Мамс Тејлор, промоторот на организацијата „Мисфитс бокс“ најави пресметка во рингот меѓу Златан Ибрахимовиќ и Вејн Руни.

Веќе некое време се шпекулира дека Златан би можел да се испроба во боксот, а сега стигна и потврдата.

„Разговарав со Златан за борбата. Јас сум добар пријател со неговиот менаџер и ние тројца разговаравме на ова тема. Беше многу интересно бидејќи Златан гледаше многу борби во нашата организација и знае за што се работи. Тој би бил одличен боксер“, рече Тејлор, а потоа го откри името на ривалот:

„Како што стојат работите, противник на Златан ќе биде Руни. Имаше разговори за тоа и мислам дека е само прашање на време. Има и други имиња, но тие не се толку големи како овие двајца”.

Засега не се знае кога советникот во Милан и тренерот на Плимут би можеле да си ги одмерат силите. Руни е познат како голем љубител на боксот, но засега не се огласил по повод можната борба.

Двајцата играа заедно во Манчестер Јунајтед каде ја освоија Лига Европа, Лига Купот и Комјунити Шилд.

Тибо Куртоа може да ја продолжи кариерата во ПСЖ. Раководството на парискиот клуб е незадоволно од настапот на голманот Џанлуиџи Донарума и бара посигурен голман. Исто така, ПСЖ сака да му се одмазди на Реал за трансферот на Килијан Мбапе, па клубот се надева дека ќе го привлече 32-годишниот Белгиец за да го ослабне мадридскиот клуб.

Мбапе се пресели во Реал Мадрид во летото 2024 година како слободен играч.

Сезонава Куртоа одигра 12 натпревари, на кои прими 10 гола, а четири ја зачува мрежата чиста.

Договорот на голманот со Реал е до летото 2026 година.

Откако Ханси Флик седна на клупата на Барса, Роберт Левандовски се разгоропади. Полскиот напаѓач оваа сезона речиси на секој меч ја покажува сета своја класа, дава голови како од шега.

Инаку не е тајна дека тој е најплатениот фудбалер во Ла Лига, годишно зема 33 милиони евра бруто, а договорот му истекува во јуни 2026 година.

Левандовски знае за интересот на Барса за Ерлинг Халанд, па така по враќањето од Белград, каде каталонците ја декласираа Ц. Звезда во 4.коло во ЛШ, тој контактирал со Хоан Лапорта и буквално му рекол дека е спремен за преговори со Барса за нов договор и тоа за далеку помала плата, поточно ќе прифати било каква понуда од првиот човек на каталонска гордост.

Ова секако дека ќе наиде на воодушевување кај фановите на Барса.

Фудбалерот на Барселона, Френки де Јонг, се враќа во составот на Холандија за последните два натпревари на „лалињата“ во групната фаза на Лигата на нациите. Ова доаѓа по 433 дена, откако играчот на каталонскиот клуб се рехабилитираше од сериозна повреда, поради која го пропушти и Европското првенство.

Селекторот Роналд Куман денеска ги објави повиканите играчи кои ќе се соочат со Унгарија на 16 ноември и Босна и Херцеговина три дена подоцна. Крилото на ПСВ Ајндховен, Ноа Ланг, и дефанзивецот на Ајакс, Девајн Ренш, исто така се враќаат во националниот тим.

Напаѓачот на Коринтијанс, Мемфис Депај, не е повикан во составот. Поради повреди, исто така, не се повикани Чави Симонс, Џои Ферман, Јерди Шаутен, како и Нејтан Аке, Јан Матсен и Гус Тил.

Холандија има само теоретски шанси за првото место во групата, бидејќи на фаворитот Германија му е потребен само еден бод за да го обезбеди. „Лалињата“ имаат ист број бодови со Унгарија и ќе се борат за второто место, кое носи право за пласман во четвртфиналето.

Србија и Албанија ќе го организираат Европското првенство за играчи до 21 година, потврди генералниот секретар на Фудбалскиот сојуз на Србија, Бранко Радујко.

Овие две земји останаа единствени кандидати по повлекувањето на Белгија и Турција. Поради ова, се очекува УЕФА да ја одобри нивната кандидатура за континенталниот турнир кој ќе се одржи во 2027 година, што беше потврдено и од Радујко.

