Напаѓачот на Ливерпул, Коди Гакпо, откри дека Баерн Минхен покажал интерес да го доведе во своите редови за време на летниот преоден рок. Холандскиот репрезентативец потврди дека германскиот клуб стапил во контакт, но на крајот се свртел кон друга цел.
Баерн потоа го реализираше големиот трансфер на Луис Дијаз за сума од околу 75 милиони евра. Колумбиецот потпиша договор до 2029 година, во една од најскапите аквизиции во историјата на клубот. Очекувањата се дека ќе биде клучен играч во новиот напад на баварскиот гигант.
Иако имаше интерес, Гакпо никогаш сериозно не размислувал за заминување. Наместо тоа, тој ја потврди својата посветеност на Ливерпул со нов долгорочен договор до 2030 година. За трансфер периодот рече дека бил стресен, но нагласи дека се чувствува како дома на Енфилд.
Овој потег доаѓа по извонредна сезона во која Гакпо одигра значајна улога во освојувањето на титулата во Премиер лигата. И покрај заминувањето на Дијаз, Ливерпул останува со силен напад, дополнет со нови засилувања и млади таленти кои се подготвени да блеснат.
Нејмар ќе наследи милијарда долари од бразилски бизнисмен
Во изненадувачки развој на настани, Нејмар е именуван за единствен наследник на богатството на еден богат бразилски бизнисмен од Порто Алегре. Се проценува дека наследството вреди околу 1 милијарда долари, што значително ќе го зголеми неговото веќе големо богатство.
Бизнисменот, кој има 31 година и се соочува со здравствени проблеми, официјално регистрирал тестамент во кој целото свое богатство му го препишал на Нејмар. Иако не се поврзани со роднински врски, тој истакнал дека има длабока почит кон карактерот на Нејмар и неговите семејни вредности, особено блискоста со неговиот татко, која го потсетила на сопствениот однос со покојниот татко.
Според бразилските закони, дозволено е лицето да ја остави својата имотна оставина на кого било, без оглед на роднински врски, што го прави тестаментот правно валиден. Наследството наводно вклучува недвижности, удели во компании и значителни инвестиции.
Иако советниците на Нејмар сѐ уште немаат потврдено дали е примена официјална документација, веста веќе привлече големо внимание. Ѕвездата на ПСЖ и на бразилската репрезентација, чие богатство се проценува на 350 милиони долари, неодамна се врати во Бразил и активно се подготвува за Светското Првенство во 2026 година.
Ова неочекувано наследство внесува ново, изненадувачко поглавје во животот на Нејмар, кариера што сега вклучува и спортски успеси и неверојатен финансиски раст.
Ливерпул повторно може да го пропушти Гехи
Надежите на Ливерпул да го донесе Марк Гехи се под сериозна закана, бидејќи пет клуба ќе се борат за потписот на дефанзивецот од Кристал Палас. Конкуренцијата околу 25-годишниот дефанзивец значително се зголеми, што става знак прашалник над можниот трансфер на Енфилд.
Иако сè беше договорено на последниот ден од трансфер периодот и Гехи успешно ги помина медицинските прегледи, трансферот во Ливерпул пропадна во последен момент. Кристал Палас беше принуден да го повлече назад, откако не успеа да реализира трансфер на друг одбранбен играч.
Гехи одамна е цел на Ливерпул, но интересот за англискиот репрезентативец експлодираше поради тоа што тој влегува во последната година од неговиот договор, што значително ја намали неговата цена. Според извори, клубови од Англија и Шпанија, меѓу кои и Реал Мадрид го ставиле на својата листа на желби за следниот преоден рок, што ја потврдува неговата растечка вредност.
Секој од заинтересираните клубови нуди различни услови – од подобри финансиски понуди до ветувања за поголема минутажа, што создава дополнителен притисок врз Гехи пред да ја донесе конечната одлука.
Милевски: Задоволство ми е што работам со вакви фудбалери, нашиот фокус е на Лихтенштајн
Милевски: Задоволство ми е што работам со вакви фудбалери, нашиот фокус е на Лихтенштајн
Репрезентација на Македонија одигра пријателски натпревар со Саудиска Арабија во Прага и загуби со 1:2. Нашиот национален тим поведе со фантастичниот гол со ножички на Александар Трајковски во 40. минута, но Саудиска Арабија израмни пред одморот со погодокот на Ал Брикан. Победничкиот гол го постигна Абдулах Ал Хамдан во 78. минута.
