Енис Барди би можел да се пресели во турски Трабзонспор пренесуваат германските медиуми.

Наводно тренерот на германскиот тим Ненад Бјелица со кого Барди соработуваше во Трабзонспор сака да го доведе во Германија.

Бјелица смета дека Барди е идеално решение за проблемите во средниот ред на Унион Берлин. Под водство на хрватскиот стратег, Барди играше одлично во Турција, но сега е во втор план и на последните четири натпревари настапи само еднаш и тоа 15-тина минути. Тренер на Трабзон во овој момент е Абдула Авчи.

Информациите се дека Унион Берлин веќе го направил првиот контакт, а трансферот би можел да се реализира ако двете страни се договорат некаде на почетокот на јануари.

Tимот на Њукасл скапо ја плати победата против Њукасл бидејќи
остана без својот прв голман Ник Поуп.
Поуп најверојатно ќе оди на операција на рамото и го очекува долга
пауза. Оваа повреда всушност е обновување на истата која ја имаше
во 2018 година и поради која мораше да паузира половина година.
Во клубот се надеваат дека паузата нема да биде толку долга, меѓутоа
за секој случај во клубот веќе размислуваат и за можни опции за
доведување во јануари.
Њукасл има уште двајца голмани на располагање Мартин Дубравка и
Лорис Кариус. Според информациите изборот паднал на Давид Де Геакој се уште е без ангажман откако замина од Манчестер Јунајтед. Де Геа го напушти Јунајтед откако не се договори околу платата. Во
Јунајтед Шпанецот заработуваше 375.000 фунти. Останува сега да се
види ако во Њукасл се сериозни колку се спремни да понудат за
голман кој во иднина (по враќањето на Поуп) не би бил во прв план.

Првиот човек на УЕФА, Александар Чеферин истакна дека зимско
Светско првенство како во Катар нема да се одржи никогаш повеќе.
Поради високите температури Катар беше домаќин на најдобрите
светски селекции во текот на сезоната и според Чеферин тоа не
донесе ништо добро на фудбалот.
„Правиме се што можеме, се бориме против сите форми на
дискриминација и злоупотреба. Но, никој не треба да го користи
турнирот за лична или политичка корист. Во едно сум сигурен.
Зимското светско првенство не беше добро за фудбалот и не е
паметно да има повторно. Со негово одржување во тој термин се
создава преоптоварување на распоредот“, изјави Чеферин.
Минатата година Светското првенство на кое триумфираше
Аргентина се играше од 20-ти ноември до 18-ти декември.

Јувентус во зимскиот преоден рок може значително да го засили
тимот со две ѕвезди на Манчестер Јунајтед.
Санчо е во потрага по нов клуб откако влезе во конфликт со тренерот
Тен Хаг и сака да го напушти Манчестер Јунајтед. Најсилен интерес
за него покажува Јувентус, кој веќе стапил во контакт со Манчестер
Јунајтед и започнал преговори со англискиот клуб.
Во преговорите двата клуба разговарале и за Дони ван де Бек, кој исто
така е на излезна врата од „Олд Трафорд“.
Двајцата можат да пристигнат во Јувентус во „дисконтна“ цена за
само 26 милиони фунти.

Напаѓачот на Наполи, Виктор Осимен, беше прогласен за најдобар
фудбалер во Италија за 2023 година во изборот на Здружението на
професионални фудбалери.
Тој со 26 гола на 32 натпревари беше еден од најзаслужните за
освоената титула .За најдобар тренер е избран поранешниот тренер на Наполи, Лучијано Спалети. Хвича Кварацелија ја доби наградата за
најубав гол. Доминацијата на Наполи е присутна и во идеалниот тим
на годината.
Голман: Мајк Мањан (Милан). Одбрана: Џовани Ди Лоренцо
(Наполи), Ким Мин-Јае (Наполи), Алесандро Бастони (Интер), Тео
Ернандез (Милан). Играчи од средниот ред: Станислав Лоботка
(Наполи), Хакан Калханолу (Интер), Николо Барела (Интер).
Напаѓачи: Хвича Кварацелија (Наполи), Виктор Осимен (Наполи),
Рафаел Леао (Милан).