„Најверојатно, поголемиот дел од турнирот ќе се одржи во нашата земја. Конечната одлука ќе биде позната во декември. Оптимисти сме во врска со ова“, изјави Радујко.

Менаџерот на Арсенал, Микел Артета го имаше својот редовен брифинг пред колото во Премиер лигата. „Топчиите“ се во серија од два порази во сите натпреварувања по поразите од Бурнемаут во Премиер лигата и Интер во Лигата на шампионите. Тимот ќе се соочи со Челзи во клучна пресметка за двата тима.

„Во моментов немам поим за Деклан Рајс. Тој не тренираше и ќе видиме дали ќе можеме да го искористиме против Челзи викендов“, изјави Артета.

Каи Хаверц и Микел Мерино имаат мали физички проблеми по пресметката во Лигата на шампионите, тврди шпанскиот тренер. Тирни, Калафиори и Томијасу се надвор од теренот, а Стерлинг не може да игра против својот поранешен клуб бидејќи тоа е договорот за позајмица помеѓу двата тима. Мартин Одегард се врати по порвредата и ќе даде се од себе за да го започне натпреварот. Деклан Рајс останува неизвесен за настап на оваа средба.

Претседателот на Фудбалската федерација на Македонија (ФФМ), Мухамед Сејдини, заедно со потпретседателот Лазар Ракиџиев, а во соработка со Општина Кичево и градоначалникот Фатмир Деари, официјално го означи почетокот на изградбата на новата трибина на стадионот на Влазерими во Кичево.

Проектот предвидува модерна трибина со капацитет од околу 1.500 седишта, која ќе ги задоволи меѓународните стандарди и ќе овозможи простори под трибината, како што се соблекувални, канцеларии за службени лица и други потребни простории. Заедно со веќе изграденото помошно игралиште со вештачка трева, оваа инвестиција ќе ја претвори оваа област во вистински фудбалски комплекс кој ќе придонесе за развојот на спортот во регионот.

Инвестицијата, со вкупна вредност од околу 1,3 милиони евра, е обезбедена преку програмите на Европсската фудбалска унија (УЕФА) – „Хет-трик“.

Претседателот Сејдини се заблагодари на градоначалникот Деари и општинската администрација за поддршката и навременото подготвување на документацијата, што значително придонесе за започнување на реализацијата на овој значаен проект.

Николас Отаменди веројатно ќе ја напушти Бенфика во јануарскиот преоден рок и покрај тоа што иа договор со клубот до крајот на сезоната.

Отаменди е капитен незаменлив член на стартната постава на Бенфика, но во зимскиот преоден рок ќе го смени клубот и ќе се врати во родната Аргентина.

Тој ќе игра за Ривер Плата, како што објави новинарот Ренцо Пантиќ.

Отаменди е во Бенфика од 2020 година, а претходно играше за Велез Сарсфилд, Порто, Валенсија, Атлетико Минеиро и Манчестер Сити.

За аргентинската репрезентација одигра дури 121 натпревар и постигна седум гола. Стана Светски првак во 2022 и ја освои Копа Америка една година подоцна.

Германската фудбалска репрезентација веројатно ќе остане без услугите на еден од најталентираните фудбалери во земјата, бидејќи тој размислува да прифати повик од земјата во која е роден.

Се работи за големиот талент на Баерн Минхен, 18-годишниот Паул Ванер, кој сезонава игра одлично на заем во редовите на Хајденхајм, а кој бил во плановите на селекторот Јулијан Нагелсман.

Нагелсман решил да му испрати прв повик на Ванер за претстојните натпревари во Лигата на нации, но фудбалерот ја шокирал федерацијата со повратна информација дека не ја прифаќа поканата за настап во националниот тим.

Медиумите шпекулираат дека Ванер сака да настапува за Австрија, но барем засега никој не може да потврди какви се плановите на фудбалерот кој се очекува да има важно место во редовите на Баерн наредните години.

Фудбалерот засега дипломатски го одложува решението со инсистирање да остане дел од У-21 репрезентацијата на Германија, со што си купува време за да ја соопшти конечната одлука.