Селекторот Благоја Милевски веднаш по натпреварот даде и анализа на пријателскиот меч.
„Има многу моменти од кои сум задоволен, особено затоа што експериментиравме со составот. Добивме уште двајца играчи кои ќе ја засилат конкуренцијата во тимот. Веќе нагласив дека натпреварот со Лихтенштајн е од големо значење за нас, а сè останато служи како подготовка. Одигравме квалитетен меч против силен противник и навистина ми е задоволство што работам со вакви фудбалери. Сите се адаптираат на новата формација и задачите. Против Лихтенштајн ќе бидеме максимално мотивирани, како што сме на секој натпревар“, изјави селекторот Милевски.
Нашиот национален тим сега го очекува квалификациски дуел против Лихтенштајн в недела (18 часот) на Арената „Тодор Проески“ во Скопје, во петтото коло од квалификациите за Светското првенство.
Меси со два гола се прости од аргентинската публика
Во Јужноамериканските квалификации за Светското првенство 2026-та, се одиграа натпреварите од претпоследното 17. коло.
Се мина во знакот на фудбалскиот генијалец Лионел Меси кој го одигра својот натпревар за Аргентина пред домашната публика. На стадионот „Монументал“ во Буенос Аирес пред речиси 85.000 гледачи, светскиот шампион Аргентина ја пречека Венецуела.
Меси го имаше својот последен „домашен танц“.
Уште при загревањето, а потоа и интонирањето на химната, видливи беа емоциите на фудбалскиот „Бог“.
За простувањето да мине во уште поголема еуфорија, Меси се погрижи во 40. минута.
По асистенцијата на Хулиан Алварез, на неверојатен, само нему својствен начин Меси постигна го за водство од 1-0. Откако Лаутаро Мартинез зголеми на 2-0, Лионел Меси беше стрелец на третиот гол за Аргентинците.
Аргентинците ја остварија дванаесеттата победа со која само ја потврдија својата супериорност во овие квалификации и го освоија убедливо првото место.
Покрај актуелниот светски шампион Аргентина, директен пласман на Мундијалот обезбедија и: Уругвај, Еквадор, Бразил Колумбија и Парагвај.
Покрај поразот Венецуела останува во игра за местото кое води во баражот, со бод повеќе од Боливија.
Еурофарм Пелистер со лесна победа во Бутел ја отвори Суперлигата
Македонскиот ракометен првак Еурофарм Пелистер со победа над Бутел Скопје со 29-20 ја отвори новата сезона во машката ракометна Суперлига која стартуваше од вчера.
Петар Атанасијевиќ беше најдобар со десет гола, пред Мирче Калајџиоски со четири гола, додека кај бутелчани, Димитар Узунчев и Дејан Михајловиќ погодија по четири пати.
Во второто суперлигашко коло, Еурофарм Пелистер дома ќе го пречека Пролет, додека Бутел Скопје игра со Радовиш.
Македонија загуби од Саудиска Арабија на тест меч во Прага
Репрезентацијата на Македонија забележа пораз (1-2) од Саудиска Арабија на пријателскиот натпревар што се одигра во Прага на стадионот на Викторија Жижков.
Нашиот национален тим поведе со неверојатниот гол со ножички на Александар Трајковски во 40. минута, а Саудиска Арабија израмни непосредно пред одморот со погодокот на Фирас Ал Брикан.
Победата на Саудијците ја донесе Абдулах Ал Хамдан, откако со удар од далечина го совлада Столе Димитриевски во 78. минута од мечот.
Селекторот Благоја Милевски му даде шанса на Лука Станковски да дебитира како стартер на овој пријателски натпревар, а од почетокот на вториот дел заигра и Елмин Растодер, новото име во националниот тим, кој е член на Тун.
Од стартот на мечот, дел од постандардните репрезентативци, како капитенот Енис Барди, Елиф Елмас, Бојан Миовски, Дарко Чурлинов, Ѓоко Зајков, останаа на клупата за резерви, дел од нив добија шанса подоцна.
По воведните минути, Саудиска Арабија имаше поголем посед на топката, а и прва се закани во 27.минута, кога Ал Обод продре по левата страна. Тој имаше можност да шутира, но се реши за додавање во срцето на шеснаесетникот, каде Висар Муслиу успеа да расчисти.
