feature

Одбиена жалбата на Белингем, ќе мора да паузира два натпревари

Суспензијата за Џуд Белингам од два натпревари останува на сила. Ова е одлуката на комисијата за жалби на Фудбалскиот сојуз на Шпанија, откако Реал Мадрид побара поништување.

Според одлуката, „кралскиот“ клуб не успеал да обезбеди доволно докази за да го докаже спротивното од она што го одлучиле главниот судија на мечот против Осасуна и дисциплинската комисија.

Тоа значи дека репрезентативецот на Англија нема да биде дел од составот на Реал Мадрид за дуелите против Жирона и Бетис во Ла Лига.

Белингам нема да игра и на првиот меч против Атлетико Мадрид од Лигата на шампионите, поради жолтиот картон против Манчестер сити, кој за него беше трет оваа сезона.

Иџе награден на церемонијата на ФИА во Љубљана

Македонскиот автомобилист Игор Стефановски-Иџе се најде меѓу европскиот крем на возачи на настанот во Љубљана кој го организираа словенечката метропола и сојузот на возачи, со цел да бидат наградени најдобрите на европското ФИА првенство на брдски патеки.

Стефановски беше најдобар оваа година во неговата ФИА група 1 и доби признание кое го прими пред присутните и доби аплауз за постигнатото.

Новата сезона на брдските патеки се отвора на 13 април во Франција, а по 11 извозени трки традиционално крајот како и на секоја година е во Бузет, Хрватска, на 21 септември.

Мира Андреева најмлада АТП-финалистка во историјата

Руската 17-годишна тенисерка Мира Андреева продолжи да ги победува фаворизираните противнички и да поставува турнирски рекорди, а совладувајќи ја денеска во Дибаи шестата носителка Елена Рибакина со 6-4, 4-6, 6-3 стана најмладата финалистка во историјата на ВТА турнирите од серијата 1000, кои се вклучени во календарот од 2009 година.

Рибакина беше на прагот на пресврт откако го загуби првиот сет, но го доби вториот, а во третиот имаше водство од 3-1. Сепак, Андреева нанижа пет гемови за победа, освојувајќи три гема во кои Рибакина беше на сервис.

Ден претходно Андреева ја елиминираше втората носителка Ига Швјонтек од Полска и стана најмладата полуфиналистка во Дубаи.

За младата Русинка ова е најголем успех во кариерата и вкупно трето финале. Минатата година ја освои првата титула на ВТА 250 во романски Јаши, а во октомври беше поразена во финалето на турнирот ВТА 500 во кинески Нингбо од сонародничката Дарија Касаткина

Андреева во утрешното финале ќе се соочи со победничката од вториот полуфинален меч меѓу Данката Клара Таусон и Каролина Мучова од Чешка.

Словенечки судија ќе го води турското дерби меѓу Галатасарај и Фенербахче

Словенечкиот арбитер Славко Винчиќ ќе биде главен судија на претстојниот дерби натпревар од турската лига меѓу Галатасарај и Фенербахче.

Помошници на Винчиќ ќе бидат Томаж Кланчник и Андраж Ковачиќ, додека четврти судија на натпреварот ќе биде Кадир Саглам, објави денеска Би-би-си.

Галатасарај в понеделник од 18 часот ќе го пречека градскиот ривал Фенербахче во Истанбул, во рамките на 25. коло од турската лига. Претседателот на турската фудбалска федерација Ибрахим Хачиосманоглу во средата изјави дека „судија од светска класа ќе го суди дербито“, дека „преписката е извршена“ и дека „добиени се потврди“.

Галатасарај е прв на табелата со 63 бодови, шест повеќе од второпласираниот Фенербахче.

Винчиќ беше главен судија на финалето од Лигата на шампиони минатата сезона помеѓу Реал Мадрид и Борусија Дортмунд, додека во 2022 година го судеше финалето на Лига Европа помеѓу Ајнтрахт Франкфурт и Глазгов Ренџерс.

По дванаесет години се возобновува Шарлпланинскиот Куп

Скијачката федерација на Македонија го најави 41-от Шарпланински куп во алпско скијање на Попова Шапка. По пауза од 12 години, манифестацијата ќе се одржи наредната недела во среда и четврток 26 и 27 февруари.

„Со голема возбуда и гордост најавуваме дека Попова Шапка повторно ќе биде домаќин на најстариот меѓународен скијачки натпревар на Балканот. Овој престижен натпревар својата приказна ја започна во далечната 1947 година, а од 1954 официјално стана дел од календарот на Меѓународната скијачка федерација (FIS). Шарпланинскиот куп е синоним за храброст, брзина и прецизност, носејќи ја магијата на алпското скијање во Македонија. На овогодинешното издание, кое се одржува на 26 и 27 февруари, ќе учествуваат натпреварувачи од Македонија, Србија, Бугарија, Турција, Хрватска, Црна Гора, Грција, Косово и Кипар. Снежните падини на Попова Шапка ќе бидат центар на возбудливи натпревари, еуфорија и неочекувани пресврти – токму она што го прави алпското скијање спорт на вистинските шампиони“, соопштуваат од Скијачката федерација на Македонија.

