Ѕвездата на Барселона Рафиња не сака да го напушти клубот, пишуваат медиумите во Шпанија.

Фудбалерот одбил неколку понуди за трансфер во текот на летото, од кои некои беа од клубови од Премиер лигата.

Рафиња постигна шест гола и три асистенции од почетокот на сезоната во август.

Репрезентативецот на Бразил нема намера да ги напушти Каталонците пред да му истече актуелниот договор во 2027 година.

Во изминатите неколку недели се појавија информации дека Барселона размислува дури и да му понуди нов договор на Рафиња. Доколку се постигне договор, тој ќе остане во Барселона и подолго од очекуваното.

Играчот од средниот ред на Реал Сосиедад, Мартин Зубименди, верува дека ја донел вистинската одлука со тоа што ја одбил понудата од Ливерпул ова лето.

„Поминав низ неколку непријатни моменти. Најдобрата одлука за мене беше да останам овде. Среќен сум и смирен. Имаше голема врева поради медиумите, но на крајот се испадна поедноставно отколку што изгледаше. Секако, не жалам за овој избор, не можам да бидам негативен по четири или пет натпревари на почетокот на сезоната. Не ми е грижа за резултатите. Гледам потенцијал во овој тим. Само треба да гледате како тренираме. Мислам дека ќе имаме добра сезона“, изјави Зубименди.

Зубименди е младински играч на Реал Сосиедад. 25-годишниот играч одигра 197 натпревари за првиот тим на клубот, постигнувајќи 9 голови и 7 асистенции. Неговиот договор е до јуни 2027 година.

Реал Сосиедад по 8 кола се наоѓа на 14. позиција во Ла Лига со 8 бодови. 

Радикалните навивачи на Атлетико МАдрид го гаѓаа Тибо Курота со разноразни предмети на големото дерби кое се одигра во неделата и предизвикаа прекин во последните 20 минути од мечот, а поради лошата слика која беше оставена за шпанскиот фудбал, беше јасно дека ќе има реакција од Федерацијата.

Маскираните лица на главната трибина на Атлетико дефинитивно се покажаа во најлошо можно светло, па во денови кога пристигнаа многу критики и од други страни на светот, неизбежно беше „душекџиите“ да минат без казна.

Дисциплинското тело при шпанската Федерација вечерва ја соопшто конечната одлука за Јужниот сектор на „Метрополитано“, односно соопшти дека оваа трибина ќе биде суспендирана на наредните три меча.

Иако направениот престап е навистина сериозен, Федерацијата смета дека истиот е направен од локализирана група на луѓе од еден сектор на стадионот, па затоа наместо целосно, ќе има само делумна „затворање“ на стадионот на Атлетико.

Затворени ќе бидат секторите од 127 до 133, што значи дека нема да биде затворена и цела Јужна трибина, туку само пет илјади седишта зад десниот гол на теренот.

Ова значи дека „Метрополитано“ нема да биде исполнет на следните три меча кои ќе ги игра Атлетико на домашен терен, а тоа се натпреварите со Леганес, Лас Палмас и Алавес.

Eгипќанецот Мохамед Салах одигра уште еден одличен натпревар за Ливерпул во победата против Болоња од 2-0 во Лигата на шампионите.

Салах постигна убав гол во второто полувреме и така уште еднаш ја потврди својата светска класа, но исто така успеа да сруши и рекорд во Лигата на шампионите.

Во вчерашниот натпревар Салах стана најдобриот африкански голгетер во историјата на Лигата на шампионите. За Салах погодокот против Болоња беше 45. во најелитното европско натпреварувања и така го остави зад себе Дидие Дрогба со еден помалку.

На третата позиција е Самуел Ето кој во европската елита постигна 30 гола. Исто така Салах стана и првиот играч на Ливерпул кој постигнал пет голови во низа на натпревар од ЛШ.

Неколку клубови од Премиер лигата покажуваат силен интерес за ѕвезата на Борусија Дортмунд, Карим Адејеми.

Пред две години Адејеми пристигна од РБ Салцбург за 30 милиони евра, но не ги оправуваше во целост очекувањата. Сепак, оваа сезона блеска во дресот на „милионерите“.

Интерес за него покажуваат Манчестер Јунајтед и Ливерпул кои веќе стапиле во контакт со неговиот агент.

Борусија Дортмунд е спремна да слушне понуди, но не помали од 50 милиони евра.

Крилниот напаѓач на Реал Мадрид, Родриго вчера не настапи на натпреварот со Лил (0-1) поради проблеми со грбот. Ова го потврдија по натпреварот од „кралскиот клуб“.

Родриго го мина вториот меч од Лигата на шампионите на клупата за резерви, откако се повреди на неделниот натпревар од Ла Лига против екипата на Атлетико Мадрид.

Според информациите, сепак, не станува збор за посериозна повреда и се очекува Родриго брзо да се врати во стартниот тим на Анчелоти.

Интер Мајами пред време стана победник на регуларниот дел од сезоната на МЛС лигата во САД.

Клубот од Флорида синоќа го победи Колумбус со 3:2 и по 32 меча со 68 бода се зацврсти на првото место на табелата. Така, Интер Мајами го освои трофејот што му се доделува на победникот во регуларниот дел од сезоната на МЛС лигата.

За главната ѕвезда на тимот од Флорида, Лионел Меси, кој постигна два гола во клучната победа на Интер Мајами, ова е 46-та титула во кариерата.

Фудбалерот на Атлетик Билбао, Нико Вилијамс ова лето на големо се поврзуваше со заминување од клубот од Баскија, но на крајот избра да остане.

Најблиску до неговиот потпис беше Барселона, меѓутоа каталонците не успеаа да го доведат.

Тој и понатаму е мета на многу европски гиганти, а сега најсериозен интерес за него покажува Манчестер Јунајтед.

Вилијамс во договорот има откупна клаузула од 58 милиони евра која воопшто нема да претставува проблем за „црвените ѓаволи“.