Еден од приоритетите на Милан во летниот преоден рок ќе биде заслување на одбраната, а најново име на списокот на „росонерите“ е Рафаел Варан.

Варан ќе замине од Манчестер Јунајтед на крајот на сезоната како слободен агент. Интерес за Французиннот покажуваат неколку европски гиганти, како и клубовите од Саудиска Арабија.

Сега во трката за неговиот потпис се приклучи и Милан, кој веќе имал средба со неговиот агент.

„Росонерите“ му нудат двегодишен договор на искуниот Французин, кој е отворен за преселба во Серија А.

Капитенот на Манчестер јунајтед, Бруно Фернандеш би можел да направи трансфер ова лето.

Најконкретен интерес за Фернандеш покажува Баерн Минхен, кој веќе почнал да работи на трансферот.

Баерн Минхен имал разговори со агентот на Бруно Фернандеш, Мигуел Пињо и ја разгледува можноса да го доведе на „Алијанц Арена“.

Португацот истакна дека сака да остане во Јунајтед, но сака да освојува трофеи и важен му е следниот проект. Баварците се оптимисти дека ќе испратат понуда што фудбалерот нема да може да ја одбие.

Играчот од средниот ред на Реал Мадрид, Тони Крос проговори за фактот дека бројот осум, со кој настапуваше за Реал Мадрид, следната сезона ќе му припадне на Федерико Валверде.

„Следната сезона мојот број осум ќе биде слободен. Ќе ми биде голема чест да му го дадам мојот број на ова момче, Федерико Валверде“, изјави Крос за „Марка“.

Тони Крос ја заврши кариерата на клупски план во дресот на Реал Мадрид со настапот во финалето од ЛШ во Лондон, а останува да ги одигра последните натпревари во дресот на репрезентацијата на Германија на ЕП каде неговата земја е организатор, по што дефинитивно ќе заврши си професионалниот фудбал.

Баерн Минхен постигна начелен договор со дефанзивецот на Баер Леверкузен, Јонатан Та за евентуален трансфер на лето, пишува Флоријан Плетенберг.

Сепак, тоа не значи дека трансферот нужно ќе се случи. Интерес за 28-годишниот германски интернационалец има и од други клубови.

Во исто време, Баер Леверкузен е исто така многу заинтересиран да го задржи еден од нивните клучни играчи, чиј договор истекува за една година.

Легендата на Борусија Дортмунд, Марко Ројс речиси сигурно ќе ја продолжи кариерата во американската МЛС лига. Поранешниот германски репрезентативец е пред потпишување договор со Лос Анџелес Галакси.

Според Фабрицио Романо, американскиот клуб веќе упатил конкретна понуда до Ројс (35) офанзивниот играч за врска кој има опција за договор со еден од водечките тимови во Саудиска Арабија, но претпочита да замине во САД.

.

Ројс пред неколку недели објави дека ќе ја напушти Борусија како слободен играч. Неговиот последен натпревар со „жолто-црните“ беше загубеното финале во Лигата на шампиони (ЛШ) против Реал Мадрид (0-2). Минатата сезона Ројс настапи на 39 натпревари во сите конкуренции и постигна осум гола.

Бразилскиот напаѓач во екипата на Реал (М), Родриго најави дека нема намера да го напушти Реал Мадрид и покрај гласините за негово заминување од „Бернабеу“.

„Секако дека останувам во Реал Мадрид. Зошто да заминам? Останувам“, изјави Родриго по победничкото финале во Лигата на шампионите.

Претходно Бразилецот на прашање за Манчестер Сити рече дека тие се најдобриот тим во светот.

По ова стана јасно дека „граѓаните“ се заинтересирани за напаѓачот, но очигледно ова лето Родриго планира да остане во редовите на европскиот првак.

Крилниот напаѓач на Реал Мадрид, Винисиус Јуниор имаше 37 успешни дриблинзи во Лигата на шампионите 2023/2024 година.

Оваа бројка е рекорд за оваа сезона и ниту еден друг играч немал толку многу успешни обиди. Осум од тие дриблинзи беа во финалето на Лигата на шампионите против Борусија Дортмунд – најголем број на успешни дриблинзи во финале во Лигата на шампионите од сезоната 2014/15, кога Лионел Меси ги победи своите противници 10 пати на натпреварот помеѓу Барселона и Јувентус.

Винисиус му се приклучи на Реал Мадрид од Фламенго во јули 2018 година. Трансферот изнесуваше 45 милиони евра. Договорот на играчот со клубот е до летото 2027 година. Сезонава Винисиус одигра 39 натпревари, постигна 24 голови и 11 асистенции. Според информациите објавени на порталот Трансфермаркт, пазарната вредност на фудбалерот е 150 милиони евра.

Мајк Мењан е еден од најважните карики во Милан и се етаблираше во еден од најдобрите голмани во Европа.

За него силен интерес покажуваат Баерн Минхен и Манчестер Сити, кои нема да жалаат пари на лето да го доведат во своите редови.

Манчестер Сити во него гледа идеална замена за Едерсон, кој ова лето би можел да го напушти „Етихад“.

Меѓутоа, Милан ќе направи се за да го задржи 27-годишниот голман и веќе му спреми нов договор.

„Граѓаните“ наводно се спремни да понудат 80 милиони евра, сума која Милан тешко ќе може да ја одбие. Доколку се реализира тој трансфер Французинот ќе стане најскап голман во историјата.