Горан Пандев остави голема трага во Серија А, со Интер ја освои тројната круна. В Милано се пресели од Лацио како слободен играч.

Пандев за „Радио Лациале“ ја коментираше одлуката на Елиф Елмас да ја напушти Бундес лигата и да се врати во Серија А. Неодамна Елмас потпиша за Торино.

Елмас пред една година од Наполи се пресели во Лајпциг за 24 милиони евра. Во Лајпциг не доби вистинска шанса. Во првиот дел од новата сезона. Еламс сезонава за Лајпциг одигра 44 минути во Бундеслигата и 15 во Лигата на шампионите.

Торино ќе има можност за 17 милиони евра да го откупи неговиот договор.

„Елмас во Торино? Донесе добра одлука што се врати во Италија, Серија А е многу подобра лига за него отколку Бундеслигата“, рече Пандев и потоа одоговри на прашањето зошто во овој омент не гледа млади македонски таленти кои можат брзо да завршат во Серија А.

„Сметам дека не се доволно подготвени за Серија А. Проблем прави и тоа што Македонија не е членка на Европската унија. Со самото тоа, потпишувањето со такви играчи претставува дополнителен проблем“.

Германскиот репрезентативец, Каи Хаверц, се здобил со сериозна повреда на тренинг кампот во Дубаи. Менаџерот на Арсенал Микел Артета сега има сериозен проблем, бидејќи веќе не може да смета на Букајо Сака, Габиел Мартинели и Габриел Хесус.

Новинарот на британски „Атлетик“. Дејвид Орнштајн тврди дека Каи Хаверц ја скинал тетивата.

„Атлетик“ објави дека допрва следуваат детални прегледи, дека се уште не е утврдено дали ќе биде неопходна операција, но дека сезоната 2024/25 за Хаверц е дефинитивно завршена.

Германскиот репрезентативец беше стандарден во досегашниот дел од сезоната, постигна 15 гола и забележапет асистенции на 34 настапи во сите натпреварувања.

Менаџерот на Манчестер Сити, Пеп Гвардиола го претрпе својот дванаесетти пораз во сите натпреварувања оваа сезона, повторувајќи го неговото лично најлошо достигнување досега во една сезона.

Да потсетиме, Манчестер Сити загуби на домашен терен во првиот натпревар од плеј-оф рундата од Лигата на шампионите 2025/2025 од Реал Мадрид (2-3).

Според информациите кои беа објавени, Манчестер Сити претходно имал исто толку порази во сите натпреварувања под водство на Гвардиола само во сезоната 2019/20.

Покрај поразот во мечот со Реал, избраниците на Гвардиола загубија и во Лигата на шампионите од ПСЖ (2-4), Јувентус (0-2) и Спортинг (1-4). Манчестер Сити загуби од Арсенал (1-5), Астон Вила (1-2), Манчестер Јунајтед (1-2), Ливерпул (0-2), Тотенхем (0-4), Брајтон (1-2) и Бурнемаут (1-2) во Премиер лигата, како и од Тотенхем во англискиот Лига Куп со резултат 1-2.

Раководството на Барселона ќе продолжи со политиката на поврзување на долгорочната иднина на водечките играчи со клубот.

Откако Жерар Мартин , Роналд Араухо, Педри и Гави потпишаа нови договори во рок од осум дена, сега ќе му биде понуден и на заменик капитенот Рафиња.

Актуелниот договор на Бразилецот, кој има исклучителна сезона и веќе има 24 гола и 15 асистенции на 35 натпревари, истекува во 2027 година.

Сепак, клубот сака да го продолжи за две дополнителни години. Покрај тоа, Рафиња од 2026 година ќе добие и зголемување на платата.

Напаѓачот на Реал Мадрид, Килијан Мбапе ги надмина легендите како Раул Гонзалес и Андриј Шевченко по головите постигнати во нокаут натпреварите од Лигата на шампионите.

