Поранешниот директор на фудбалскиот состав Рома, Валтер Сабатини, откри дека на времето Французинот, Адриен Рабиот, не и се приклучил на „волчицата“ само поради неговата мајка.
„Единствено жалам за неуспешниот трансфер на Рабиот. Неговата мајка е виновна за тоа. ПСЖ плати 30 милиони евра и таа сакаше да ги добие парите“ – рече Сабатини.
Ќе потсетиме дека Рабиот играше за францускиот состав од 2012 до 2019 година. По завршувањето на договорот замина како слободен во Јувентус.
Јунајтед бара 47,6 милиони евра за Антони
Манчестер Јунајтед е уверен дека може да го продаде 25-годишниот крилен напаѓач Ентони за 40 милиони фунти (47,6 милиони евра) по неговите успешни настапи во Реал Бетис, каде што игра како позајмен играч.
Оваа информација ја објавија медиумите во Манчестер, а според истите, за бразилскиот фудбалер интерес пројавуваат мадридски Атлетико, како и неколку клубови од италијанскиот шампионат. Бетис сака да ја продолжи позајмицата на Ентони на подолг период, но шпанскиот клуб е свесен дека тешко ќе ги исполни условите на „црвените ѓаволи“.
Ентони му се приклучи на Бетис на позајмица минатиот јануари. Во овој период учествуваше на 12 натпревари на сите турнири, постигнувајќи четири гола и четири асистенции. Актуелниот договор на играчот со англискиот клуб е до летото 2027 година. Според информациите објавени на порталот Трансфермаркт, пазарната вредност на фудбалерот е 20 милиони евра.
Де Роси фаворит за тренерското место во Вулверхемптон
Вулверхемптон стапиле во контакт со италијанскиот тренер Даниеле де Роси за можноста да го преземе тимот следната сезона.
Како што пренесува „Газета дело Спорт“, Де Роси имал повеќе од една средба со клупските челници.
Инаку, Вулверхемптон веќе го смени тренерот оваа сезона. Во моментов на клупата е Португалецот Витор Переира, кој во декември го замени Гери О’Нил.
Де Роси досега во кариерата ги водеше СПАЛ и Рома, каде што ја мина својата професионална фудбалска кариера. На клупата на „Волчицата“ мина осум месеци, од 16 јануари до 18 септември 2024 година.
Доколку двте страни постигнат договор, Де Роси ќе стане вториот италијански тренер во Вулверхемптон.
Легандарниот голман Валтер Зенга го водеше клубот помалку од три месеци од 1 август до 25 октомври 2016 година.
Вулверхемптон моментално е 17-ти на табелата во Премиер лигата, прв над зоната за испаѓање, со девет бода повеќе од Ипсвич.
Пантер ќе добие нов договор во Барселона
Американски кошаркар со српски пасош ќе потпише нов договор со Барселона.
Веќе некое време се зборува за финансиската состојба на Барселона, буџетските промени, амбициите, намалување на платите и слично.
Токму затоа Кевин Пантер беше во јавноста, па се појавија шпекулации од намалување на платата до потенцијално заминување од шпанскиот клуб.
Како што пренесуваат добро упатените „Јурохупс“, поранешниот капитен на Партизан и член на АЕК, Црвена звезда и Олимпија Милано ќе потпише нов договор со Барселона.
Тоа ќе биде тригодишен договор вреден 12 милиони евра или четири милиони по сезона, што ќе го направи Пантера еден од најскапите играчи во европската кошарка.
37 клубови бараат смена на Перо Антиќ
Во Кошаркарската федерација на Македонија, во вторникот е поднесено барање за Вонредно собрание. На Вонредното собрание ќе се гласа за смена на актуелниот претседател, Перо Антиќ.
Иницијаторите за смена на актуелното раководство на Федерацијата се обидоа да му изгласат недоверба на Антиќ во декември минатата година, но тогаш најде „дупка“ во праилникот и си купи уште неколку месеци на функцијата.
Иницијативата за смена на Антиќ ја поднел поранешниот репрезентативец Младен Ѓуровски. Тој има поддршка од 37 членки на Собранието.
Кошаркарската федерација на Македонија мора во рок од две недели да го закаже Вонредното собрание, доколју тоа не се случи инцијаторите имаат право сами да го организираат.
