feature

Ник Волтемаде по секоја цена сака во Баерн Минхен

Новата ѕвезда на германскиот фудбал, Ник Волтемаде, утрово ги отфрли понудите од Челзи и Наполи, тврди „Билд“. Напаѓачот на Штутгарт сака да се пресели само во Баерн Минхен ова лето.

Од Челзи и Наполи контактирале со претставниците на 23-годишниот голгетер, но тој бил категоричен во својата одлука. Волтемаде постигнал договор со Баварците претходно оваа недела. Тој се согласил на петгодишен договор со плата од околу 10 милиони евра по сезона.

Се очекува Баерн да започне преговори со Штутгарт во наредните денови. Информациите се дека тие ќе бидат тешки и долги. „Швабите“ сакаат 100 милиони евра за својата ѕвезда, додека Баварците се подготвени да дадат околу 40 милиони евра.

Ник Волтемаде веќе го информирал својот сегашен клуб дека сака да се пресели во Баерн сега. Тој ја отфрлил понудата за нов договор од Штутгарт.

Имобиле се врати во Серија, но не го одбра Милан – туку Болоња

Напаѓачот на Бешикташ, Чиро Имобиле, се враќа во Италија. Италијанецот се договори со Болоња, но договорот сè уште не е финализиран, бидејќи сè уште е под договор со истанбулскиот гигант.

Имобиле има договор со Бешикташ до јуни 2026 година и турскиот клуб сака да добие обештетување за трансферот на играчот во Болоња.

Во моментов се водат преговори за висината на обештетувањето што треба да го добие Бешикташ.

Самиот Имобиле веќе го договорил својот однос со Болоња, каде што ќе потпише договор за 2 милиони евра годишно. За споредба, играчот моментално добива годишна плата од 6 милиони евра во Бешикташ.

Мекларен слави двојна победа во Австрија

Ландо Норис ја освои Големата награда на Австрија со импресивен настап, оставајќи го зад себе својот колега Оскар Пјастри. Двајцата возачи на Мекларен доминираа во текот на целата трка и во ниту еден момент нивната победа не изгледаше загрозена. Конкуренцијата – предводена од Шарл Леклер и Луис Хамилтон – остана далеку зад нив и не успеа да се замеша во борбата за првото место.

Првиот сериозен инцидент се случи веднаш на стартот – Артуро Антонели и Макс Верстапен се судрија во третата кривина и ја завршија трката. Контактот меѓу двајцата доведе до излегување на безбедносното возило на патеката.

Карлос Саинц Јуниор исто така имаше проблеми и беше оставен во кругот за загревање поради дефект на менувачот. Откако стартуваше, автомобилот на Вилијамс се запали при влегувањето во боксот поради прегревање на задните сопирачки.

По денешната трка во Австрија во генералниот пласман води Оскар Пјастри со 216 бода пред Ландо Норис кој има 201, а Макс Верстапен е трет со 155 бода.

Марк Маркез победи на Мото ГП трката во Асен

Возачот на Дукати, Марк Маркез, триумфираше на Големата награда на Холандија, 10-та трка од овогодинешното Мото ГП првенство.

Осумкратниот светски шампион успеа да израмни три победи по ред за прв пат од 2019 година, а во Асен го забележа својот шести триумф во сезоната, а 94-ти во кариерата. Тој се најде и на највисокото скалило на подиумот во најсилната класата по 68-ми пат, што го израмни со Џакомо Агостини, а пред двајцата сега е само Валентино Роси со 89.

Најблиску до постариот Маркез беше Марко Бецеки на Априлија, шест десетинки зад него, додека другиот возач на Дукати, Франческо Бањаја, беше на третото скалило на подиумот.

Покрај борбата на самиот врв, 10-та трка во сезоната беше обележана и со падот на помладиот Маркез Алекс, по дуелот со Педро Акоста, во кој возачот на Гресини ја скрши раката.

Ривс одби астрономски договор од Лејкерси

Кошаркарот на Лос Анџелес Лејкерс, Остин Ривс, одби да го продолжи договорот со оваа франшиза за 90 милиони долари.

Раководството на Лејкерс не го очекуваше ова, но беа изненадени кога играчот за кој веруваа дека е сигурна опција, ја одби големата понуда за максимален договор.

Одличниот стрелец влегува во третата година од договорот вреден 54 милиони долари, кој го потпиша пред две години како заштитен слободен агент.

Тој има опција следното лето да излезе од договорот и да стане незаштитен слободен агент, а тогаш би можел да добие многу подобра понуда отколку оваа којашто му ја дадоа Лејкерс.

Лејкерс во овој момент не можат да понудат повеќе, па сè е извесно дека следното лето ќе дојде до разделба.

