мора да е перфектен“, изјави Деспотовски.

Фудбалската федерација на Македонија (ФФМ) ќе овозможи бесплатен влез на источната трибина на Националната арена “Тодор Проески” за сите деца кои учествуваа на финалниот турнир во Детска лига и во проектот за училишен фудбал „Ајде на фудбал“, на престојниот натпревар меѓу Македонија и Белгија.

Одлуката, на иницијатива на претседателот на ФФМ, Масар Омерагиќ доаѓа како признание за трудот и ентузијазмот на повеќе од 2000 деца од 96 екипи што беа дел од финалниот турнир во Детска лига и близу 1000 деца од основните училишта, дел од проектот “Ајде на фудбал”.

Преку оваа иницијатива, испраќаме порака за поддршка на младите таленти и уште повеќе да ја поттикнеме љубовта кон фудбалот и ентузијазмот на најмладите за македонските национални селекции.

Источната трибина ќе биде резервирана за сите млади фудбалери, не само како публика, туку како иднината на македонскиот фудбал.

Манчестер сити постигна договор со Милан за трансфер на холандскиот играч од средниот ред Тижани Рејндерс за сума од 55 милиони евра, објавија британските медиуми. Трансферот со бонусите би можел да се зголеми на 70.000.000 евра.

Рејндерс ќе потпише петгодишен договор со англискиот шампион, под услов да ги помине медицинските прегледи. Договорот, исто така, вклучува дополнителни бонуси во зависност од исполнувањето на одредени клаузули, објави Би-Би-Си.

Сити се надева дека ќе го заврши трансферот на време за Рејндерс да биде регистриран за претстојното Светско клупско првенство, кое започнува на 14 јуни во САД.

Доаѓањето на холандскиот репрезентативец треба да го зајакне средниот ред на Пеп Гвардиола, кој е ослабен поради повредата на Матео Ковачиќ. Хрватскиот репрезентативец нема да биде дел од тимот за турнирот, откако неодамна беше опериран на Ахиловата тетива.

Марио Ковачевиќ е новиот тренер на Динамо, објавија челниците на клубот од Загреб.

Поранешниот стратег на Славен Белупо формално го презеде кормилото на тимот со кој ќе ги започне подготовките за новата натпреварувачка сезона на 18 јуни.

Ковачевиќ доаѓа по забележителна сезона во која неговиот Славен Белупо стигна до финалето во Купот и го освои петтото место во првенството.

Ковачевиќ кариера како фудбалер ја изградил како играч од средниот ред во Сараево, а поради војната дошол во Хрватска и играл за Вартекс, Белишќе, Славен Белупо, Меѓумурје, потоа за словенечката Нафта од Лендава и за албанскиот Динамо од Тирана.

Тој е тренер од 2014 година, кога седна на клупата на неговиот поранешен клуб, Меѓумурје. Потоа го водеше Вараждин, каде што го презеде сениорскиот тим, а работеше и со помладите категории.

Исто така, беше тренер на Полет од Свети Мартин, Мура, Подравина од Лудбрег, повторно Меѓумурје, а остави значаен тренерски белег во хрватската лига на клупата на Вараждин и Славен Белупо.

Франсеск Сеск Фабрегас ќе биде новиот тренер на Интер.

Според новинарот Санти Ауна, Шпанецот ги договорил условите под кои ќе го преземе европскиот вицепрвак. Интер сега треба да се договори со Кома во врска со трансферот на младиот стручњак.

Фабрегас (38) беше првиот пик на Интер за наследник на Симоне Инзаги, кој го напушти „Џузепе Меца“ по дебаклот во финалето на Лигата на шампионите.

За Шпанецот, работата во Комо беше првиот тренерски ангажман во неговата кариера, а минатата сезона го освои десетто место во Серија А со амбиции да се бори за место во Европа.

Фабрегас во последните недели ги одби понудите да ги преземе Рома, односно Баер Леверкузен.

Фудбалските фанови особено го паметат Фабрегас како најмладиот капитен во историјата на Арсенал, во кариерата играше и за Барселона, Челзи и Монако.

Играчот на Реал Сосиедад, Мартин Зубименди, се огласи по повод сè поголемите шпекулации за неговата иднина, додека интересот од Арсенал и Реал Мадрид се засилува пред летниот трансфер период. 

