Армстронг: Користев допинг кој не може да е открие
Човекот кој освои седум титули на „Тур Д’Франс“ и стана еден од најуспешните спортисти, Ленс Армстронг ги шокираше навивачите откако призна дека користел дроги.
Поради допинг на Армстронг му беа одземени сите титули од трките во Франција, а неодамна во една емисија зборуваше за тоа.
„Не се обидувам да го оправдам тоа или да кажам дека би го повторил делото, но факт е дека сум тестиран 500 пати, а никогаш не паднав на допинг контрола. Реалноста е во тоа што некои супстанции траат четирии часа. Со дрогата која ја користев би се променил нашиот спорт. Не сакам да охрабрам било кој да го направи тоа. Вистината е тоа што дрогата не можеше да се открие“, вели Армстронг.
Калатес ги „пакува куферите“ од Фенербахче
Ник Калатес ќе си замине од Фенербахче откако турскиот гигант го избра Шарунас Јасикевичиус за нов шеф на стручниот штаб.
Грчкиот плејмејкер водеше војна со овој тренер додека двајцата беа дел од Барселона, конфликтот резултираше со негов трансфер во Фенербахче, а ветеранот не можеше ни да помисли дека Јасикевичиус ќе пристигне во Истанбул.
Калатес беше пред заминување и во текот на летото, тогаш реши да остане и да се бори за минутажа кај Итудис, но на ветеранот му е јасно дека тоа е невозможна мисија со доаѓањето на Јасикевичиус и се очекува најдоцна до крајот на годинава да си замине од Фенер.
Кај Смитс се повреди, ќе го скокне Европското првенство во Германија
Еден од најдобрите во машката ракометна репрезентација на Холандија и во тимот на Фленбург, десниот бек Кај Смитс, нема да настапи на Европското првенство 2024 во Германија.
Од бундеслигашот соопштија дека извесен период ќе продолжат без Смитс, бидејќи репрезентативецот на Холандија има „поблаго воспаление на срцевиот мускул“, односно миокардитис.
Се уште не се знае колку точно ќе отсуствува Смитс од ракометните терени, но најверојатно неговиот камбек ќе биде во вториот дел од тековната сезона.
Холандија на Европското првенство во Германија во групната фаза ќе игра со репрезентациите на Шведска, БиХ и Грузија.
Винициус нема да ризикува, ќе се врати на терените во 2024 година
Бразилската ѕвезда во дресот на Реал Мадрид, Винисиус Жуниор нема да биде под притисок да се врати на теренот по повредата и речиси сигурно нема да истрча на терен пред крајот на 2023 година, пренесува „Марка“.
Вини притиска да го врати во акција побрзо, но медицинскиот персонал на „кралевите“ е решен да спречи какви било ризици по здравјето на крилниот напаѓач. Лекарите на Реал известуваат дека Вини закрепнува побрзо од очекуваното, но најдобро е да одмори до Нова година.
Милан сака да го позајми Ленгле од Астон Вила
Милан во зимскиот преоден рок сака да ја засили одбранбената линија и ја почна потрагата по нов дефанзивец.
„Росонерите“ се соочуваат со многу повредени фудбалери особено во дефанзивната линија, па во јануари приоритет ќе биде доведување на нов дефанзивец.
Нова цел на Милан е дефанзивецот на Барселона, Клемент Ленгле, кој игра на позајмица во Астон Вила.
Французинот не добива минутажа во Астон Вила и сака да ја промени средината во јануари, а Милан е спремен да го донесе на позајмица со право на откуп на крајот на сезоната.
Гринвуд не се враќа на „Олд Трафорд“, Јунајтед перманентно ќе го продаде
Манчестер Јунајтед планира да го продаде фудбалерот, Мејсон Гринвуд, кој во сезонава настапува како позајмен во шпанскиот тим Гетафе.
Според објавите во Англија, за младиот играч се заинтересирани : Барселона, Реал Мадрид, Баерн (Минхен), Борусија (Дортмунд) и Атлетико Мадрид. Медиумите најавуваат дека Гетафе планира да го задржи Гринвуд но, тешко ќе може да ја издржи трката со далеку помоќните финансиски клубови.
Во исто време, различни извори тврдат дека очекуваното ново раководство предводено од Џим Рaтклиф може да ја преиспита ситуацијата и да го врати играчот на „Олд Трафорд“.
