Кардиф, кој се натпреварува во Чемпионшип, би можел да биде нова дестинација на македонскиот репрезентативец Енис Барди.

Како што стојат работите, Барди оваа зима најверојатно ќе го напушти Трабзонспор со оглед на тоа дека е ставен на трансфер листата.

Опцијата која се споменува во турските и островските медиуми е дека Кардиф ќе го доведе Барди на позајмица до крајот на сезоната, но не е познато дали би постоела клазула за обврска за откуп.Во овој момент тренер на Кардиф е турскиот стратег Ерол Булут.

Се поврзуваше Барди и со Унион Берлин од Бундеслигата, но од тоа веројатно нема да има ништо.

Фенербахче е во напредни преговори со  напаѓачот на Манчестер Јунајтед, Антони Марсијал, кој е на излезна врата од „Олд Трафорд“.

Французинот минатото лето се врати на „Олд Трафорд“ после позајмицата во Севиља, но не добива голема минутажа кај Тен Хаг.

„Црвените ѓаволи“ се спремни да го продадат во јануари, а Фенербахче испратил понуда од 7 милиони евра.

Марсијал веќе дал зелено светло за трансферот, а двата клуба се во напредни преговори и се очекува наскоро да постигнат договор.

Наполи го објави трансферот на дефанзивецот на Салернитана, Пасквал Мацоки.

Оваа сезона 28-годишниот фудбалер одигра 18 натпревари во италијанското првенство без да постигне гол. Авторитетниот онлајн портал Трансфермаркт ја проценува пазарната вредност на Мацоки на 4 милиони евра.

Мацоки потекнува од екипата на Верона. Фудбалерот играше за Салернитана од 2022 година. Италијанскиот дефанзивец претходно во својата кариера настапуваше за тимови како Парма, Перуџа, Венеција и Римини. 

По 18 кола во Серија А оваа сезона, Наполи е на осмото место на табелата со 28 бодови. Во следниот натпревар од домашното првенство, Наполитанците ќе играат на гости кај Торино.

Манчестер Јунајтед е заинтересиран за потписот на дефанзивецот на Џирона, Мигел Гутиерез, објави весникот „Сан“. 

Според истиот извор, во изминатите неколку недели, скаутите на „црвените ѓаволи“ постојано присуствувале на натпреварите на Џирона на кои учествувал 22-годишниот фудбалер. 

Се нагласува дека Манчестер Јунајтед сериозно ја разгледува опцијата да го придобие Гутиерез во текот на актуелниот преоден рок. На Манчестер Јунајтед му треба засилување на позицијата лев бек откако Серхио Регилон го напушти клубот.

Да потсетиме, оваа сезона дефанзивецот на Џирона учествуваше на 20 натпревари на сите турнири, на кои постигна еден гол и три асистенции. Актуелниот договор на играчот со клубот е до летото 2027 година. Според информациите објавени на порталот Трансфермаркт, пазарната вредност на фудбалерот е 20 милиони евра.

Иван Перишиќ ја завршува својата мисија во Тотенхем и хрватскиот интернационалец ќе отсуствува до крајот на сезоната поради повреда.

Меѓутоа тоа веројатно значи и дека нема повеќе да заигра за Тотенхем. Откако медиумите најавуваа вакво сценарио истото го потврди тренерот на „петлите“, Анте Постекоглу.

„Треба да бидам чесен и да кажам дека напорнои работи, сака да биде подготвен за репрезентација. Неиграњето е тежок удар за нас, очекував да даде голем придонес, меѓутоа повеќе нема да игра за нас“, изјави Постекоглу.

Подолго време се шпекулира дека Перишиќ може да се врати во Хајдук, па останува да видиме дали тоа ќе се случи.

Менаџерот на англиски Брентфорд, Томас Френк, е убеден дека Ајван Тони нема да го напушти клубот во јануари.

Арсенал е заинтересиран за Тони кој моментно е под суспензија за учество во обложување, а сумата која е поставена како негова цена за продажба е 80 милиони фунти.

„Тој е играч на Брентфорд. Тој е тука, изгубивме неколку играчи во нападот и не гледам зошто треба да го продадеме. Би сакал тој да остане тука долго време. Не ми се разговара за ова, но ако можам да советувам, цената мора да биде неверојатна за да си замине“, рече Френк.

Тони се уште одлежува осуммесечна суспензија поради кршење на прописите за обложување. Тој ќе може да се врати на терените за десет дена.

Чешката фудбалска федерација официјално го назначи селекторот кој
ќе ја води репрезентацијата на Европското првенство кое летово ќе се
одржи во Германија.
Се работи за искусниот Иван Хашек, кој доби договор до 2025 година,
со можност за продолжување на соработката доколку Чешка избори
учество на Светското првенство во 2026 година.
Хашек изјави дека е почестен што ја добил довербата од
федерацијата, а ова за него претставува враќање во репрезентацијата,
откако претходно кратко беше селектор во периодот меѓу 2009 и 2010
година.