Стоперот на Атлетико Мадрид, Марио Хермосо нема да потпише нов
договор и ќе ги напушти „јорганџиите“ на крајот од сезоната.
Шпанскиот дефанзивец донел одлука да ги прекине сите преговори со Атлетико, кој исто така се откажа од него и Диего Симеоне прифати
да остане без него. Ова секако не е најдоброто решение за Атлетико,
Хермосо има 28 години и ќе си замине без обештетување, а воедно
беше и важен играч во одбраната во изминатите години.
Хермосо пристигна во Атлетико Мадрид во летото 2019 година од
Еспањол за 25 милиони евра, а интересно е што израсна во
академијата на Реал Мадрид.
Хермосо одигра 165 натпревари за Атлетико, постигна 10 гола и
забележа пет асистенции, учествуваше и во освојувањето на титулата
во 2021 година.

Голманот на Јувентус, Војчех Шчесни го пофали нивото на игра на 18-годишниот напаѓач на неговиот клуб Кенан Јилдиз.

„Би се обложил со секој дека Кенан Јилдиз ќе биде номиниран за Златната топка во следните пет години. Сум играл со многу играчи, но таков талент не сум видел. Сигурен сум дека ќе го добијам овој облог“, изјавил Шчесни за „Кориере дело спорт“.

Да потсетиме дека оваа сезона Јилдиз учествуваше на 30 натпревари од сите натпеварувања, на кои постигна пет гола и една асистенција. Актуелниот договор на играчот со клубот трае до летото 2027 година. Според информациите пазарната вредност на фудбалерот е 30 милиони евра.

Англискиот тренер Грем Потер според најавите би можел да биде нов тренер на холандскиот гигант Ајакс.

Медиумите во Холандија пренесуваат дека преговорите помеѓу двете страни се во напредна фаза и наскоро договорот би можел да биде постигнат. Потер на клупата на Ајакс би седнал следната сезона. Без ангажман Потер е повеќе од една година кога по лошите резултати доби отказ во Челзи.

Чекаше вистинска понуда Потер, а да се води четирикратниот европски шампион би можел да биде вистински предизвик за него. Во кариерата Потер во Англија беше тренер на Брајтон и Челзи, додека во Шведска направи одличен резултат откако Остерсунд од Шведска од втора лига го внесе во Лига Европа.

Се шпекулираше одреден период дека може да биде и нов селектор на Шведска, меѓутоа на крајот тоа не се реализираше.

Баерн Минхен минатата сезона успеа да се извлече и поради поразот на Борусија Дортмунд во последното коло ја освои 11-титула во низа во Бундеслигата. Но, сезонава едноставно немаа шанси против фантастичниот Леверкузен предводен од Чаби Алонсо.

За слабите резултати на Баерн според легендарниот Лотар Матеус најмногу е виновен Томас Тухел за кого Баерн веќе потврди дека заминува на крајот од сезоната. Матеус го критикуваше Тухел по вчерашниот пораз од Хајденхајм во кој Баерн имаше 2:0 на полувреме, а на крајот беше поразен со 3:2.

„Тухел повеќе не може да допре до тимот. Настапите на прес-конференциите му се чудни и верувам дека Баерн ќе реагира во следните 24-48 часа. Едноставно вака не може да се продолжи ниту до крајот на сезоната. На екипата и треба нов имплус кој Тухел не може да го понуди. Не знам кој би требало да го наследни, се споменуваат повеќе имиња, но само тргнете го него, тоа е најважно во овој момент“, изјави Матеус.

Сепак, не се очекува Баерн да го менува тренерот во овој момент бидејќи веќе во вторник тимот го чека првиот натпревар од двомечот против Баерн во Лигата на шампионите.

Борусија Дортмунд e заинтересирана за 24-годишниот крилен напаѓач Џејдон Санчо, које е на позајмица од Манчестер Јунајтед. Сепак од Борусија Дортмунд не се подготвени да ги платат 40-те милиони фунти (46,6 милиони евра) што ги побараа од Манчестер Јунајтед за англискиот фудбалер, објави „Скај Спорт Германија“.

И покрај неподготвеноста да плати толкава сума, Борусија не се откажува од надежта дека ќе го ангажира Санчо, кој пак се чувствува удобно во клубот од Дортмунд.

