Иако пред неколку месеци беше најавувано дека Дубаи дефинитивно ќе биде дел од најдоброто европското кошаркарко натпреварување Евролигата, може да се случи пресврт.
Според сознанијата на шпанскиот кошаркарски портал „Енцестандо“, неколку гиганти од Евролигата се противат на идејата Дубаи да се приклучи на елитното натпреварување.
„Енцестандо“ пренесува дека Реал бил предводник на оние кои се против Дубаи да влезе во Евролигата. На нивна страна наводно биле и Фенербахче и Баерн.
Барса ги продолжи договорите со двајца клучни ракометари
Барселона потпиша нов договор со тренерот Ортега, успеаја долгорочно да ги „врзат“ и суперталентираните браќа Петар и Ѓорѓе Цикута, а во последните 48 часа паднаа уште два значајни потписа во Барселона.
Тимоти Нгесан во текот на вчерашниот ден потпиша нов договор со каталонскиот гигант, а денеска истото го стори и Јохан Карлсбогард.
Шведскиот репрезентативец имаше договор и за наредната сезона, но каталонците беа задоволни од неговите игри по транферот од Лемго, па тој денеска ја продолжи соработката и ќе остане член на Барса до 2028 година.
Влаховиќ искажа верност и најави дека ќе остане во Јуве
Напаѓачот Душан Влаховиќ призна дека не е ѕвезда од калибарот на Нејмар или Лионел Меси, но ги истакна своите цели за Јувентус поради извештаите за интерес од Челзи и Пари Сен Жермен.
24-годишниот српски репрезентативец продолжи да импресионира во Торино и покрај неговите борби и честата изолација во шемата на Масимилијано Алегри, постигнувајќи 16 гола во 28 натпревари во Серија А.
Влаховиќ има уште две години од актуелниот договор со Јувентус и се поврзува со потенцијален летен трансфер. Неговата иднина зависи и од тоа кој ќе го води гигантот од Торино следната сезона.
Во интервју за францускиот весник „Л’Екип“, Србинот зборуваше за битката на Јувентус за пласман во Лигата на шампионите следната година и за трофејот во турнирот во Купот на Италија, каде вечерва ќе ги одмери силите со Лацио во реваншот од полуфиналето на ова натпреварување.
„Би било одлично, се разбира, ако успееме во двата потфати, но не можеме да бидеме целосно задоволни. Таква е психологијата на клубот поради барањата на историјата. Имавме можност да се бориме за титулата.
Минатата сезона беше таква бидејќи не бев добар физички и имав потешкотии. Оваа година се чувствувам добро, тоа е единственото нешто што се промени, инаку правам се на ист начин. Работам напорно и концентриран на моето опоравување. Оваа сезона имам 17 гола, вклучувајќи го и Купот на Италија, но можев да направам многу подобро“, додаде напаѓачот.
Капело ги избра најдобрите фудбалери на сите времиња
Легендарниот тренер, Фабио Капело, зборувајќи за Ламине Јамал, младата ѕвезда на Барселона, се осврна на темата фудбалски генијалци и спомна неколку играчи.
Меѓу нив го нема Кристијано Роналдо. Запрашан дали Јамал може еден ден да биде нешто слично како Лео Меси во Барселона, италијанскиот тренер многу јасно објасни како стојат работите.
„Ламин е брилијантен и многу интересен но, нема да биде брилијантен како Меси, Пеле и Марадона. Тие беа генијалци”, вели Капело.
УЕФА дозволи поголем ростер за Европското првенство
Европската фудбалска унија (УЕФА) ќе им дозволи на селекторите во своите репрезентации за претстојното Европско првенство во Германија да повикаат 26 фудбалери, тројца повеќе од сегашниот лимит, објавија денеска британските медиуми.
Како што објави Скај, Националниот комитет за натпреварување на УЕФА на состанок одржан во понеделник одлучи да им дозволи на селекторите да доведат уште тројца играчи, по предлогот на некои селектори да се зголеми бројот на играчи поради згуснатиот натпреварувачки распоред оваа сезона и можните повреди.
УЕФА и на претходното Европско првенство во 2021 година, дозволи проширување на списокот играчи за ова натпреварување, по пандемијата на коронавирус, а како што објави Скај, се чини дека тоа отсега ќе стане норма за репрезентативните натпреварувања на УЕФА.
