feature

Селекторот на Германија пред ангажман во јапонската кошарка

Гордон Херберт, канадскиот тернер со финско потекло последните
три години ги мина на селекторското место во германската
кошаркарска репрезентација носејќи и голем успех на оваа европска
држава предводејќи ја до златниот медал на последното Светско
првенство кое се одржа во Јапонија, Филипини и Индонезија.
И покрај големиот успех неговиот ангажман како селектор сепак
завршува по престојните Олимписки игри во Париз.
Херберт и германската федерација се разделуваат на пријателски
начин бидејќи тренерот цели кон нов предизвик во кариерата –
превземање на клуб и тоа изненадувачки.
Според информациите на добро упатениот новинар на „Баскет Њуз“,
Донатас Урбонас, Херберт ќе го превземе јапонскиот клуб Чиба Џетс со повеќегодишен договор.

Арсенал спремен да испрати понуда за Бенџамин Шешко

Тренерот на Арсенал, Микел Артета, ќе инсистира кај челниците на тимот да го ангажираат напаѓачот на Лајпциг, Бенџамин Шешко, велат последните информации од Англија.

Иако „топчиите“ беа заинтересирани за Иван Тони од Брентфорд, сега ќе имаат друга трансферна цел во текот на летото.

Шешко беше поврзуван и со Челзи, Манчестер Јунајтед и Милан. Сепак, Арсенал е најблиску до неговиот потпис.

Баерн се предомисли и го сака Тухел на клупата и следната сезона

Раководството на Баерн Минхен пред два месеци донесе одлука да се
раздели со Томас Тухел на крајот на сезоната, но имаше големи
потешкотии да најде нов тренер.
Откако Баварците добија „корпа“ од Чаби Алонсо, Ралф Рангник и
Јулијан Нагелсман, се чини дека сега најголеми шанси има
актуелниот тренер, Томас Тухел. Во клубот почнаа да размислуваат за
продолжување на соработката со Тухел и покрај тоа што претходно
му соопштија дека во јуни ќе се разделат.
Германските медиуми денеска објавија дека под притисок на голем
број на фудбалери меѓу кои и Милер, Кејн и Нојер, спортските
директори на клубот Макс Еберл и Кристоф Фројнд го смениле ставот
и денес имале средба со агентот на Тухел.
Последните информации се дека двете страни постигнале договор за
продолжување на соработката и Тухел сигурно останува во Баерн
Минхен.

Само капитените ќе може да разговараат со судиите во иднина

Извршниот директор за судење на УЕФА, Италијанецот Роберто Росети, најави дека на претстојното Европско првенство во Германија, судиите ќе им ги објаснуваат сите клучни одлуки на капитените на националните тимови.

„Идејата е едноставна, бараме сите тимови да се погрижат нивниот капитен да биде единствениот играч кој разговара со судијата. Ги замолуваме капитените да се погрижат нивните соиграчи да не го напаѓаат или опкружуваат судијата, овозможувајќи директни разговори за навремено и со почит да се пренесе одлуката“, наведе Росети во отворено писмо објавено денеска на официјалниот сајт на УЕФА

Росети истакна дека невозможно е судиите да му ја објаснат одлуката на секој од 22-та играчи на теренот, сугерирајќи дека капитените треба да бидат единствените играчи кои ќе зборуваат со судијата.

„Да се биде судија во модерната игра е многу тешко. Судијата носи помеѓу 200 и 250 одлуки по натпревар, тоа е една на секои 22 секунди, понекогаш во тешки и контроверзни ситуации, под огромен притисок, и секоја од нив е внимателно проучувана и гледана повторно и повторно од многу различни агли и од навивачите и од експертите“, наведе Росети.

Франција очекува голем профит од Олимписките игри во Париз

Олимписките и Параолимписките игри треба да генерираат економски придобивки во износ меѓу 6,7 и 11,1 милијарди евра за Париз и регионот Ил де Франс.

Ова го пресметаа Меѓународниот олимписки комитет (ИОК) и Организацискиот комитет на игрите во Париз во студија која денеска ја објави Центарот за право и спортска економија (ЦДЕС). Студијата содржи ажурирани податоци во споредба со пресметките во 2016 година, кога Франција беше избрана за домаќин на

Олимпијадата. Тогаш беше проценето дека економските придобивки за француската престолнина и за регионот ќе бидат меѓу 5,3 и 10,7 милијарди евра. Сè уште не е направено истражување за потенцијалниот профит за територијата на цела Франција.
Проценките на ЦДЕС се однесуваат na економски придобивки кои ќе се пријавуваат во следните десет години врз основа на туризмот, изградената инфраструктура и организацијата.

Лос Анџелес го потврди трансферот на Жиру

Американскиот фудбалски клуб Лос Анџелес денеска го потврди доаѓањето на францускиот играч Оливие Жиру, по истекот на неговиот договор со Милан. Жиру се обврза на верност со американскиот клуб до 2025 година, со опција за продолжување на соработката за уште една година.

Французинот вчера најави заминување од Милан на крајот на сезоната и изјави дека кариерата ќе ја продолжи во американското првенство, но не прецизираше во кој тим ќе се приклучи.

Генералниот директор на Лос Анџелес, Џон Торингтон, изјави дека доаѓањето на Жиру е голема работа за клубот.

