Винсент Компани седна на кормилото на Баерн Минхен и почна да работи на засилување на тимот за следната сезона.
Еден од приоритетите на новиот тренер ќе биде засилање на средниот ред, а најголема желба е Амаду Онана од Евертон.
Дефанзивниот играч од средниот ред блесна оваа сезона во Премиер лигата и според конституцијата го нарекуваат уште „белгиски џин“.
Белгиецот речиси сигурно ќе биде продаден на лето, а за него е заинтересиран е и Арсенал, но Компани ќе го убеди да му се придружи во Минхен, а неговата цена изнесува околу 50 милиони евра.
Почетино главен кандидат за клупата на Манчестер Јунајтед
Маурисио Почетино во моментов е главен кандидат за функцијата нов менаџер на Манчестер Јунајтед. Аргентинецот на крајот на сезоната го напушти Челзи, според најавите би требало да седне на клупата на друг англиски гигант.
Одлуката е на раководството на тимот од „Олд Трафорд“ и на новиот косопственик Џим Ретклиф, кои мора да одлучат дали Ерик тен Хаг ќе остане на клупата и во следната сезона.
Се поголеми се шансите Тен Хаг да добие отказ, а во тој случај Почетоно е фаворит за нов тренер на „црвените ѓаволи“.
Флик не го сака Дани Олмо во Барселона
Дани Олмо беше приоритет на Барселона и се очекуваше во летниот преоден рок каталонскиот гигант да тргне по играчот кој созреал во својата фудбалска школа. Со заминувањето на Чави од тренерската функција и доаѓањето на Ханси Флик, никој повеќе не го спомнува Олмо во Барселона.
Како што пишуваат шпанските медиуми, Олмо едноставно „исчезна од списокот на играчи кои клубот би сакал да ги доведе“. „Никој од клубот не го контактираше Олмо или неговите претставници, ниту со РБ Лајпциг, клубот со кој е под договор до 30 јуни 2027 година“, се вели во соопштението.
Олмо и клубот ќе донесат одлука за евентуално заминување по Европското првенство. Играчот е свесен дека го следат Баерн и силни клубови од англиската Премиер лига како Манчестер Јунајтед и Ливерпул. Според Трансфермаркт, вредноста на Олмо е 50 милиони евра, а клубот би бил подготвен да прифати понуди во висина од 50 до 60 милиони евра.
За потсетување, шпанскиот репрезентативен играч за врска пристигна во Лајпциг во јануари 2020 година по трансфер од Динамо вреден 29 милиони евра (според Трансфермаркт), но и со договорна клаузула според која Динамо има право на 20 отсто од профитот на Лајпциг од следниот трансфер. Доколку следниот трансфер на Олмо би изнесувал 60 милиони евра, Динамо би добил дури 12 милиони.
Алварез е првата опција за замена на Мбапе во Париз
ПСЖ е силно заинтересиран за напаѓачот на Манчестер Сити и аргентински репрезентативец, Јулијан Алварез.
ПСЖ е во потрага по нова ѕвезда во нападот, а најголема желба на Луис Енрике е токму Аргентинецот.
Сити го доведе од Ривер Плата летото 2022 година за само 18 милиони евра, а Алварез веднаш го покажа својот потенцијал. Одигра важна улога во освојувањето на Мундијалот за Аргентина и веднаш доби нов договор во Манчестер Сити со повисока плата.
Меѓутоа, Алварез на „Етихад“ е во сенка на Халанд и не добива голема минутажа, па размислува да ја промени средината. Има понуди од неколку европски гиганти, но тој преферира преселба во Париз.
Манчестер Сити нема лесно да се откаже од Аргентинецот, но ПСЖ е спремен да понуди 90 милиони евра за неговиот потпис.
Компмајнерс се согласи да премине во Јуве
Јувентус е блиску до комплетирање на трансферот на ѕвездата на Аталанта и холандски репрезентативец, Туен Копмајнерс. Приоритет на Јувентус ќе биде засилување на средниот ред, а Копмајнерс е на врвот на листата желби.
25-годишниот Холанѓанец се етаблираше во еден од најдобрите играчи за врска во Серија А, па и самиот сака да направи чекор напред во кариерата.
Агентот на Копмајнерс веќе постигнал договор со „старата дама“ и играчот ги одбил другите понуди бидејќи сака да се пресели во Торино.
Аталанта за неговата слобода бара најмалку 60 милиони евра, а Јувентус наскоро ќе испрати прва понуда.
Галинари ќе игра за Италија во олимписките квалификации
Кошаркарската репрезентација на Италија ја очекуваат квалификациите за да избори учество на Олимписките игри во Париз ова лето.
