Винисиус Жуниор донел одлука да го продолжи договорот со Реал Мадрид, објавија шпанските медиуми.

Информацијата дека Бразилецот нема намера да го напушти Мадрид и покрај финансиски неверојатната понуда што ја добил од Саудиска Арабија, ја објави новинарот Ману Карено во неговата емисија „Ел Ларгеро“, а во текот на ноќта ја пренесоа и двата реномирани мадридски медиуми, „АС“ и „Марка“.

Споменатиот новинар тврди дека менаџерите на 24-годишниот фудбалер во изминатите денови неколкупати се сретнале со челниците на Реал и дека повеќето детали се договорени, а официјалното соопштение за продолжување на соработката се очекува веднаш по завршувањето на сезоната. Неизвесно е само дали новиот договор ќе биде потпишан на две или три години.

Наводно, Винисиус успеал да го убеди Флорентино Перез да му ја зголеми платата која според договорот потпишан во 2022 година во просек изнесува 15.000.000 евра по сезона.

Извесно е дека Манчестер сити во летниот преоден рок ќе добие нов голман. Медиумите шпекулираат дека португалски голман ќе дојде на местото на Бразилецот Едерсон.

„Граѓаните“ решија да се разделат со Кевин Де Брујне, а се чини дека истото ќе го направат и со долгогодишниот голман.

Како што дознава „Фут Меркато“, наследник на Едерсон на голот на Манчестер сити би требало да биде голманот на Порто, Жоао Коста.

Португалскиот репрезентативец неколку сезони брани во врвна форма, јасно е дека Порто нема да го пушти така лесно. се шпекулира дека Сити ќе треба да плати 75 милиони евра колку што изнесува откупната клаузула.

Инаку и Едерсон во Сити дојде од Португалија, од редовите на Бенфика. „Граѓаните“ во 2017 година за неговиот трансфер издвоија 40 милиони евра.

Фудбалерите на Барселона славеа минимална, но важна победа од 1-0 над Мајорка и така ставија притисок врз Реал Мадрид кој во натпреварот против Гетафе од 33. коло ќе влезе со негатива од седум бода од Барселона на врвот на табелата.

Доминираше денес Барселона од почетокот на натпревар, се реда шанси пред голот на Лео Роман, но чуварот на мрежата на гостите беше одличе ни имаше неколку одлични интервенции.

Сепак, не можеше ништо да направи по 40-тина секунди игра кога Олмо ја искористи асистенцијата од Гарсија и погоди за 1-0 и победа.

Треба да се истакне и дека Роман со своите 13 одбрани вечерва постави и рекорд во Ла Лига за оваа сезона со најмногу одбрани на еден натпревар. Барселона го заврши натпреварот со вкупно неверојатни 40 удари.

Фудбалерите на Манчестер Сити ја победија Астон Вила со 2-1 во 34. коло од Премиер лигата.

Првиот меч од 34.коло донсе драматичен финиш и неочекуван херој на Манчестер Сити, Матеус Нинеш кој погоди за победа во 94.минута.

Момците во светлосини дресови брилијантно го отворија овој натпревар и поведоа со голот на Бернардо Силва во 7. минута. Само девет минути подоцна беше досуден пенал за гостите од Бирмингем по ВАР консултации, одговорноста ја презеде Маркус Рашфорд и изедначи на 1-1.

Сити доминираше на овој натпревар. Имаше многу поголем посед на топка, постојано напаѓаше и се обидуваше да постигне гол, а Мартинез брилијантно го запираше секој нивен обид.

По 90 минути игра, судијата Крег Паусон ја продолжи играта на уште 5 минути, а кога се чинеше дека натпреварот ќе заврши нерешено, тогаш Сити го зададе конениот удар.

Во 94. минута Матеуш Нунеш на асистенција на Доку му донесе победа на Манчестер Сити.

Сити скокна на третото место со 61 бод, еден повеќе од Нотингем Форест, два од Њукасл и четири од Челси и Астон Вила. Овое пет тима се борат за преостанатите три места во Лигата на шампионите.

