Баерн Минхен е на чекор до ангажман на талентираниот германски напаѓач Ник Волтемаде, откако клубот постигна договор за личните услови со 23-годишниот фудбалер. Волтемаде се обврза на петгодишен договор, што претставува важен чекор во стратегијата на Баерн за обезбедување на млади домашни таленти. 

Младиот напаѓач го дал својот позитивен одговор и изразил задоволство за амбициозниот проект на Баерн. Управата на клубот дејствуваше брзо за да го осигура договорот и да ја засили конкуренцијата во нападот. 

Сега, кога личните услови се договорени, Баерн ги започна преговорите со Штутгарт, клубот кој моментално ги поседува правата на Волтемаде. Разговорите се во тек, но се очекува Штутгарт да бара најдобри можни услови за својот играч. 

Овој потег е дел од пошироката трансфер-стратегија на Баерн – рано и решително ангажирање на перспективни играчи. Клубот останува фокусиран на долгорочно градење на тим што ќе биде конкурентен и на домашната и на европската сцена. 

Барселона се подготвува за ново поглавје откако тинејџерската сензација Ламин Јамал ќе ја преземе легендарната „десетка“ од следната сезона. Дресот што го носеа великани како Лионел Меси и Роналдињо сега ќе му припаѓа на 17-годишниот крилен играч, откако Ансу Фати се пресели во Монако. 

Одлуката е донесена одамна, а официјално ќе биде соопштена во јули, кога Јамал ќе наполни 18 години – токму на 13 јули, денот кога започнуваат предсезонските подготовки. Новиот дрес на Барселона ќе биде претставен следната недела, но објавата дека Јамал ќе ја носи „десетката“ ќе се случи дури по неговиот роденден. 

Да се носи бројот 10 во Барселона носи голема симболика. Тоа е дрес што значи талент, лидерство и креативен сјај на теренот. Од заминувањето на Меси во 2021 година, клубот трага по нов предводник кој ќе ја продолжи таа традиција. 

Неверојатниот подем на Јамал, продолжувањето на договорот до 2031 и клаузулата за откуп од една милијарда евра го потврдуваат целосното доверие на клубот во него. Младиот ас сега ја има шансата – и предизвикот – да ја води Барселона во нова ера, под светлата на рефлекторите и со историјата на своите плеќи. 

Атлетико Мадрид договори трансфер на шпанскиот среден играч Алекс Баена од Виљареал во трансфер вреден 45 милиони евра плус уште 5 милиони евра во бонуси. 23-годишниот фудбалер веќе ги договори личните услови со Атлетико во мај, што го олесни процесот на трансферот. 

Договорената сума е нешто помала од откупната клаузула на Баена, што покажува дека Атлетико успешно ги намали трошоците преку преговори. Виљареал беше спремен да ги почитува желбите на играчот да премине во Атлетико, и покрај интересот од други клубови. Имаше разговори за вклучување други играчи во договорот, но на крајот се договорија на парична сума и бонуси. 

Баена беше еден од најистакнатите играчи на Виљареал, привлекувајќи внимание од неколку клубови од Ла Лига и пошироко. Неговото доаѓање ќе го зајакне средниот ред на Атлетико, со додавање креативност и енергија пред почетокот на новата сезона.  

Овој трансфер е прво значајно засилување на Атлетико ова лето и ја потврдува нивната желба да се борат за трофеи дома и во Европа. Исто така, ја истакнува нивната стратегија за вложување во млади, талентирани шпански играчи за изградба на конкурентен тим во иднина. 

Португалскиот фудбалски ас, Кристијано Роналдо го продолжи договорот со Ал-Наср и тоа на 40-годишна возраст.

Како што пишува „beIN Sports“, платата на Кристијано останала иста – 200 милиони евра по сезона. Одржувањето на неговите приходи на таква возраст е исто така достигнување.

Постојат извештаи за 400 милиони (поделени на 1,1 милион дневно и 13 евра во секунда) што се шират низ социјалните мрежи, но нема докази што го поткрепуваат ова. Дури и без ова, Роналдо е најплатениот спортист во светот.

Ал-Наср првично сакаше едногодишен договор, но му дозволија на Португалецот сам да одлучи. Тој доби сè што сакаше.