26-годишниот фудбалер беше еден од клучните играчи во репрезентацијата на Шпанија која го освои Европското во 2024 година, што привлече внимание од врвни европски клубови.  

Арсенал покажува сериозен интерес за Зубименди, со цел да ја засили средната линија. Со оглед на тоа што Жоржињо и Томас Парти се во поодмината фаза од кариерата, Микел Артета бара долгорочно решение, а Зубименди е еден од главните кандидати. 

Сепак, шпанскиот репрезентативец останува воздржан во изјавите. „Фокусиран сум на моите обврски – најпрво со Шпанија, па потоа со мојот клуб,“ изјави тој. „Шпекулации секогаш ќе ѓи има, но нема да дозволам да ми одвлечат внимание.“   

Реал Мадрид, предводен од Чаби Алонсо, исто така покажува интерес. Алонсо претходно го тренираше Зубименди во Б тимот на Реал Сосиедад и сака повторно да работат заедно, овојпат на Сантијаго Бернабеу. 

Со реномето на клуб кој редовно се бори за Лигата на Шампионите и доместични трофеи, Реал има силна позиција доколку Зубименди реши да направи чекор напред. 

Како што се приближува летниот трансфер период, и Арсенал и Реал Мадрид се подготвени да го обезбедат неговиот потпис. Сепак, освен ако не дојде до промена во неговиот став, одлука околу иднината на Зубименди најверојатно ќе има дури по завршувањето на неговите репрезентативни обврски. 

Рајан Черки, високо оценетиот крилен играч на Лион, наводно постигна договор за лични услови со Манчестер Сити, отворајќи го патот за официјална трансфер понуда која се очекува во наредните неколку часа. Според познатиот специјалист за трансфери Фабрицио Романо, преговорите напредуваат добро, а 21-годишникот се очекува да се приклучи на англискиот гигант откако клубовите ќе ги завршат финалните преговори. 

Черки постигна 12 голови и забележа 20 асистенции во сите натпреварувања оваа сезона, со што се истакна како еден од најдобрите фудбалери на Лион. Неговите одлични настапи привлечкоа интерес од врвни европски клубови како Борусија Дортмунд и Манчестер Јунајтед. Сепак, со скоро договорени лични услови, Манчестер Сити излегоа како јасни фаворити. 

Главната пречка останува трансферната сума. Лион наводно бараат помеѓу 35 и 40 милиони евра за Черки, додека Сити се подготвуваат да ја поднесат првата официјална понуда. Извори сугерираат дека двата клуба се во напредни преговори и дека се очекува наскоро да постигнат договор. 

Черки, кој го продолжи договорот со Лион до 2026 година минатиот септември, сега е фокусиран на обезбедување трансфер во Премиер Лигата. Со договорените лични услови, сите очи се вперени во официјалната понуда и можното пристигнување на еден од најсветлите таленти во Франција на Етихад стадионот. 

Интер наводно го контактираше Сеск Фабрегас како можно решение за нов тренер по заминувањето на Симоне Инзаги. 38-годишниот Фабрегас, кој моментално го води новопромовираниот клуб Комо во Серија А, се истакна со тоа што го одведе тимот до солидно десетто место во првата сезона по враќањето во првата италијанска лига. 

Фабрегас, поранешен ѕвезден играч на Арсенал, Барселона и Челзи, се докажува како ветувачки тренер. Сепак, неговиот потенцијален трансфер во Интер е комплициран поради тоа што покрај тренерската функција, е и ко-сопственик на Комо заедно со Тијери Анри и групата Дјарум, што ѓи прави преговорите покомплексни. 

Интер сака брзо да го реши прашањето со новиот тренер пред почетокот на Светското клупско првенство, кој е закажан за 17 јуни, а крајниот рок за подготовка создава дополнителна итност. 

Заминувањето на Инзаги ја означува завршницата на четиригодишниот период во кој Интер освои шест трофеи – титула во Серија А, два Купа на Италија и три Суперкупа на Италија. Неговиот замин следи по болниот пораз од 5-0 од Пари Сен Жермен во финалето на Лигата на Шампионите, со што сезоната заврши разочарувачки и без трофеи.