„Понекогаш се шегувам дека има играчи со кои би потпишал дури и ако никогаш не играле поради тоа што го носат во соблекувалната, примерот што го дале, професионалноста, желбата за победа, дури и ако веќе имаат освоено многу трофеи“. Рече Торингтон

Атлетико го сака Дибала во своите редови

Напаѓачот на Рома, Пауло Дибала, во текот на летниот преоден рок може да стане играч на еден од најдобрите клубови во шпанското првенство, Атлетико Мадрид, пренесува денеска Тодофихајес.

Според истиот извор, Атлетико Мадрид е заинтересиран за потписот на 30-годишниот Аргентинец и е подготвен да плати 12 милиони евра, посочени како обесштетување во договорот за фудбалерот.

Дибала го носи дресот на Рома од летото 2022 година. Вкупно одигра 75 натпревари за римскиот клуб во сите конкуренции, постигнувајќи 34 голови.

Неговиот договор е до крајот на сезоната 2024/25.

Луис Енрике не жали премногу по заминувањето на Мбапе

Килијан Мбапе веќе објави дека на крајот на сезоната ќе го напушти ПСЖ. Иако фантастичниот напаѓач не потврди дека ќе потпише за Реал, сите добро информирани светски медиуми пишуваат дека мадридскиот клуб во јуни ќе го претстави како свој играч.

За иднината на Мбапе беше прашан и тренерот на ПСЖ, Луис Енрике, на што шпанскиот стратег даде бизарен одговор.

„Денес врне дожд, но во исто време е многу убав ден бидејќи во воздухот има поинаков мирис. Сакам дождливи денови, ме потсетуваат на мојот Хихон. Мислам дека совршено одговорив на вашето прашање”, изјави Енрике на прес-конференцијата во пресрет на гостувањето на ПСЖ кај Ница во 32. коло од Лига 1.

За потсетување, парижаните веќе ја обезбедија титулата шампион на Франција.

Италијанските гиганти го сакаат Гудмунсон од Џенова

Јувентус, Интер и Наполи покажаа голем интерес за исландскиот
напаѓач Алберт Гудмудсон кој од јануари 2022 година игра за Џенова.
Гудмудсон од доаѓањето во Серија на 84 натпревари постигна 31 гол,
а во актуелната сезона постигна 14 погодоци и додаде три асистенции
со што го привлече интересот на себе. „Скај Спорт“ како што тврди
битката за неговиот потис ќе биде жестока.
Во овој момент се истакнале Интер, Јувентус и Наполи. Но,
Гудмудсон се поврзува и со премиерлигашите Тотенхем и Вест Хем.
Исланѓанецот во Серија А е од 2022 година кога за сума од 1.5
милион евра пристигна од АЗ Алкмар. Играше уште за ПСВ и Јонг
ПСВ. За исландската репрезентација запиша 37 настапи и постигна 10
голови.

Евротип и Голд Слот поддржувачи на 12тиот Меѓународен Велигденски Кошаркарски Турнир во организација на КК Младост од Битола

Минатиот викенд на 11ти и 12ти мај се одржа првиот дел од Меѓународниот Велигденски турнир во кошарка чиј организатор е кошаркарскиот клуб “Младост” од Битола. Натпреварите се играа во 4 спортски сали низ Битола и тоа: градската спортска сала “Боро Чурлевски”, училишната спортска сала “Д-р Јован Калаузи”, училишната спортска сала „Јосип Броз Тито“ и училишната спортска сала “Јане Сандански”. Во првиот дел од кошаркарскиот турнир имаше категории за момчиња родени во 2012 и 2013 година, девојчиња родени во периодот од 2010 до 2012 година како и мешана категорија за млади кошаркари и кошаркарки родени во периодот од 2014 до 2016 година. Вториот дел на турнирот ќе се одржи на 17ти и 18ти мај и на него учество ќе земат ветерани во кошарка и тоа жени над 40 години и мажи над 45 години.

Свеченото отварање на турнирот се одржа во спортската сала “Д-р Јован Калаузи” каде беа присутни претставници на спонзорите на овој турнир на кои им беа доделени благодарници за нивната поддршка на турнирот. Евротип и Голд Слот компании кои се дел од КС Групација се едни од поддржувачите на овој Меѓународен Велигденски Кошаркарски турнир. Овие компании обезбедија маички за учесниците во турнирот како и за останатиот тим кој беше вклучен во организацијата и реализацијата на самиот турнир. Овој турнир ги спојува децата и ветераните со љубовта кон кошарката и спортот. Евротип и Голд Слот и во иднина ќе продолжат да ги поддржуваат спортските настани и манифестации бидејќи поддршката на младите и спортот е една од основните постулати врз кои се темели програмата за општествена одговорност на цела КС Групација.

Со поддршката на овој турнир компаниите Евротип и Голд Слот директно го поддржуваат и економскиот развој на град Битола бидејќи овој турнир не е само за спортистите туку е за добробит на целата општина. Како што младите учествуваат и растат во спортот така тие стануваат лидери во својата заедница и пример за следните генерации. Сите компании кои се дел од КС Групација сакаат со личен пример да ги поттикнат останатите компании да се вклучат во поддршка на младите и спортот за да им дадеме мотивација на младите да се ориентираат кон спорт и здрави навики.

«< 352 353 354 355 356 >»