Федерацијата има поддршка од Меѓународната скијачка федерација (FIS), Министерството за спорт и ски-центарот Попова Шапка, како и компании за одржување на манифестација.

Канада победник на првото издание на „Четири нации“

Canada’s Connor McDavid (97) celebrates after his game-winning goal against the United States during an overtime period of the 4 Nations Face-Off championship hockey game, Thursday, Feb. 20, 2025, in Boston. (AP Photo/Charles Krupa)

Хокеарската репрезентација на Канада е победник на турнирот „Четири нации“, на кој настапуваат играчи само од НХЛ лигата, откако во финалето синоќа во Бостон по продолженија триумфираа над САД со 3-2 (1-1, 1-1, 0-0; 1-0).

Првото издание на овој турнир, понуди одличен хокеј, а кулминацијата се случи во финалето во Бостон, во кое Канаѓаните ги победија своите големи ривали Американците со голот на најдобриот играч на денешницата, Конор МекДејвид во 8:18 минута од продолжението.

Турнирот „Четири нации“ беше своевидна „генерална проба“ за враќање на НХЛ играчите на Зимските олимписки игри по пауза од 12 години, што ќе се случи за една година во Милано.

Дубоа е болен и се повлече од борбата за светска титула

Светскиот првак во тешка категорија во верзијата ИБФ, британскиот боксер Даниел Дубоа се повлече синоќа од борба против Новозеланѓанецот Џозеф Паркер поради болест.

Борбата требаше да се одржи в сабота во Ријад. Дубоа во четвртокот беше подложен на тестови во Ријад и ја пропушти официјалната прес-конференција, а набргу потоа се повлече од борбата.

Не е соопштено за каква болест станува збор, пренесе Би-би-си.
Дубоа требаше да ја брани титулата во ИБФ по втор пат, откако минатиот септември го победи Ентони Џошуа во пет рунди на лондонскиот Вембли пред 96.000 гледачи.

Челзи четири меча без Мадуеке

Фудбалерот на Челзи, Нони Мадуеке, ќе пропушти четири претстојни натпревари во Премиер лигата поради повреда, изјави денеска неговиот тренер Енцо Мареска.

Мадуеке ја повреди тетивата минатата недела на натпреварот против Брајтон (0-3).

„Нони најверојатно ќе биде надвор од теренот до паузата во првенството“, изјави Мареска на прес-конференција.

Мадуеке оваа сезона постигна седум гола на 23 натпревари во Премиер лигата.

Исто така, од теренот отсуствува и водечкиот стрелец на тимот, Николас Џексон, кој постигна девет гола во лигата, поради повреда на тетивата.

Челзи в сабота на „Вила Парк“ гостува на Астон Вила, по што следуваат два домашни натпревари со Саутемптон и Лестер, пред градското дерби на 16 март на гости против Арсенал.

Кошаркарите загубија во Талин и останаа без шанси за Евробаскетот

Кошаркарската репрезентација на Македонија остана без шанси да се пласира на Европското првенство кое во септември ќе се одржи во Кипар, Финска, Латвија и Полска.

Вечерва во Талин, Естонија ја порази Македонија со 84-65 (22-17, 16-22, 20-11, 26-15). Естонија со оваа победа си обезбеди место на Европското првенство.

Настрана домаќинското судење, но мора да се приснае дека репрезентацијата на Македонија нема квалитет за да настапи на континеталниот шампионат. Во Талин, Ненад Димитирјевиќ и Ти Џеј Шортс го испорачаа своето, но помош добија само од Маслинко. Овие тројца беа двоцифрени, а уште само тројца успеаја да постигнат поени(Робев, Магдевски, Евремовски) се дофинишот кога два коша постигна Ѓуровски, а еден Крстевски.

Шортс забележа 21 поен, три скока и шест асистенции, Димитријевиќ постигна поен помалку имаше и четири скока и три асистенции, а Маслинко натпреварот го заврши со 15 поени и седум скока.

Неуспешниот квалификациски циклус Македонија ќе го заврши в понеделник во Скопје против Полска.

Ван Перси го презема Феенорд

Весникот „Атлетик“, тврди дека Робин ван Перси ќе го преземе кормилото на Феенорд. 41-годишниот специјалист ќе го напушти Херенвен на крајот на сезоната и ќе се врати во Ротердам.

Тој ќе потпише договор до 2027 година. Ван Перси играше за младинскиот и сенироскиот тим на Феенорд од 1998 до 2004 година а од 2021 до 2024 година беше тренер во младите категории.

Легендарниот фудбалер на „лалињата“ на клупата на Херенвен има 9 победи и 11 порази.

«< 384 385 386 387 388 >»