Одлуката сè уште не е официјално донесена, бидејќи мора да ја одобри Извршниот комитет на УЕФА, но според извештаите, се очекува тоа да биде формалност и да биде потврдено до крајот на оваа недела.
Европското првенство ќе се одржи од 14 јуни до 14 јули во Германија.
Чави се премисли, сака да остане на клупата на Барса
Чави Хернандез, е подготвен да остане на клупата на каталонскиот клуб до 2025 година, објави денеска весникот „Мундо Депортиво“.
Според изворот, Чави во блиска иднина ќе има средба со претседателот на Барселона, Жоан Лапорта и спортскиот директор Деко за да разговараат за можното продолжување на соработката.
Чави во на јануари објави дека ќе ја напушти Барселона на крајот од актуелната сезона.
Неговиот актуелен договор со клубот има важност до лето 2025. Самиот Чави во неколку наврати истакна дека ја донел единствената правилна одлука и нема да ја промени.
Тајланд сака трка во Формула 1 шампионатот
Тајланд сака да биде домаќин на трка во Формула 1, изјави тајландскиот премиер Срета Тависин, кој денеска оствари средба со шефот на Ф1, Стефано Доменикали.
„Тајланд има капацитет да биде домаќин на Формула 1 во Бангкок“, напиша шефот на владата на социјалната мреќа Икс, по разговорите во Бангкок.
„Ако го направиме тоа, сигурен сум дека нашата земја ќе остави неверојатни спомени за другите, бидејќи имаме добар потенцијал, капацитет и гостопримство“, наведе Тависин.
Владиниот портпарол, цитиран од локалните медиуми, рече дека трката би се организира низ улиците на стариот дел на Бангкок, познат по големиот сообраќаен метеж и проблемите со инфраструктурата.
Тајланд е домаќин на трка во Светскиот шампионат во Мото ГП која секоја година се одржува во Бурирам, сиромашен, рурален регион на повеќе од пет часа возење од главниот град.
Шпанецот Фернандез нов тренер на Бруклин
Екипата на Бруклин Нетс остана без место во плејофот, па и плејин фазата во оваа сезона и јасно е дека ќе има одредени промени во составот со тоа што веќе е решено најважното прашања, а тоа е тренерската позиција.
Жак Вон беше отпуштен на ол-стар паузата, па потоа екипита привремено до крајот на регуларниот дел беше водена од Кевин Оли. Денеска Бруклин го објави името на новиот предводниик кој доаѓа од Шпанија и неговото име е Жорди Фернандез.
Тој ќе биде првиот Шпанец тренер во најсилната лига на светот. Жорди веќе некое време работи во НБА или Џи-лигата, има искуство како асистент во Денвер Нагетс и Сакраменто Кингс од каде доаѓа во Нетс.
Воедно Фернандез е и селектор на Канада со која го освои бронзениот медал на СП кое минатата година се одржа во Индонезија, Филипини и Јапонија.
Педро Нето на листата на желби на Арсенал
Тренерот на фудбалерите на Арсенал, Микел Артета, не крие дека сака да го ангажира членот на Вулверхемптон, Педро Нето.
Португалецот кој игра како крилен напаѓач за премиер-лигашкиот клуб, има стандардно место и во неговата селекцијата. Кариерата ја започна во Брага, која го позајми во италијанскиот Лацио во летото во 2017.
По две сезони поминати на „чизмата“, тој замина во Англија и го облече дресот на „волците“.
Вујовиќ доби отказ од клупата на Нексе
Веселин Вујовиќ нема повеќе да го води хрватскиот прволигаш Нексе, тим кој го преземе пред два месеци од Бранко Тамше.
Поранешниот тренер на Вардар и екс македонски селектор не успеа да ја разбуди екипата, да ги донесе посакуваните резултати, па по ремито со Пореч во домашниот шампионат било одлучено да се заврши соработката со искусниот стратег.
Во овој период додека Вујо го водеше клубот од Нашице истиот беше елиминиран од РНЛ во Лига Европа, во првенството е на делба на второто место, а не треба да се заборави дека во овој период се случи и инциндетот со Загреб поради кој се очекува Вујовиќ да биде санкциониран.
Поради сите овие причини тој си заминува, неговото место ќе го заземе асистентот Крешо Иванковиќ.