Македонското пливање доби нов претседател
Министерот за спорт, Борко Ристовски, присуствуваше на денешното изборно Собрание на Националната пливачка федерација на кое за нов претседател беше избран, Сашо Лазаровски.
Министерот најави дека Министерството за спорт ќе посредува и директно ќе помага во решавање на проблемите кои со години го обременуваат овој спорт.
„Сакам да ги поздравам сите што ја прифатија мојата иницијатива за обединување во пливањето. Министерството за спорт ќе посредува и директно ќе помага во решавање на проблемите што беа натрупани и во најбрз можен рок сметката на федерацијата ќе биде одблокирана“ – рече министерот Ристовски.
Жорж Жесус ќе го преземе Бразил, на Нејмар тоа не му се допаѓа
Бразилската фудбалска репрезентација е во потрага по нов селектор откако се разделија со Доривал Жуниор поради резултатската криза.
Потрагата не оди баш лесно, Бразилците имаа високи амбиции и сакаа да ги доведат Карло Анчелоти и Пеп Гвардиола на клупата, ама тоа се нереални желби.
Сега се споменува дека нов селектор би можел да биде Жорж Жезус. Искусниот стратег е актуелен тренер на Ал Хилал и работеше со Нејмар за време на неговиот престој во Саудиска Арабија. Односот на двајцата не беше најдобар, па поради тоа искусниот фудбалер не е најзадоволен со последните шпекулации.
Во својата тренерска кариера Жорж Жезус ги водеше Бенфика, Спортинг, Брага, Фламенго и Фенербахче.
Интер го сака Луис Енрике Лима од Олимпик Марсеј
Фудбалерот на Олимпик Марсеј, Луис Енрике Лима, влегува на радарот на Интер. Според новинарот, Џанлука Ди Марцио, скаутите на миланскиот клуб имале одлични оценки за 23-годишниот крилен напаѓач.
Главниот тренер на италијанците, Симоне Инзаги, сака да го ангажира Лима кој има трансферна вредност од 30 милиони евра.
Бразилецот во сезонава одигра 27 натпревари во францускиот шампионат на кои постигна 7 голови и направи 5 асистенции.
Партизан и АЕК ќе го преиграат дуелот на неутрален терен
Ракометниот натпревар меѓу Партизан и грчки АЕК во рамките на четвртфиналето на Купот на ЕХФ е одложен поради инциденти во салата Бањица.
По тој повод 24 часа подоцна се огласи и Европската ракометна федерација (ЕХФ).
Според соопштението на Европската ракометна федерација, реваншот ќе се игра, но на неутрален терен.
„ЕХФ во понеделник одлучи да го премести натпреварот на неутрален терен, ниту во Србија, ниту во Грција. Точната локација и време ќе бидат објавени во догледно време. Со оглед на се она што се случуваше во недела навечер, ЕХФ размислува натпреварот да се одигра без публика. Сепак, ќе биде покрената правна постапка за се она пто се случи во салата на Бањица“, се вели во соопштението.
Натпреварот требаше да започне во 18 часот во салата Бањица, но навивачите на Партизан фрлија неколку топовски удари на теренот, поради што реваншот не започна навреме, а потоа се претвори во двочасовно чекање, откако играчите на АЕК одбија да излезат на теренот.
Ракометарите на Партизан ги молеа своите симпатизери да се вратат во спортските рамки на навивање, но тоа не се случи.
На првиот натпревар во Атина, исто така во многу тензична атмосфера, АЕК го совлада Партизан со резултат 27:22.
Холанѓанецот Стеинс го продолжи договорот со ПСЖ
Ракометниот репрезентативец на Холандија, Лук Стеинс го продолжи догоорот со ПСЖ.
Средниот бек и раководството на ПСЖ се договорија на нова соработка, па така искусниот ракометар во дресот на „светците“ ќе остане најмалку до летото, 2029 година.
Холанѓанецот со ПСЖ имаше договор до 2026, а двете страни одлучија дека продолжувањето на соработката е најдобра опција, па новиот договор ќе го задржи во Париз уште три дополнителни сезони.
Стеинс во ПСЖ пристигна во текот на 2020 година како „медицински џокер“ за Никола Карабатиќ и веднаш ги задоволи критериумите на раководството на клубот.