Роналдо нема да добие само огромна плата туку и еден куп бонуси, дури и 15% од акциите на Ал-Наср – проценети на 35 милиони евра.

„Почнувам ново поглавје со истата страст и сон. Ајде да создаваме историја заедно“, беа првите зборови на Португалецот по објавата. „Моите амбиции немаат целна линија. Стабилноста, решителноста и тимската работа се она што ќе нè направи подобри. И тоа е задачата за која работам толку напорно да ја постигнам“ изјави Роналдо.

Екипата на Пиза која по 34 години се врати во Серија „А“, го обезбеди на тренерската позиција, Алберто Џилардино.

Поранешниот италијански репрезентативец потпиша договор за две сезони со опција за продолжување на уште една.

Џиралдино досега има работено во Про Верчели, Сиена и Џенова.

Репрезентацијата на Холандија е новиот европски шампион за фудбалери до 19 години, откако синоќа во финалето во Букурешт ја совлада бранителот на титулата, Шпанија, со минимални 1-0. Одлучувачкиот момент на натпреварот беше автоголот на капитенот на Шпанија, Раул Хименез, во второто полувреме.

Во тврд натпревар со шанси на двете страни, првото полувреме заврши без голови. Вистинската драма започна по паузата, кога во период од само седум минути рамката од голот се тресеше дури три пати. Најпрво, Холанѓанецот Тајго Ланд ја погоди стативата, на што веднаш возврати шпанецот Антонио Кордеро, кој исто така го погоди дирекот. Набрзо потоа, и ударот со глава на Оскар Маркос заврши во пречката на холандскиот гол.

Клучниот момент се случи во 63. минута, кога по нафрлувањето на холандскиот капитен Гиваиро Рид, топката го погоди неговиот шпански колега Раул Хименез и заврши во сопствената мрежа за водство и конечна победа на Холандија.

Ова е прва титула за Холандија во историјата на Европското првенство до 19 години, со што станаа првиот нов шампион по Португалија во 2018 година. Со овој триумф, селекторот Петер ван дер Вен стана тренер кој освоил европски титули и со У17 и со У19 селекцијата на својата земја.

Покрај тимскиот успех, Холандија доби и индивидуални признанија. Кис Смит, играчот за врска на АЗ Алкмар, беше прогласен за Играч на турнирот. Тој, исто така, беше и еден од четворицата најдобри стрелци на финалниот турнир.

„Чувството е неверојатно и многу сум горд на тимот и на себе што сум капитен. Покажавме дека сме вистински лавови”, изјави холандскиот капитен Гиваиро Рид по натпреварот.

Селекторот Петер ван дер Вен го опиша моментот како „магичен“ и го пофали заедништвото и вербата во тимот во текот на целиот двегодишен процес.

Иван Перишиќ имаше феноменална сезона во ПСВ. Со тоа го привлече вниманието и на клубови како Барселона. Во текот на изминатите недели се шпекулираше дека Барса сака да го ангажира Хрватот кој има 36 години.

Каталонците го гледаа Иван како можно решение за крилните позиции. Сепак, бидејќи сите свои напори ги насочија кон Нико Вилијамс, Перишиќ немаше намера да ги чека. Хрватскиот фудбалер одлучи да потпише нов двегодишен договор со ПСВ. Сè уште има мали детали што треба да се решат и сè треба да стане официјално многу наскоро.

„Иван Перишиќ е на чекор од потпишување на нов договор со ПСВ Ајндховен. Барса се распрашуваше за него, но сега се целосно фокусирани на Ницо“, објави Фабрицио Романо.

Фудбалерите на Манчестер сити го декласираа Јувентус во Орландо (5-2) и ја освоија првата позиција во Групата Г на Светското клупско првенство. .

Џереми Доку постигна гол за „граѓаните“ во деветтата минута, Пизедначи Теун Копмајнерс две минути подцна, а потоа следувше канонада кон голот на Јувентус.

Мрежата на „старата дама“ ја погодија Пјер Калулу (автогол) во 26-та минута, Ерлинг Халанд во 52-та, Фил Фоден во 69-та минута и Савињо во 75-та минута. Вториот гол за Јуве го постигна Душан Влаховиќ во 84-та минута.

Сити и Јувентус од оваа група се пласираа во осминафиналето.