Фудбалската федерација на Македонија (ФФМ) го спроведе годишниот семинар за доктори и физиотерапевти на тема „Ургентни состојби и траума во фудбалот“. Настанот го проследија тимските доктори и физиотерапевти од националните репрезентации, како и клупските доктори и физиотерапевти од Првата и Втората лига и од Првата женска фудбалска лига.

Организирана од Секторот за медицина и антидопинг и поддржана од УЕФА, медицинската работилница се одржа на 25 и 26 јануари 2025 година во хотел „Хилтон“ и истата имаше за цел да им ги презентира на тимските и клупските лекари и физиотерапевти најновите знаења и техники поврзани со ургентните медицински состојби во фудбалот.

Утринските сесии беа посветени на суштински теми и понудија теоретско знаење кое му е неопходно на секое медицинско лице за да биде добро подготвено да се справи со низа критични ситуации, вклучително и формулирање на акциони планови за итни случаи, спроведување на првични проценки на повредени играчи, решавање на инциденти со ненадеен срцев удар на теренот и практични демонстрации на процедури за итни случаи на теренот.

Предавањата од областа на трауматологијата ги држеа д-р Михајло Ивановски, д-р Александар Милески и д-р Небојша Настов, додека обуката за основно и напредно животно одржување и раната реанимација и брзата дефибрилација ја држеа д-р Азби Агуши и д-р Игор Неделковски. Брифинг за итни случаи на теренот даде и д-р Невзат Јонузи.

Во попладневните часови, учесниците имаа можност да се стекнат со практично искуство изведувајќи вежби на фантоми од медицинскиот симулациски центар.

Според шпанските медиуми, Стефан Бајчетиќ остатокот од сезоната ќе го игра како позајмен од Ливерпул во Лас Палмас.

Бајчетиќ во моментов игра на позајмица во Салцбург, но наводно Ливерпул ќе го повлече од таму и ќе го прати во Лас Палмас.

Причина за оваа промена е што шпанскиот фудбалер со српско потекло не е стандарден првотимец во Салцбург.

Покрај Лас Палмас, за него интерес имаше и од Хетафе.

20-годишниот Бајчетиќ кој потекнува од школата на Селта. Има настапи за селекцијата на Шпанија до 18 и 21 година.

Маркус Рашфорд е главна тема на трансфер пазарот оваа сезона, а сега во трката за неговиот потпис се приклучи Јувентус.

На почетокот на месецот неколку од големите клубови на Стариот континент изразија желба да го привлечат напаѓачот, но со текот на времето секој од нив испадна од трката за неговиот потпис.

Еден од главните проблеми е високата плата на играчот и неподготвеноста на Манчестер Јунајтед да го пушти во друга екипа, но во исто време да плаќа 50% од неговата плата.

Со оглед на фактот дека Рашфорд е исфрлен од тимот, Јувентус ќе се обиде да ја искористи ситуацијата и сака да го доведе на позајмица до крајот на сезоната.

Фудбалерите на Баер Леверкузен ќе се обидат да ја надополнат негативата од шест бода и да ја одбранат шампионската титула против големиот Баерн Минхен во преостанатиот дел од сезоната.

Така челниците на клубот од „Бај арената“ тргнаа да најдат засилување, а прв што го најдоа е Емилијано Буендиа, кој до крајот на сезоната пристигна од Астон Вила на позајмица.

Аргентинецот не игра добро оваа сезона под водство на Унаи Емери.

Одигра 20 натпревари и постигна 3 гола, но во повеќето натпревари шансата ја добиваше од клупата за резерви.

Саудискиот клуб Ал-Наср успеа да го „украде“ колумбискиот напаѓач на Астон Вила, Џон Дуран пред носот на европските гиганти.

Дуран во моментов е еден од најбараните напаѓачи во светот и за него се интересираа многу европски гиганти.

Совети од нутриционист: Вистината за исхраната! Што е најдобро за вашето здравје? ↓↓↓

Колумбуецот сепак се согласи да се пресели кај својот идол Кристиано Роналдо и ќе потпише 5,5 годишен договор со Ал Наср.

Астон Вила ја прифати понудата и вкупно со бонуси ќе инкасира 90 милиони евра за неговата слобода.

Откако стана јасно дека за Душан Влаховиќ нема иднина во дресот на Јувентус, тимот од Торино се пушти во наоѓање на негова замена.

Беше објавено дека српскиот напаѓач ќе го напушти клубот ако не го продолжи договорот, кој истекува летото 2026 година.

„Газета“ објави дека фаворит на спортскиот директор на Јувентус, Кристијано Џунтоли е Виктор Осимен. Тој во моментов игра во Галатасарај како позајмен.

Исто така Тиаго Мота сака потпис на Џошуа Зиркзе кој во моментов е дел од Манечстер Јунајтед, и со него соработуваше во Болоња.

Независна комисија ја разгледа жалбата на Арсенал и ја укина суспензијата од три натпревари на неговиот играчот Мајлс Луис-Скели, кој беше исклучен во натпреварот од 23. коло од англиското првенство со Вулверхемптон (1-0).

Судијата Мајкл Оливер по грешка му покажа црвен картон на фудбалерот. Видео судијата (ВАР) Дарен Ингланд не се обиде да ја поправи грешката и не интервенираше. Фудбалерите на Арсенал залудно протестираа кај судијата.

Луис-Скели направи прекршок за опомена, а не за црвен картон. Одлуката на Оливер доведе до огромен скандал. Во медиумите се потенцираат симпатиите на Оливер кон Њукасл, со кого Арсенал ќе игра во Лига купот на 5 февруари, како и статистиката на натпреварите на „Топџиите“, на кои овој судија често им исклучува фудбалери.

Ова не е прв пат оваа сезона судиската одлука за црвен картон да биде прогласена за неточна и да се поништи исклучувањето. Есента, капитенот на Манчестер јунајтед, Бруно Фернандеш, кој беше исклучен на натпреварот против Тотенхем, избегна суспензија. Исто така фудбалерот на Брентфорд, Кристијан Ноергард, кој доби црвен картон на натпреварот против Евертон, подоцна беше ослободен од суспензија.