Еден од хероите на пласманот на Борусија Дортмунд во полуфиналето на Лигата на шампионите беше Јан Матсен.

Овој лев бек на вчерашниот натпревар против Атлетико Мадрид докажа дека е еден од најдобрите фудбалери на овој тим оваа сезона. Сепак, Челзи од каде што е на позајмица во германскиот клуб не се одлучил да го врати во своите редови.

“Секогаш мислев и верував дека ќе играм за Челзи. Од некои причини не успеав. Сепак, сега сум тука, ова е одлична можност за мене. Мислам дека одиграв многу добро и докажав дека можам да играм на највисоко ниво”, изјави Матсен.

Медиумите тврдат дека со оваа изјава тој веќе го „отпиша“ Челзи и самиот сега не би сакал да се врати во Лондон. Холанѓанецот кој има 22 години покрај Челзи настапуваше уште за Чарлтон, Ковентри и Барнли.

Инаку, неговиот договор со Челзи е до 2026 година, но има откупна клаузула од 40 милиони евра која може да ја плати Борусија Дортмунд…

За Себаљос повеќе нема место во Реал Мадрид и „кралевите“ му порачале дека на лето може да си бара нов клуб.

27-годишниот плејмејкер минатото лето одби неколку понуди со цел да се докаже дека вреди во тимот на Карло Анчелоти, но сега е разочаран и самиот сака да ја промени средината. Интерес за Себаљос покажуваат неколку клубови од Серија А, пред се Наполи, но и Милан и Јувентус.

Реал е спремен да го пушти за 15 милиони евра сума која се спремни да ја платат споменатите клубови.

Тимоти Чендлер го обнови договорот со германскиот Ајнтрахт до крајот на сезоната 2024/2025.

„Ајнтрахт е мојот дом, моето второ семејство. Едвај чекам следната сезона повторно да го носам орелот на градите“, изјави Чендлер.

Toj ги помина младинските категории пред да потпише за Нирнберг во 2010 година. По четири сезони, се врати во Ајнтрахт.

Манчестер Сити ќе се обиде да го ангажира играчот од средниот ред на Баерн Минхен, Џамал Мусиала во летниот преоден рок, пишува „Гардијан“.

Според изворот, главниот тренер на Сити, Пеп Гвардиола сака да види повеќе офанзивни играчи од средниот ред во тимот.

Toj во сезонава има 36 мечеви со ефект од 12 гола и 7 асистенции.

Во последно време во фудбалскиот свет се менуваат многу работи со цел грешките на судиите на теренот да се минимизираат.

Воведувањето на ВАР технологијата даде огромен придонес за регуларноста на овој спорт на највисоко ниво, но Фудбалскиот сојуз на Украина на чело со легендарниот Андриј Шевченко подготви револуционерен предлог. Имено, според италијанските медиуми, тој планира да воведе револуција и да ги испраќа судиите во украинската лига да се тестираат на полиграф.

Еднаш или двапати во текот на сезоната, судиите во Украина би биле пред детектор за лаги, а кој судија би го земал полиграфот би се избирал по случаен избор.

„Сакаме да знаеме кои судии се, а кои не се за оваа работа“, порача Шевченко во најавата.

Флоријан Вирц е најдобриот фудбалер во редовите на Баер Леверкузен кој зад себе има фантастична сезона во која ја освои Бундеслигата, но се уште е во игра и за трофеј во Купот каде што ги очекува финале, додека во Лигата на Европа се во четвртфиналето.

Сезонава Вирц постигна 17 голови и подели 18 асистенции и поради тоа очекувано е да има интерес од големите клубови. Извршниот директор на Леверкузен, Фернандо Каро потврди дека Вирц може да замине, но само ако некој клуб за него плати 150 милиони евра

„Ние сме клуб со помал буџет од Борусија Дортмунд и Баерн Минхен, немаме дополнителни приходи и спонзори. Поради тоа мораме да заработуваме и со продавање квалитетни фудбалери. Вирц е наш лидер и ако некој сака да го купи ќе мора да плати 150 милиони евра“, изјави директорот на германскиот клуб.

Милан е спремен ова лето да слушне понуди за Исмаил Бенасер, пренесуваат италијанските медиуми.

Бенасер одигра клучна улога во освојувањето на Скудетото пред две години, а минатата сезона беше еден од најдобрите и стави потпис на нов договор. Меѓутоа, оваа сезона отсуствуваше долго време и го загуби првотимскиот статус, па „росонерите“ се спремни да го продадат на лето.

За него интерес покажуваат клубовите од Премиер лигата и доколку некој понуди 50 милиони евра Милан е спремен да ја прифати понудата.

Џејдон Санчо има два услови да заигра одново во Манчестер Јунајтед по неговата позајмица во Борусија Дортмунд, пишуваат медиумите на Островот.

На почетокот на сезоната, интернационалецот ја влоши врската со менаџерот Ерик тен Хаг, а Холанѓанецот побара јавно извинување, кое така и не го доби.

Упатените велат дека односот меѓу двајцата е непоправлив и дека заминувањето на менаџерот е суштинско за потенцијалното враќање на Санчо. Ова е услов број еден.

Се вели дека Џејсон Вилкокс, кој се очекува да биде назначен за технички директор на Јунајтед, сака да му даде уште една шанса на фудбалерот. Неговото доаѓање на „Олд Трафорд“ е втор услов на офанзивниот фудбалер.

Двајцата се познаваат од нивното заедничко време во Манчестер Сити, чиј поранешен играч е Санчо.

Јувентус ќе мора да му плати на Роналдо околу десет милиони евра плус камата, бидејќи судот пресуди за долгуваната плата.

Да потсетиме, Португалецот побара од италијанскиот гигант да му исплати дури 19,9 милиони евра заостанати плати кои не ги добил за време на карантинот предизвикан од пандемијата на коронавирус.

Јувентус двапати ги намали платите за време на кризата со корона. Прво, во 2020 година им ги намали платите на сите играчи подеднакво за да заштеди пари бидејќи немаше приход од билети и натпревари, а потоа во 2021 година управата разговараше со секој играч поединечно за намалување на платата.

Во тој момент Роналдо заработуваше 31 милион евра нето годишна плата и се согласи да ја намали платата на речиси 20 милиони евра додека не заврши пандемијата. Јувентус никогаш не му ги платил тие пари, па се одлучил за оваа тужба.

Роналдо за Јувентус одигра 134 натпревари. Тој постигна 101 гол и забележа 22 асистенции од летото 2018 до летото 2021 година.