Селекторот Џанмарко Поцеко го објави прелиминарниот список од 30 играчи за подготовките пред патувањето на турнирот во Порторико каде се наоѓа и Данило Галинари.
Италија е во група со домаќинот и Бахреин. Двете првопласирани селекции од секоја група ќе се пласираат во следната фаза, каде ќе се сретнат со првите две селекции од групата во која се Литванија, Брегот на Слоновата Коска и Мексико. Пласман на Олимпијадата ќе обезбеди само првопласираната репрезентација.
Успешно спроведена 12-та крводарителска акција на КС Групација
КС Групацијата во чиј состав влегуваат повеќе компании меѓу кои и Евротип, Голд Слот, Голд Фелициа и Премиум Сејфти Солушн денес 7-ми Јуни ја спроведија 12-та по ред крводарителска акција во соработка со Црвениот Крст.
Крводарителската акција која беше од отворен тип се одржа во канцелариите на КС Групација во Битола. На оваа крводарителска акција беа собрани голем број на крвни единици со што продолжи трендот на успешност на крводарителските акции на КС Групацијата. Секоја наредна крводарителска акција е поуспешна од предходната односно се зголемува бројот на крводарители кои се приклучуваат во акциите. Вработените во КС Групација покажаа голем интерес за оваа крводарителската акција. Покрај вработените од Битола скапоцена течност која спасува животи даруваа и вработени од градовите Прилеп, Кавадарци и Ресен.
КС Групацијата како збир од општествено одговорни компании традиционално организира крводарителски акции повеќе пати годишно со што сака да даде свој придонес кон зголемување на свеста на компаниите дека хуманоста е најголемата доблест на човекот. Донирањето на крв е од витално значење за цело општество бидејќи можат да се спасат човечки животи, а и се обезбедуваат потребните залихи на крв за хитни медицински ситуации.
Менаџерскиот тим на групацијата истакна дека ќе продолжи со организирање на крводарителски акции и во иднина бидејќи сите компании кои се дел од групацијата сакаат со личен пример да ги поттикнат сите поединци и компании активно да се вклучат во дарување на “можност за нов живот” преку дарување на течност која живот значи.
Постекоглу не смета на четворица фудбалери за следната сезона
Тотенхем предводен од Анже Постекоглу ја заврши сезоната 2023/24 на петтата позиција на табелата со што избори ново учество во европските натпреварувања во сезоната која следи.
А, пак во неа австралискиот старетег со грчко потекло нема да смета на услугите на четири фудбалери кои заминуваат од клубот со истекот на договорот. Тоа се Ерик Дајер, Иван Перишиќ, Рајан Сесењон и Јапхет Танганга.
Шего означи крај на богатата ракометна кариера
Хрватскиот голман Марин Шего става крај на кариерата. Последниот натпревар Шего го бранаше во поразот на Гепинген од Гуерсбах во последното коло од Бундеслигата.
Низ кариерата Шего бранеше за Меѓугорје кој беше негов прв клуб, потоа беше дел од Мостар, Чаковец, Загреб, Висла, Кјелце со кој ја освои Лигата на шампионите во чудесното финале во 2016 година во Ланксес Арената, ПИК Сегед и Монпелје.
„Траеше долго, скоро 22 години професионална кариера. Петнаесет години настапував во Лигата на шампионите, четири во ЕХФ Лигата на Европа. Започнав да се занимавам со ракомет на девет години, Поминав шест лиги, променив многу држави, тренери, имаше се и се што. Многу фактори влијаела на одлуката да ставам точка. Семејството многу пати патеше поради мене. Сакам и децата да се вратат и да бидеме сите заедно во Меѓугорје. Презадоволен сум со она што го постигнав“, изјави Шего за специјализираниот портал за ракомет „Балкан-хендбол“.
Микел Мерино е прв пик на Барса ова лето
Играчот од средниот ред на Реал Сосиедад, Микел Мерино е една од приоритетните трансфер цели на Барселона ова лето. Според каталонскиот весник Спорт, 27-годишниот играч е назначен како идеална опција за засилување на средниот ред во новиот тим предводен од Ханси Флик.
Договорот на Мерино со Реал Сосиедад истекува за една година, а во моментов тој се уште не може да се договори со раководството на баскискиот клуб околу неговото продолжување. Тоа значи дека може да влезе на пазарот со добра понуда.
Во исто време, Барселона се надева дека наскоро ќе прецизен увид во финансиската состојба и буџетот што ќе го има за да го засили својот тим.
