Аморим не смета на Зиркзе, Јуве го сака уште во јануари
Новиот менаџер на Манчестер Јунајтед, Рубен Аморим ќе се ослободи од напаѓачот Џошуа Зиркзе, тврди „Тутоспорт“.
Зиркзе пристигна од Болоња за околу 37 милиони фунти на крајот на летото и потпиша договор за 5 сезони.
На 11 натпревари постигна само еден гол, а најчесто влегува од клупата за резерви.
Италијанското издание додава дека „црвените ѓаволи“ се подготвени да се разделат со играчот веќе во јануари и чекаат понуди за него.
Се верува дека Јувентус размислува за опција да го доведе, можеби на позајмица, но во секој случај изгледа дека играчот нема иднина на „Олд Трафорд“.
Завршен тренинг камп за македонските тениски репрезентативци
Во деновите од викендот на терените на ТК МТП беше одржан завршниот тренинг камп за македонските репрезентативци во младинските категории кај момчињата и девојчињата. Ова беше убава можност за сите на едно место за дружба, тениска игра и пред се активности од забавен карактер да ја заокружат 2024 година.
Главни учесници беа тенисерите и тенисеките на возраст од 12 години, 14 години, 16 години и 18 години и низ размена на искуство се одржа овој камп што беше во организација на јуниорскиот капитен Круно Деспотовски, како и заменикот јуниорски капитен Тања Стојановска.
Тен Хаг фаворит од сенката за клупата на Рома
Рома е во потрага по нов тренер по отказот на Иван Јуриќ. Според „Кориере дело Спорт“, раководството на Рома покажува интерес за холандскиот стручњак Ерик тен Хаг, кој го напушти англискиот Манчестер Јунајтед.
Манчестер Јунајтед ја објави оставката на Ден Хег на 28 октомври. Да потсетиме, Тен Хаг дојде на клупата на Манчестер Јунајтед во април 2022 година. Под негово водство, тимот го освои Лига Купот во 2023 година и ФА Купот во 2024 година.
Минатото лето Холанѓанецот го продолжи договорот со Манчестер Јунајтед до 2026 година. Но, клубот имаше крајно неуспешен старт на новата сезона – Манчестер Јунајтед беше на 14-то место во табелата во Премиер лигата во моментот на отпуштањето на тренерот.
Рома е во моментов во потрага по ново тренерско име, а неколку варијанти се во игра.
Министерството за спорт им ја одзеде лиценцата на два женски ракометни клуба
Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта што значи почитување на спортските правила
Во врска со последните случувања во ракометниот Куп на Македонија во женска конкуренција, по одигрувањето на Женската ракометна лига за сезоната 2024/2025 и појавата на неспортско однесување од страна на ЖРК Гевгелија и ЖРК Скопје на Куп натпреварот во групната фаза, Ракометната федерација на Македонија, по спроведена дисциплинска постапка, констатираше активности од страна на двете екипи кои се спротивни на начелото на фер-плеј, предизвикувајќи нарушување на спортскиот дух, спортскиот интегритет и витештво што е во целосна спротивност со Кодексот на ракометните клубови при РФМ и спротивно на Олимписката повелба.
Истото резултираше со исклучување на двете екипи од Ракометната федерација на Македонија и изрекување мерки на суспензија за повиканите официјални лица.
По изрекувањето на овие мерки од страна на РФМ, Министерството за спорт, во законска постапка, им ги поништи решенијата за дејност спорт на ЖРК Гевгелија и ЖРК Скопје со што тие повеќе немаат легитимитет да настапуваат во националниот систем на натпревари во македонскиот ракомет.
Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта што значи почитување на спортските правила кои се резултат на меѓународни консензуси во дејноста спорт и секогаш да бидат подготвени да го сочуваат спортскиот дигнитет, зашто преку спортот, како општо препознатлива вредност, покрај останатите придобивки, се претставува и афирмира македонскиот спорт во меѓународни рамки и се јакне националната свест, стои во заедничкото соопштение на РФМ и Министерството за спорт.
Упамекано добива нов договор во Минхен
Раководството на Баерн Минхен сака да го обнови договорот со дефанзивецот Дајо Упамекано. 26-годишниот фудбалер е клучен дел од тимот на Винсент Компани од почетокот на сезоната, а Белгиецот е многу задоволен од неговиот настап.
Актуелниот договор на францускиот репрезентативец истекува во летото 2026 година. Баварците веќе ги известиле претставниците на Упамекано, а се очекува во наредните недели да започнат официјални преговори за нов договор.
Изминатото лето, иднината на Упамекано на „Алијанц Арената“ беше доведена во прашање. Сепак, тој му се допаѓа на Компани, бидејќи Белгиецот многу сака да го има во својот тим.
Дајо Упамекано дојде во Баерн во летото 2021 година од РБ Лајпциг за нешто повеќе од 40 милиони евра. За Баварците има 129 настапи, постигна 4 гола и 8 асистенции.
Младиот Темов учесник на турнирот до 12 години на Академијата Рафаел Надал
Младиот македонски тенисер Андреј Темов претстојува во Мајорка, Шпанија во Академијата Рафаел Надал на тенискиот фестивал за тенисери до 12 години. Темов доби покана од организаторот и од Tennis Europe да биде дел од тенискиот фестивал за крај на годината. Поканата од организаторот ја доби врз основа на постигнатите резултати.