Поранешниот фудбалер на Реал Мадрид, Хамес Родригез, кој сега
игра за бразилски Сао Паоло, објасни зошто пред речиси една
деценија одлучил да се пресели во шпанскиот клуб.
„Пари Сен Жермен и Манчестер Сити ме сакаа но, јас сакав слава.
Ништо не може да се спореди со Реал Мадрид. Тоа му го реков и на
Перез“, објасни Колумбиецот.
Тој го облече дресот на „кралевите“ во 2014 година и одигра 125
натпревари, постигнувајќи 37 гола и 42 асистенции. Родригез има
играно за Евертон, Баерн Минхен, Монако, Порто, Банфилд, Ал Рајан
и Олимпијакос.

Луис Суарез го одигра последниот натпревар во дресот на бразилскиот клуб Гремио од кој со голем стил се прости – со гол против Васко де Гама (1-0).

Суарез во неделата вечерта доби овации од публиката и не можеше да ги задржи солзите кога во друштво на своето семејство кое се спушти на теренот го погледна видеото кое му го посвети Гремио.

Напиша прекрасно поглавје од нашата историја. Каде и да си, засекогаш ќе бидеш „бесмртен“, напиша Гремио на социјалните мрежи.

Суарез постигна 27 гола на 52 натпревари за Гремио, а се очекува да му се приклучи на Интер од Мајами, каде го чекаат неговите поранешни соиграчи од Барселона – Лионел Меси, Серхио Бускетс и Жорди Алба.

Напаѓачот на Астон Вила, Оли Воткинс стана третиот играч кој постигнал 20 голови во Премиер лигата во календарската 2023 година. Покрај него, тоа го направија и напаѓачот на Манчестер Сити, Ерлинг Халанд и играчот на Ливерпул, Мохамед Салах.

На натпреварот од 14. коло од англиската Премиер лига меѓу Астон Вила и Бурнемаут, кој се одигра вчера, голот на Воткинс го спаси тимот од Бирмингем од пораз. Англичанецот погоди во 90. минута од натпреварот при резултат 1-2 во корист на домашната екипа и со тоа го израмни резултатот. 

На само 14 натпревари во Премиер лигата оваа сезона, Оли Воткинс постигна осум гола, а забележа и шест асистенции.

Астон Вила по 14 кола се наоѓа на четвртото место на табелата во англиската Премиер лига со 29 бодови. 

Напаѓачот на Тотенхем, Хеунг Мин-Сон, стана првиот играч во историјата на англиската Премиер лига кој постигнал гол против четири различни бранители на шампионската титула.

31-годишниот корејски напаѓач на Тотенхем беше стрелец на натпреварот од 14. коло од Премиер лигата со Манчестер Сити на стадионот „Етихад“. Средбата заврши нерешено со резултат 3-3 – автогол си постигна и Сон. 

Претходно, напаѓачот на Тотенхем успеа да постигне гол на натпреварите против Ливерпул, Челзи и Лестер Сите – сите овие тимови беа актуелни шампиони во времето кога Кореецот постигна гол против нив.

Сезонава Хеунг Мин-Сон одигра 14 натпревари во англиската Премиер лига, постигна девет гола и две асистенции. По 14 кола Тотенхем е на петтото место со 27 бодови.

Арсенал во третото коло од ФА Купот ќе му гостува на Ливерпул во
еден од најинтересните дуели од оваа рунда на најстарото фудбалско
натпреварување во светот.

На ждрепката беа одредени двојките за третата рунда која е на
програмата во јануари и во која влегуваат екипите од Премиер и од
Чемпионшип лигата.
„Топчиите“ го држат рекордот за најмногу освоени трофеи на
турнирот – 14. Ливерпул го дели третото место со Тотенхем и Челзи
како осумкратни освојувачи на трофејот.
Манчестер Јунајтед во оваа фаза ќе гостуваат кај третолигашот Виган,
додека Манчестер Сити ќе биде домаќин на Хадерсфилд.Њукасл ќе
му гостува на Сандерленд, додека, пак, Тотенхем ќе има
премиерлигашка пресметка со Барнли.