Да потсетиме, англискиот крилен напаѓач минатата зима се пресели во Борусија на позајмица до крајот на сезоната. Сезонава Санчо учествуваше на 14 натпревари во сите натпреварувања, на кои постигна два гола и две асистенции. Актуелниот договор на играчот со англискиот клуб трае до летото 2026 година. Пазарната вредност на фудбалерот е 25 милиони евра.

Напаѓачот Томас Милер испиша историја во Баерн Минхен. Легендарниот напаѓач го одигра својот 700-ти натпревар за клубот. Ова се случи при денешното гостување кај Хајденхајм.

Томас Милер го започна натпреварот како стартер, што е рекорд за фудбалерот на Баерн Минхен. Напаѓачот многу брзо би требало да го подобри вкупниот рекорд. Пред него е само легендарниот голман Сеп Мајер со 709 натпревари.

Милер дебитираше за Баварците пред 16 години. Досега има 239 гола и 265 асистенции.

Претстојното лето, Наполи има намера да му понуди на 23-годишниот крилен напаѓач Хвича Кварацхелија нов договор до 2028 година, со зголемување на неговата плата од 1,2 милиони евра на 4,5 милиони евра годишно.

Ова го објави новинарот Франческо Поласто, а според истиот, покрај зголемувањето на платата, новиот договор на Кварацхелија ќе вклучува и бонуси за учинок. Се нагласува дека Наполи сака да го направи грузискиот фудбалер нов херој на Неапол. Да потсетиме, оваа сезона Кварацхелија учествуваше на 38 натпревари на сите турнири, на кои постигна 10 гола и шест асистенции.

Актуелниот договор на играчот со клубот трае до летото 2027 година. Според информациите објавени на порталот Трансфермаркт, пазарната вредност на фудбалерот е 80 милиони евра.

Играчот на Реал Мадрид, Едуардо Камавинга веќе се етаблираше во еден од најдобрите фудбалери на „кралскиот“ клуб и ги освои сите можни трофеи.

Иако има само 21 години Французинот е еден од најдобрите играчи за врска во Европа и за него интерес покажуваат многу европски гиганти.

Најсилен интерес за него покажува Арсенал, а англиските медиуми пренесуваат дека „топџиите“ нема да жалаат пари да го доведат на „Емирати“. Имено, Камавинга е примарна трансфер цел на Артета и Арсенал е спремен на лето да понуди 110 милиони евра.

Реал не сака да го продаде својот „бисер“, но останува да се види како ќе реагира на ваква понуда.

Раководството на Барселона стапило во контакт со агентот на 21-годишниот централен играч за врска на оваа екипа, Педри за да разговараат за продолжување на договорот за соработка. Ова го објави „Мундо Депортиво“.

Според истиот извор, овој документ не е само предлог за продолжување на договорот, туку и изјава за намери во однос на фудбалерот, во кој каталонскиот клуб гледа еден од главните елементи на тимот.

Да потсетиме, сегашниот договор на Педри со Барселона истекува во летото 2026 година. Шпанскиот фудбалер за каталонскиот клуб настапува од 2019 година. Во овој период во сите натпреварувања учествуваше на 133 натпревари на кои постигна 18 гола и 12 асистенции. Според информациите објавени на порталот Трансфермаркт, пазарната вредност на фудбалерот е 80 милиони евра.

Реновирањето на стадионот „Сантијаго Бернабеу“ чинеше неспоредливо повеќе од планираното, објави угледниот шпански економист Хектор Мохедано. Мадриѓаните уште во 2017 година најавија дека планираат да го реновираат својот стадион, а тој требаше да биде отворен минатото лето. Сепак, сега рокот е поместен за следното лето. Наместо планираните трошоци од една милијарда евра, реновирањето ќе чини неверојатни 1,8 милијарди евра.

Стадионот доби подвижен покрив, големи семафори и терен кој може да се прилагоди за различни спортови – од фудбал до кошарка и тенис. На пример, на него можете да играте кошарка и тенис во исто време. Во рамките на реновирањето се изградени бројни продавници, кафулиња и хотел.

Реал истакна дека ова е стадионот на 21 век и пример за дигиталната иднина. Покрај сето ова, тревата може автоматски да се превиткува и вертикално да се реди во посебна комора сместена под површината на теренот, веднаш до најниското ниво на штандот.

Теренот на „Бернабеу“ во таа длабока комора ги има сите неопходни услови за да остане во совршена состојба; од системи за аерација и наводнување до третман со ултравиолетови зраци кои симулираат сонце. Особено привлечна е сцената на расклопување и склопување на стадионот. Стадионот има и видео екран од 360 степени.