Како дел од тенискиот фестивал ќе се одржува и турнир за играчи до 12 години, на кој настапуваат најуспешните во оваа возрасна категорија. Вкупниот број на тенисери и тенисерки е по 32 во секоја конкуренција од вкупно 23 држави. Претстојот во Мајорка ќе биде големо искуство за малиот Андреј особено што покрај мечевите, ќе има можност и за тренинзи.
Заедно со Андреј во Мајорка е и неговиот тренер Владимир Чубриноски.
Пуштени билетите за кошаркарскиот спектакл Македонија – Литванија
Македонската сениорска машка репрезентација има уште една шанса да напише уште една страница од историската книга на успеси, пред себе ќе го има својот добро познат ривал, некогашниот организатор на Евробаскетот во 2011 година, и поранешен европски шампион.
На 21. оември, од 18:00 часот, во салата на СРЦ „Кале“ во Скопје, Македонија ја пречекува селекцијата на Литванија, во третото коло од групата Х од квалификациите за Евробаскетот 2025.
Продажбата на влезниците за овој кошаркарски спектакл, кои се по симболична, и достапна цена за сите љубители на кошаркарскиот спорт, ќе се одвива преку онлајн сервисот на „МКТикетс“.
Мурињо го враќа Талиска во турската Суперлига?
Тренерот на Фенербахче, Жозе Мурињо сака да го засили својот тим со напаѓачот на Ал-Насер, Андерсон Талиска, пишува новинарот Руди Галети. Бразилецот е подготвен за нов предизвик и е би сакал да направи трансфер.
Ал-Насер исто така не е против да го продаде 30-годишниот фудбалер,затоа двата клуба се очекува да започнат преговори за трансферот во наредните недели. За Талиска летото беше заинтересиран Фенербахче, но тогаш не беше постигнат договор.
Напаѓачот веќе има искуство во турскиот шампионат, каде беше дел од Бешикташ. Талиска е дел од Ал-Насер од летото 2021 година. Во оваа сезона одигра 17 натпревари на кои постигна 8 голови.
Стојановска и Шевченко беа дел од Регионалната тениска конференција на Кипар
Изминатиов период во организација Tennis Europe и ITF се одржа Регионална конференција на тренери во Аја Напа на Кипар. На Конференцијата присуствува и активни беа повеќе од 100 тренери од 30 држави од Европа, а македонски претставници беа Горан Шевченко, спортски дирeктор и Тања Стојановска, помошник јуниорски капитен.
Шевченко беше на покана на организаторите Tennis Europe и ITF и имаше излагања на две теми. Првата беше развојот и активностите во македонскиот тенис, во изминатиов период и активности кои следуваат, додека втората тема беше работа со тенисерки под 14 години, кои се меѓу најдобрите во својата генерација. Стојановска имаше десетминутно излагање на тема тениски фестивал.
На Конференцијата се обратија и Маркос Багдатис од Кипар и Ернест Гулбис од Летонија, двајцата тенисери кои во својата професионална кариера беа во ТОП 10. Багдатис беше финалист на Австралија Опен 2006, додека Гулбис играше во полуфиналето на Ролан Гарос 2014. Двајцата зборуваа за својот развоен пат, од почетоците, па до професионалната кариера. Конференцијата беше успешно организирана, а присутните меѓудруго разменија искуства од своите држави со цел напредок на младите тенисери во двете категории.
Парагвајците забранија дресови на Меси на трибините во Асунсион
За дуелот помеѓу репрезентацијата на Парагвај и Аргентина за навивачите ќе важат некои нови правила.
Парагвај во четврток ќе ја пречека Аргентина, во дуелот од 11. коло од квалификациите за СП 2026 година. Иако натпреварите меѓу Парагвај и Аргентина историски не се од оние што носат инциденти од секаков вид, домаќините решија нивната репрезентација да има максимална поддршка.
„Секој што носи дрес со името на Лионел Меси нема да може да влезе на стадионот“, јасно порача спортскиот директор на Парагвајскиот фудбалски сојуз, Фернандо Виласбоа.
„Навивачите кои доаѓаат во дресовите на Аргентина, Барселона или Интер Мајами, или кој било дрес со името на Меси, нема да смеат да влезат на стадионот“, рече Виласбоа.
„Никој нема да смее да го носи дресот на Аргентина, аргентинските клубови или дресови со имиња на играчи од други земји. Сакаме да го исполниме стадионот со парагвајски навивачи за играчите да ја видат и почувствуваат поддршката од трибините. Сите сме дел од истата игра, секој на свој начин“, додаде тој.
ФС Парагвај додава дека дополнителна причина за правилото „анти-Меси“ е безбедноста во и околу стадионот.
Непишаното правило „анти-Меси“ не е голема вест. Пред дуелот со Бразил важеше правилото „анти-Винициус“.
Тогаш на навивачите им беше забрането да доаѓаат облечени во Бразил, Реал Мадрид и какви било дресови со името на Винисиус.
Аргентина е прва на табелата со 22 бода, три повеќе од Колумбија. Парагвај е на шестото место.