Васоски по шест месеци си замина од Вардар
=Александар Васоски од денеска повеќе не е тренер на екипата на Вардар. По завршувањето на есенската полусезона во ПМФЛ, тренерот реши да си замине, а за одлуката ја информираше и јавноста со објава на социјалните мрежи.
„Почитувани спортски пријатели, сакам само да ви се обратам 2-3 дена после последниот натпревар на Вардар во оваа сезона.
Факт е дека Вардар е последно место на табелата што секако не личи на клуб со реноме,меѓутоа проблемите кои веќе со години го мачат клубот не не одминаа и оваа сезона.Освоени се 17 бодови(чисти како солза) без помош на пријатели (никој ни нема аут и фаул поклонето), а не пак бодови. Играта од натпревар во натпревар се поправаше,создававме многу шанси кои за жал не ги реализиравме,и со малку повеќе среќа ќе имавме уште 5-6 бода на нашето конто.
Несреќна околност беше и повредата на нашиот капитен Мицевски, и откажувањето на солидниот стопер Алаверда. Огромна благодарност до в.д раководството од Комитите кои одвојувајки и свои средства помагаа во функционирање на клубот.
Благодарност до навивачите, администрацијата,вработените во клубот, а највеќе до фудбалерите кои вложуваа натчовечки напори да се постигнат позитивни резултати. Што се однесува до мене,јас ветив дека до декември ке му помогнам на клубот,надевајки се дека ситуацијата ке се подобри,меѓутоа очигледно се нема слух и стратегија од луѓето кои треба да донесат одлуки за доброто на клубот. Неможејќи повеќе да го носам теретот на таквото функционирање се повлекувам од тренерското место во Вардар. На клубот му посакувам се најдобро во иднина“, напиша Васоски.
Елмас се повреди, нема да игра до крајот на годината
NAPLES, ITALY – MAY 21: Eljif Elmas of SSC Napoli during the Serie A match between SSC Napoli and FC Internazionale at Stadio Diego Armando Maradona on May 21, 2023 in Naples, Italy. (Photo by Francesco Pecoraro/Getty Images)
Maкедонскиот репрезентативец Елиф Елмас нема да биде во комбинација за настап за Наполи против Каљари за викендот.
Елмас повредата ја заработил на еден од последните тренинзи на својата екипа. Македонскиот фудбалер заработил истегнување на мускулот во ногата и поради отпаднал од комбинација за настап.
Италијанските медиуми претходно го најавуваа како еден од можните стартери за овој дуел.
Засега не е познато колку ќе мора да паузира Елмас, а тоа би било познато по деталните прегледи. Наполи во наредниот период го очекуваат натпревари против Фросиноне (19 декември), Рома (23 декември), Монца (29 декември).
Суперкомпјутерот го издвои Арсенал како прв фаворит за освојување на ЛШ
Англиските медиуми ги искористија услугите на Суперкомпјутер за да го одредат победникот во Лигата на шампиони (ЛШ).
Според податоците кои биле собрани од Суперкомпјутерот, Арсенал оваа сезона ќе го крене пехарот во ЛШ.
Суперкомпјутерот објави дека Арсенал има 22 отсто шанси да го освои трофејот, по што следи Манчестер сити со 20 проценти и Баерн Минхен со 15%.
Мундијалските дресови на Меси продадени за 7,2 милиони долари
Аукциската куќа „Сотби“ објави синоќа дека комплетот од шест дресови кои капитенот на аргентинската фудбалска репрезентација Лионел Меси ги носеше на Светското првенство 2022 во Катар се продадени за 7,2 милиони долари.
Меси на Мундијалот во Катар ја предводеше Аргентина до светската титула и беше прогласен за играч на турнирот.
„Овие историски дресови се спомен на еден од најважните моменти во спортот и се поврзани со круната на кариерата на еден од најголемите играчи на сите времиња“, појасни претставникот на „Сотби“, Брам Вочер.
На патот до титулата во Катар, аргентинскиот капитен го носеше сино – белиот дрес во групната фаза против Саудиска Арабија и Мексико, во осминафиналето против Австралија, во четвртфиналето против Холандија, во полуфиналето против Хрватска и во финалето против Франција.
Најавувајќи ја аукцијата минатиот месец, „Сотби“ очекуваше комплетот дресови да достигне цена повисока од десет милиони долари.
Дел од приходот ќе биде дониран за проектот UNICAS кој го води детската болница „СЈД“ во Барселона со поддршка на „Фондацијата Лео Меси“ за потребите за деца заболени од ретки болести.