Напаѓачот на Реал Мадрид, Килијан Мбапе нема да игра на гостувањето кај Хетафе од 33.коло на Ла Лига. Претходно беше објавено дека Мбапе се здобил со повреда на скочниот зглоб.

Французинот го пропушти неодамнешниот натпревар од Ла Лига против Атлетик Билбао (1:0) поради исклучување на претходниот натпревар, а на тоа му дојде плус и повредата. Се очекуваше 26-годишниот играч да се врати на теренот за претстојниот натпревар против Хетафе во среда, 23 април, но се чини дека Карло Анчелоти нема да ризикува со напаѓачот пред финалето на Купот на Кралот против Барселона.

Мбапе оваа сезона одигра 50 натпревари во сите натпреварувања и постигна 33 гола и имаше пет асистенции. Актуелниот договор на играчот со клубот е до летото 2029 година.

Руд ван Нистелрој оваа недела има закажан состанок со раководството на англискиот фудбалски клуб Лестер Сити, но се очекува да остане на својата позиција до крајот на сезоната во Премиер лигата, пренесува „Скај Спортс“.

После тоа, сепак, иднината на Холанѓанецот е нејасна, бидејќи двете страни не се подготвени да соработуваат во втората лига.

Според „Скај Спортс“, Лестер има листа на кандидати за менаџерската позиција, а на неа водечки имиња се Ли Карсли, Дени Рол и Расел Мартин.

Лестер нема да сака да го отпушти Ван Нистелрој на крајот на јуни бидејќи ќе се соочи со тешкотии со финансискиот фер-плеј. Тимот ги отплаќа и договорите на Стив Купер и неговите тројца помошници, кои добија отказ во ноември. Договорот на Ван Нистелрој е до 2027 година, а ќе треба да му биде платено обештетување.

Лестер испадна од Премиер лигата откако изминатиот викенд загуби од Ливерпул со 0-1, а напаѓачот Џејми Варди ја опиша сезоната како „срамна“.

Сергеј Палкин, генералниот директор на Шахтјор Доњецк, ја најави продажбата на младиот фудбалер Георгиј Судаков.

Овој млад фудбалер би можел да се пресели во Наполи, а Палкин истакна дека двете страни ги започнале преговорите.

„Да, во преговори сме. Не можам да зборувам за бројки, но верувам дека ќе ја завршиме работата. Ако не ја завршиме работата со клубот со кој преговараме, можеме да го направиме тоа со некој друг клуб. Не сум загрижен за Судаков, тој е еден од најдобрите во светот на својата позиција”, изјави Палкин.

Судаков е играч од средниот ред, за украинската репрезентација веќе одигра 28 натпревари и дефинитивно летово го очекува голем трансфер.

Цената, според информациите со кои располагаат италијанските медиуми, е околу 60 милиони евра.

Доколку Наполи не е подготвен да ја плати споменатата цифра, челниците на Шахтјор ќе преминат на преговори со Јувентус или Брентфорд.

Тренерот на Ливерпул, Арне Слот е решен да направи одредени промени во нападот на својот тим, се очекува да си замине Дарвин Нуњез, а како негова замена се споменува Брајан Мбуемо од Брентфорд.

Ливерпул ќе освои титулата во Премиер лигата, веројатно во наредното коло таа и матаметички ќе биде обезбедена.

Најавено е заминувањето на Нуњез, а како негова замена се споменува 25-годишниот Мбуемо, пишува „Дејли мирор“.

Камерунецот е голема желба на Арсенал и за тоа многу се пишуваше во зимскиот преоден рок, но сега тимот од Лондон доби голема конкуренција во Ливерпул.

Во Ливерпул веруваат дека Мбуемо би се вклопил со Мохамед Салах, Луис Дијаз и Диого Жота.

Репрезентативецот на Камерун оваа сезона постигна 18 гола во Премиер лигата.

Тој е „врзан“ со договор со Брентфорд до средината на 2027 година, а според информациите на бројни англиски медиуми е „слободен“ за 60 милиони евра.

Таа бројка не би требало да биде проблем за Ливерпул и Арсенал.