Македонската фудбалска репрезентација до 21 година на гостувањето во Црна Гора забележа уште еден пораз. Овој пат нашите надежи се совладани со 3:2.

Избраниците на селекторот Станиќ на полувремето водеа со 0:1 но во вториот дел домашните за релативно краток период постигнаа три гола. Ова е трет пораз на Македонија по стартните против Полска односно Италија, а имаме и еден триумф против Ерменија на домашен терен.

Првиот наш обид кон противничкиот гол беше на Меметриза Хамза, кој одлично шутираше со лева нога, но голманот Радановиќ интервенира. Корнерот кој што беше изведен потоа донесе водство. По краткото проигрување, токму Меметриза Хамза нафрли одлично, а Мелиќи на петерецот највисок, погодува во десниот агол на Радановиќ.

Домашните се обидоа на два пати, со удари од надвор од шеснаесетникот, но и со удар од непосредна близина, но Васко Василев во првиот дел одличен и сигурен.

Нашата најголема шанса за двојно водство пристигна по двојното проигрување на Дашмир Елези, кој од непосредна близина на голот на Радановиќ, убаво шутираше од прва, но црногорскиот голман овој пат на висина на задачата.

На спротивната пак страна Вуканиќ последен се закани, но по акцијата од лево и одличното проигрување за него, играчот на Будуќност шутираше над голот.

Во 54 минута Димитар Трајков се обиде од полудистанца со лева, но Радановиќ повторно сигурен. Нешто што не може да се каже за нашиот голман, Васко Василев, кој што 56. Минута на ударот на Вуканиќ од свртување ја одби топката во својот петерец, а таму налета „деветката“ Перишиќ и реализираше за 1-1.

По израмнувањето на домаќинот, Македонија повторно се обиде да дојде до водство и се префрли на домашната половина. Тоа му овозможи на домаќинот да има простор на нашата половина за контра напади, а еден таков им донесе и водство. Мрваљевиќ одлично поведе на нашата половина, додаде за Јуковиќ, а овој со финта се намести на десна нога и шутираше неодбранливо за 2-1.

Тоа се случи во 68. Минута, за да веќе во 73. Домаќинот има 3-1. Вуковиќ нафрли од десно, топката стигна токму до Мрваљевиќ, а овој со помош на еден од нашите играчи во кој што удри топката постигна гол за двојно водство на домашните.

Македонија од ова не успеа да се врати во игра иако имавме минимални шанси на крајот од мечот. Истите ни ги донесе Димитар Трајков кој постигна гол во судиското продолжение. Сепак, немавме сила за да се вратиме резултатски комплетно.

Репрезентацијата на Шведска, и покрај составот полн со ѕвезди, доживеа уште еден понижувачки пораз во во квалификациите за пласман на Светското првенство. Синоќа загубија од Косово во Гетеборг (0-1), а по поразот наводно кулминирале фрустрациите во соблекувалната.

Скандинавците се заглавени на дното од нивната квалификациска група за Светското првенство со само еден бод по четири одиграни натпревари, пишува „Дејли Меил“.

Иако можат да се пофалат со напаѓачко дуо вредно речиси 200 милиони евра, составено од Александар Исак и Виктор Ѓекереш, Швеѓаните постигнаа само два гола во целата кампања, а примија загрижувачки седум.

Нивната напаѓачка линија, составена исклучиво од играчи од Премиер лигата, повторно беше неефикасна во понеделникот вечерта, кога беа поразени дома од аутсајдерот Косово.

Голот на Фисник Аслани во првото полувреме беше доволен за победа на гостите, кои на тој начин ја комплетираа двојната победа над Шведска (првиот натпревар заврши 2-0) и сега се на второто место во групата.

Очекувано, тензиите ескалираа во шведскиот табор по катастрофалниот пораз.. Според шведските медиуми, крилниот напаѓач Ентони Еланга не можел да ги скрие своите фрустрации додека го напуштал теренот.

Селекторот Јон Дал Томасон е под зголемен притисок, пишува локалниот „СпортБладет“, и се верува дека голем број ѕвезди ја изгубиле довербата во 49-годишникот.

Голманот на Реал Мадрид, Тибо Куртоа, нема намера да го обнови актуелниот договор со клубот, објави „Ел Насионал“.

Договорот на Белгиецот е со важност до 2027 година. Според извор, по истекот на договорот, Куртоа може или да се пензионира од професионалниот фудбал или да потпише уште еден голем договор – веројатно со клуб од Саудиска Арабија. Се разгледува и враќање во Генк, каде што ја започна својата фудбалска кариера.

Претседателот на Реал Мадрид, Флорентино Перез , наводно го гледа Украинецот Андриј Лунин како водечки кандидат да ја преземе стартната позиција по заминувањето на Куртоа. Сепак, за да се постигне ова, Лунин мора да остане резерва додека не истече договорот на Белгиецот, и не е јасно дали ќе има трпение да чека за таа шанса.

Алтернативна опција за Реал Мадрид е Барт Вербруген од Брајтон. Скаут одделот на клубот веќе внимателно го следи холандскиот голман.

Лунин (26 години), сè уште не настапил за Реал Мадрид оваа сезона. Тибо Куртоа моментално има 33 години.

Македонската репрезентација до 17 години со убедлива победа од 9-0 над Гибралтар, на крајот го освои второто место во групата 2 и се пласираше во елтината фаза за пласман на ЕП, благодарение на подобрата гол разлика од Унгарија, која загуби убедливо од Чешка во последното коло од квалификациите кои се одиграа во Струмица и Турново.