Можниот излез на Ривс на пазарот следното лето предизвика неговото име да се спомнува во трговски шпекулации. Сепак, Лејкерс никогаш не покажаа интерес да го разменат.

Монако се пофали со потписот на Пол Погба

По повеќегодишна пауза поради позитивен допинг тест, Пол Погба се враќа на теренот – потпиша двегодишен договор со Монако.

Последниот натпревар Погба го одигра пред речиси две години во дресот на Јувентус.

Монако беше неговиот прв клуб во француската лига.

Како што наведуваат француските медиуми, 32-годишниот ќе го носи бројот осум на дресот на “кнежевите”.

Французинот успешно го заврши лекарскиот преглед со членот на Лига 1, кој следната сезона ќе игра во Лигата на шампионите.

Бенфика сака да го врати Жоао Феликс

Бенфика и Челси се среќаваат оваа сабота во Шарлот за осминафиналето од Светското клупско првенство, но на дневен ред е и друга важна тема.

Со присуство на Руи Коста, претседател на „орлите“, во САД, темата Жоао Феликс сигурно ќе биде дел од преговорите, бидејќи желбата на Бенфика да го привлече играчот е позната, а сопственикот на неговите права е токму Челси.

Англичаните платија над 50 милиони евра на Атлетико Мадрид за да потпишат седумгодишен договор со португалскиот репрезентативец, но Жоао Феликс на крајот беше позајмен на Милан оваа сезона, што фрла сенка на сомнение врз неговата иднина.

Бенфика е подготвена да понуди амбициозна сума за да ги купи неговите права, достигнувајќи ја границата од 30 милиони евра, но проблем останува високата плата на фудбалерот, која е премногу висока за стандардите на „орлите“.

Синер отпушти двајца членови на својот тим

Јаник Синер направи неочекуван потег пред почетокот на Вимблдон, со одлуката да отпушти двајца клучни членови на својот тим.

Пред третиот Гренд слем турнир во сезоната, Синер се раздели со Марко Паники и Улисес Бадија, кои претходно работеа со Новак Ѓоковиќ.

Според информациите што ги објави италијанскиот „Кориере дела Сера“, пресудиле „долгите јазици“ и непочитувањето на правилата за однесување на медиумите.

Паники наводно често давал изјави без претходна согласност, што, според Италијанците, почнало да го привлекува вниманието на медиумите повеќе од самиот Синер, а слична замерка добил и Бадија.

Наводно се кулминирало по инцидентот што се случил за време на тренингот во Хале, каде што Бадија по еден облог му викнал на Синер: „Твој ред е да јадеш го..а“.

Иако сè било шега, ваквото однесување било неприфатливо за Италијанецот.

Паники и Бадија беа ангажирани минатата есен, откако нивните претходници беа вмешани во допинг скандалот, поради кој Синер се нагоди и мораше да паузира три месеци.

Синер официјално не се огласи во врска со целата ситуација. Синер ќе ја започне својата кампања на Вимблдон во вторник против сонародникот Лука Нарди.

Меси: Не уживав додека играв за ПСЖ

Лионел Меси зборуваше за периодот поминат во Пари Сен Жермен пред дуелот на Интер Мајами со актуелниот европски првак, на клупскиот Мундијал во Соединетите Американски Држави.

Меси играше за ПСЖ две сезони, од 2021 до 2023 година.

„Тоа беа годините во кои не уживав, не бев среќен во секојдневниот живот. Не беше добро време за мене. Не бев среќен ниту еден ден – ниту на тренинзите ниту на натпреварите. Ми беше многу тешко да се прилагодам“, рече Лионел Меси.

Аргетнинецот одигра вкупно 75 натпревари за Пари Сен Жермен во сите натпреварувања, постигна 32 гола и имаше 35 асистенции.

Натпреварот помеѓу Интер Мајами и ПСЖ се игра од 18 часот во Атланта.

Чахчаноглу побара од Интер трансфер во Галатасарај

Еден од најдобрите играчи на Интер, Хакан Чалханоглу побарал да биде ставен на трансфер листата.

„Ве молам, пуштете ме дома“, наводно им рекол на раководството на клубот турскиот репрезентативец, кој никогаш не играл за клуб од својата татковина. Чалханоглу сака да се пресели во Галатасарај.

Играчот од средниот ред ја започнал својата кариера во Карлсруе, потоа играл за ХСВ и Баер, а потоа за Милан и Интер, чиј член е од 2021 година.

„Дојдов во Интер бесплатно пред четири години и секогаш го давав својот максимум. Сакам да продолжам во Галатасарај и ве молам разберете ме. Пуштете ме дома“, им рекол на раководството на клубот.

Тој е под договор до крајот на сезоната 2026/27.

«< 259 260 261 262 263 >»