Македонија возврати преку центаршутот на Деспотовски, но Лука Станковски за малку не успеа да ја стигне топката на вториот дирек.
Во 30. минута, Ал Шамат се закани со удар од далечина, но Столе Димитриевски одбрани и исфрли во корнер.
Десет минути подоцна, магија на Александар Трајковски. Изведе спектакуларен акробатски удар со ножички, ја зафати фантастично топката по нафрлувањето на Деспотовски и ја закова зад грбот на голманот на Саудиска Арабија.
Сепак, непосредно пред одморот, Саудијците успеаја да израмнат. Ал Брикан во 45. минута беше стрелец на голот за Саудиска Арабија.
Во второто полувреме, неколку замени во двете селекции. По еден час игра влегоа и Енис Барди и Елиф Елмас, претходно и Илиевски, Растодер, Ќамили во нашиот тим.
Немаше изразени можности за погодок сѐ до финишот на мечот.
Во 78. минута, Саудиска Арабија успеа да поведе. Ал Хамдан одзеде топка на 30 метри од голот на Македонија, се доближи уште неколку метри и потоа се одлучи на силен и прецизен удар од далечина, совладувајќи го Столе Димитриевски.
Македонската фудбалска репрезентација сега се фокусира на важниот квалификациски натпревар против Лихтенштајн, кој ќе се одигра в недела (7. септември) на Националната Арена „Тодор Проески“ во Скопје, со почеток во 18 часот.
Митев и Костески наскоро се враќаат во тимот на Алкалоид
Тимот на Алкалоид и македонската ракометна репрезентација ќе добијат големо засилување во пресрет на Суперлигата и на Европското првенство кое во 2026 година ќе се игра во Данска, Шведска и Норвешка.
Двајцата репрезентативци Марко Митев и Никола Костески за еден месец повторно ќе бидат на терен.
Митев е надвор од игра од март поради кинење на лигаментите, додека Костески во април беше подложен на операција на Ахиловата тетива.
Сабаленка и Анисимова во финалето на УС Опен
Белоруската тенисерка број еден во светот, Арина Сабаленка и Американката Аманда Анисимова (ВТА-9) ќе играат во финалето на грен слем турнирот во Њујорк.
Сабаленка избори финале на УС Опен, откако синоќа јапобеди четвртата тенисерка во светот Џесика Пегула од САД во три сета, со 4-6, 6-3, 6-4.
Дуелот траеше два часа и седум минути.
Сабаленка, која ја брани титулата на УС Опен која ја освои минатата година со победа над Пегула, ќе игра во финалето против Анисимова, која во полуфиналето ја победи Јапонката Наоми Осака (ВТА – 24) со 6-7, 7-6, 6-3 во дуел што траеше два часа и 58 минути.
Ова е второ грен слем финале за Анисимова, откако годинава играше и во финалето на Вимблдон, додека Сабаленка трета година по ред дојде до финалето во Њујорк.
Познати сите јужноамерикански учесници на Мундијалот
Фудбалските репрезентации на Уругвај, Колумбија и Парагвај, на едно коло пред крајот на мундијалските квалификации, обезбедија пласман на Светското првенство 2026.
Двократниот светски шампион Уругвај забележа победа на домашен терен над Перу со 3-0 која ги искачи на третото место на табелата во јужноамериканските квалификации со 27 бодови, бод зад второпласираниот Бразил, кој го победи Чиле со 3-0.
Колумбија, исто така, забележа победа од 3-0 над Боливија, со што обезбеди враќање на мундијалскиот турнир, откако го пропушти Светското првенство во Катар во 2022 година.
По пауза од 16 години на мундијалскиот турнир се враќа и Парагвај, кој на домашен терен во Асунсион одигра без голови со Еквадор, што на домаќините им беше доволно да го заверат шестото место на табелата кое носи директен пласман на Мундијалот следната година во САД, Мексико и Канада.
Во последниот натпревар од вечерта, актуелниот светски шампион Аргентина победи со 3-0 против Венецуела на стадионот „Монументал“ во Буенос Аирес. Двоен стрелец беше аргентинскиот капитен Лионел Меси, кој беше прецизен во 39. и 80. Минута.
За 38-годишниот Меси, ова веројатно беше неговиот последен натпревар во репрезентативниот дрес на домашен терен, што тој самиот го навести по натпреварот, но додаде дека е исклучително мотивиран за претстојното Светско првенство.