Македонија денеска на стадионот во Турново беше доминантна над противникот, даде девет, а можеше разликата да биде и двоцифрена ако беа искористени уште неколкуте добри шанси. Серијата на голови почна во 23. минута кога Михајловски „сервира“ одлична топка до тројниот стрелец Папалиски, кој немаше проблеми да го совлада противничкиот голман. 11 минути подоцна во листата на стрелците се запишува и Љачка. Соло продор на Папалиски по левата страна кој додаде до Љачка, а овој од прва го совлада Бонфанте. До крајот на полувремето уште два гола. Најпрво во 41. минута Џангаровски асистира до Михајловски кој лесно ја спроведе топката во мрежата, а во претпоследната минута од полувремето Папалиски по центаршут од левата страна на Митревски, упати млак, но крајно прецизен удар за 0-4 на полувремето.

Во вториот дел стрелците беа уште порасположени за голови. Во 53. минута Цветковски „собра“ одбиена топка и го зголеми резултатот. Три минути подоцна Џангаровски најдобро се снајде во шеснаесетникот за шести гол во мрежата на Гибралтар. Во 61. минута пенал за Македонија откако голманот Бонфанте стартуваше над Џангаровски. Истиот играч го претвори во погодок. Папалиски го комплетираше „хет-трикот“ во 68. минута кога со удар од 20 метри го совлада противничкиот голман. Последниот гол беше во 89. минута дело на Мамути откако од десетина метри успеа да ги постави конечните 0-9.

Веќе во следната акција Македонија можеше да дојде и до десети гол, меѓутоа не реализираа акција во ситуација двајца осамени на голманот.

Крилото на Лион, Малик Фофана, привлекува внимание од најголемите клубови во Европа, а неговиот агент ги спомна Ливерпул, Манчестер Сити и Баерн Минхен како идеални дестинации за 20-годишниот белгиски талент. Импресивните настапи на Фофана оваа и минатата сезона го направија еден од најперспективните млади фудбалери во Европа, способен да се натпреварува на највисоко ниво. 

И покрај интересот од клубови од Премиер Лигата како Евертон и Фулам, тој одлучи да остане во Лион, приоритет давајќи на редовна минутажа и стабилен развој наместо брз трансфер. 

Баерн Минхен покажал сериозен интерес и се договорил за услови во летниот преоден рок, но барањето од 40 милиони евра од страна на Лион ја сопре трансакцијата. Големото почитување што клубот го има кон Фофана, заедно со неговата удобност во Лион, го задржаа во Франција засега. Следните сезони ќе бидат клучни за Фофана да го покаже својот квалитет и да обезбеди трансфер во некој од елитните европски клубови. 

Маркус Рашфорд го посочува нестабилното опкружување во Манчестер Јунајтед како главен причинител за своите последни потешкотии. Напаѓачот признава дека постојаните промени во клубот му отежнале да одржи конзистентни врвни перформанси. Неговите зборови ја откриваат тешката фаза во неговите последни сезони пред позајмицата. 

Откако Сер Алекс Фергусон замина, Јунајтед имаше бројни промени на менаџерските позиции и различни стратегии, што го попречуваше тимот да го најде својот јасен стил на игра. Рашфорд вели дека оваа нестабилност го принудила тимот постојано да се прилагодува, што влијаело на кохезијата и играта. 

Откако летово замина во Барселона на позајмица, Рашфорд ја врати својата форма. Под постабилен систем, тој даде значаен придонес со голови и асистенции и повторно ја почувствува радоста од играта. Овој позитивен пресврт го отвори прашањето за можен траен трансфер, бидејќи Рашфорд го прифати јасниот план и тактичкиот пристап на клубот, што го немаше на Олд Трафорд. 

Иако сѐ уште е под договор со Манчестер Јунајтед, неговите изјави укажуваат на намалена желба да се врати. Јасната порака е дека на клубот треба повеќе стабилност и единство за да постигне континуиран успех, а не само моменти на сјај. Неговата ситуација ја отсликува пошироката криза во клубот и отвора прашања за идниот правец на Јунајтед. 

Манчестер Јунајтед наводно го имаат за цел младиот фудбалер на Борусија Дортмунд, Џоуб Белингам, помладиот брат на ѕвездата на Реал Мадрид, Џуд Белингам, како дел од плановите за засилување на средината на теренот.  

Џоуб, кој ова лето го следеше примерот на својот брат и премина во Борусија Дортмунд, импресионираше скаути со своите настапи во Чемпионшип и беше прогласен за најдобар млад играч. Сепак, тој има потешкотии да добие редовна минутажа во Дортмунд, што создава шпекулации околу неговата иднина. 

Тренерот на Јунајтед, Рубен Аморим, смета дека физичките и техничките способности на Џоуб одлично се вклопуваат во неговиот тактички систем 3-4-2-1. Клубот сака да доведе универзален играч кој ќе донесе динамичност и флексибилност во тимот како дел од тековната реконструкција. 

Борбата за потписот на Белингам се очекува да биде жестока, со интерес и од Кристал Палас. Конкуренцијата од другите англиски клубови може да го отежни трансферот. Сепак, се очекува Манчестер Јунајтед да направи сериозен обид во наредниот трансфер период за да го обезбеди ова ветувачко име.