Францускиот голгетер постигна гол против Манчестер Сити во првиот натпревар од пресметката со Манчестер Сити на „Етихад“. Мбапе погоди за 1-1 во вториот дел, а тоа беше негов дваесетти гол во елиминациски меч од Лигата на шампионите. Французинот до оваа бројка на постигнати голови дојде во триесет натпревари.

На овој начин ги надмина Раул и Шевченко кои имаат по осумнаесет гола. Раул своите голови ги постигна на 46 натпревари, додека Украинецот на 32 натпревари.

Пред Килијан Мбапе се уште имиња како Томас Милер, Карим Бензема, Роберт Левандовски, Лионел Меси и Кристијано Роналдо.

Тренерот на Реал Мадрид, Карло Анчелоти, по вчерашната голема победа на гостувањето кај Манчестер Сити од 2-3, изјави дека е задоволен од играта на својот тим и дека го радува враќањето на двајца играчи за реваншот на „Сантијаго Бернабеу“.

„Денес добро се браневме и во оние ретки моменти кога ја загубивме присебноста и почнавме да притискаме високо, противникот ни создаде проблеми. Ова е важна лекција за нас. Но, јас ќе го кажам ова: денешната дефанзивна линија никогаш не играла заедно, а и никогаш не ни тренирале заедно, но одиграа брилијантно… Но мислам дека ни требаат Ридигер и Алаба за реваншот. Дотогаш тие треба да се вратат од повредите“, ги изјавил Анчелоти.

Директорот на Јувентус, Кристијано Џунтоли, потврди дека работат со ПСЖ за продолжување на соработката со Рандал Коло Муани и следната сезона, особено по одличниот старт на Коло Муани во дресот на „Старата Дама“.

„Требаше да покриеме некои празнини создадени од повредите, па моравме да интервенираме во одбраната со тројца играчи, а поради повредата на Милик се свртевме и кон Коло Муани“, изјави Џунтоли.

„Имаме добар однос со ПСЖ и кога беше затворен преодниот рок, веќе видовме дека Милик можеби нема да биде подготвен на време, па работевме да ги поставиме темелите на овој трансфер. Договорот што го постигнавме со нив, исто така, создаде опција да продолжиме со него и во иднина. Ќе работиме на тоа до летото“, потврди директорот на Јувентус.

Реал Мадрид стигна до голема победа во Манчестер, каде го совлада Сити со 3-2 (0-1) во првиот бараж натпревар за пласман во осминафинален натпревар од Лигата на шампионите.

Менаџерот на Сити, Пеп Гвардиола ја презеде одговорноста по натпреварот, но истакна дека сите во тимот се одговорни за конечниот исход.

„Ова ни се случи многу пати оваа сезона. Ги знам квалитетите на тимот на Реал Мадрид. Во вториот дел ја контролиравме играта, но сакавме да нападнеме пребрзо. Ова се случи бидејќи Реал е извонреден тим.

Лошите одлуки ја направија разликата. Јас ја преземам вината, иако не сум само јас, виновни се сите. Повредите не мачат цела сезона и тоа сите го знаат”, изјави по натпреварот менаџерот на Манчестер Сити.

Реваншот се игра следната среда на стадионот „Сантијаго Бернабеу“.

Напаѓачот на Фиорентина, Моисе Кин, на својот личен профил на Инстаграм покажа дел од пораките испратени до него, во кои е навредуван, а зборот „мајмун“ преовладува откако „виолетовите“ загубија од Интер во Милано во натпревар од Серија „А“.

Некои од профилите, од кои се напаѓа фудбалерот, не се анонимни, туку имаат имиња. Самиот Кин одговори на повеќето пораки со омраза со емотикон за повраќање и натпис: „Дали ова сè уште постои во 2025 година?“

Во исто време, Фиорентина веднаш излезе во одбрана на својот играч.

-Клубот изразува сочувство за Мојс Кин, кој стана жртва на расистички напади на социјалните мрежи по крајот на натпреварот против Интер. Авторите на овие навреди се предадени на надлежните органи, напишаа од клубот од Фиренца.