Челзи долго време се обидуваше да најде купувач за Николас Џексон, а кога конечно се договори со Баерн Минхен, пред самата реализација на трансферот настана проблем.

Вчера се повреди Лијам Делап, па Челзи одлучи да го стопира трансферот на Џексон и да го врати напаѓачот на Стемфорд Бриџ, иако со Баерн се беше договорено.

Повредата на Делап ги промени работите, Челзи не сака да остане без резервна опција во нападот, па го повика Џексон да се врати.

Но, неговиот агент објави дека такво нешто нема да се случи, Џексон останува во Минхен и чека реализација на трансферот.

Преодниот рок завршува утре, па наскоро ќе се види како ќе заврши оваа трансфер драма.

УЕФА го потврди распоредот и термините за натпреварите во главната фаза во Конференциската лига. Сезонава, во имто на Шкендија, за прв пат во историјата Македонија ќе има репрезент во ова натпреварување.

Шкендија ќе одигра шест натпревари во Конференциската лига. Првиот во Мадрид против Рајо Ваљекано на 2 октомври (18.54 часот).

Потоа Шкендија ќе одигра два натпревари на домашен терен, против Шелбурн на 23 октомври и Јагиелонија на 6 ноември. Следува гостувањето на косово кај Дрита на 27 ноември, па домашниот натпревар со Слован Братислава на 11 декември.

Главната фаза Шкендија ќе ја заврши на Кипар, против АЕК во Ларнака на 18 декември.

Шпанскиот прволигаш Севиља го објави доаѓањето на искусниот 36-годишен дефанзивец Сезар Аспиликуета, кој во јуни ги напушти редовите на Атлетико Мадрид.

Аспиликуета доаѓа без обесштетување и потпиша едногодишен договор со Севиља, со опција за продолжување на соработката за уште една сезона.

Аспиликуета беше дел од Атлетико до јули 2023 година и оттогаш одигра 54 натпревари и постигна еден гол.

Пред да дојде во мадридскиот клуб, Аспиликуета играше за Челзи 11 години, две сезони за Марсеј и три сезони за Осасуна.

Францускиот репрезентативец Кристофер Нкунку официјално e потврден цо нов фудбалер на Милан, каде дојде од Челзи, објави денеска италијанскиот клуб.

„Милан со задоволство го објавува потпишувањето на договорот со Кристофер Нкунку од Челзи. Францускиот напаѓач потпиша договор до јуни 2030 година“, соопшти клубот од Милано.

Според италијанскиот печат, Милан ќе плати 37 милиони евра, а сумата може да се зголеми на 42 милиони евра со бонуси за напаѓачот, кој се приклучи на Челзи во 2023 година за 60 милиони евра.

Нкунку постигна 18 голови на своите 62 настапи за Челзи, откако претходно играше за ПСЖ (2015-2019) и Лајпциг (2019-22).

Бетис се откажа од намерата да го ангажира напаѓачот на Манчестер Јунајтед, Ентони, јавија денеска шпанските медиуми.

„Нема договор за Антони и ја повлековме понудата. Не можеме да си ги дозволиме трошоците и износите што Манчестер Јунајтед мора да ги плати за играчот“, се вели во соопштението на клубот.

Дваесетипетгодишниот Бразилец настапуваше како позајмен играч за шпанскиот тим минатата сезона и одигра 26 натпревари на кои постигна девет голови и додаде пет асистенции.

„Животот секогаш ни носи големи изненадувања!“, напиша Антони на социјалните мрежи по веста за неуспешните преговори.

Фудбалерот на Барселона, Роберт Левандовски, се враќа во полската репрезентација и повторно ќе биде капитен, јавија синоќа западните агенции.

Левандовски се повлече од репрезентацијата поради несогласувања со претходниот селектор Михал Пробиеж, но неговиот наследник Јан Урбан повторно го повика во националниот тим.

Полска ќе игра квалификациски натпревар за Светското првенство против Холандија на 7 септември и против Финска три дена подоцна.

„Да речеме дека го започнуваме тренинг кампот со чисти сметки. Роберт Левандовски ќе биде капитен на нашиот тим“, рече Урбан.

Левандовски беше привремено надвор од националниот тим, откако Пробиеж му ја одзеде капитенската лента во јуни.